[X] Close
JUST IN
  • BREAKING-NEWS நீட் தேர்வு ஆள்மாறாட்ட வழக்கு சிபிசிஐடிக்கு மாற்றப்பட்டுள்ளது
  • BREAKING-NEWS தென்னாப்பிரிக்க வீரரை இடித்த விவகாரத்தில் விராட் கோலிக்கு ஐசிசி கண்டனம்
  • BREAKING-NEWS சென்னையில் டெங்கு காய்ச்சல் பாதிப்பால் 6 வயது சிறுமி உயிரிழப்பு
  • BREAKING-NEWS கோரிக்கைகளை பரிசீலிப்பதாக நிதித்துறை செயலாளர் கூறியதால் வங்கி அதிகாரிகள் வேலை நிறுத்தம் ஒத்திவைப்பு

“நேர்மையில்லாத அதிகாரிகளை பணிநீக்குங்கள்”- உயர்நீதிமன்றம் அறிவுறுத்தல்

dismiss-dishonest-officers-chennai-high-court-advice-to-tn-govt

நேர்மை, அர்ப்பணிப்பு மனப்பான்மை இல்லாத அதிகாரிகளை பணிநீக்கம் செய்ய வேண்டுமென தமிழக அரசுக்கு சென்னை உயர் நீதிமன்றம் அறிவுறுத்தியுள்ளது.

சென்னை மண்ணடியில் சட்டவிரோதமாக கட்டப்பட்ட கட்டடத்தின் கட்டுமானப் பணிகளை நிறுத்தும்படி மாநகராட்சி பிறப்பித்த உத்தரவை எதிர்த்து அந்த கட்டடத்தின் உரிமையாளர் மெஹ்ரஜ் பேகம் என்பவர் சென்னை உயர்நீதிமன்றத்தில் வழக்கு தொடர்ந்தார். இந்த வழக்கை விசாரித்த நீதிபதிகள் வைத்தியநாதன், கிருஷ்ணன் ராமசாமி ஆகியோர் அடங்கிய அமர்வு, ஆக்கிரமிப்புகளும், விதிமீறல் கட்டடங்களும் புற்று
நோய் போல் பரவி வருவதாக வேதனை தெரிவித்தனர்.

விதிகளை மீறுபவர்களை நீதிமன்றம் பாதுகாக்காது என்றும் மாநகராட்சி அதிகாரிகளின் உதவி இல்லாமல் இதுபோன்ற விதிமீறல்களில் யாரும் ஈடுபட முடியாது எனக் கூறிய நீதிபதிகள், நேர்மை, அர்ப்பணிப்பு மனப்பான்மையுடன் பணியாற்றாத அதிகாரிகள் மீது பணிநீக்கம் உள்ளிட்ட துறை ரீதியான நடவடிக்கைகளை மேற்கொள்ள வேண்டும் எ‌ன அறிவுறுத்தினர்.

மாநகராட்சி அதிகாரிகள் பணியில் சேர்ந்த நாள் முதல் ஓய்வு பெறும் நாள் வரை, அவர்களின் சொத்து விவரங்களை அவ்வப்போது ‌இணையதளத்தில் பதிவேற்றம் செய்ய வேண்டும் எனவும் நீதிபதிகள் உத்தரவிட்டு இந்த வழக்கின் விசாரணையை ஒத்தி வைத்தனர்.

Advertisement:
Advertisement:
Advertisement:
[X] Close