[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

டீக்கடை கடன் தள்ளுபடி ! அசத்திய உரிமையாளர்

tea-shop-owner-announces-tea-accounts-waiver-of-up-to-15000

புதுக்கோட்டை அருகே டீக்கடைக்காரர் ஒருவர் வாடிக்கையாளர்களின் அனைத்துக் கடன்களையும் ரத்து செய்வதாக அறிவித்து அனைவரையும் நெகிழ வைத்திருக்கிறார்.

கஜா புயலால் நாகை, திருவாரூர், தஞ்சை, புதுக்கோட்டை உள்ளிட்ட மாவட்டங்கள் கடுமையாக பாதிக்கப்பட்டன. புயல் பாதித்து ஒருமாதம் கடந்துவிட்ட நிலையில் அப்பகுதி மக்கள் மெல்ல மெல்ல தங்கள் இயல்புநிலைக்கு திரும்புகின்றனர். கஜா புயலால் பாதிக்கப்பட்ட டெல்டா பகுதி மக்களுக்கு பலதரப்பினரும் உதவி செய்தனர். வெளியூர்கள் மட்டுமின்றி வெளிநாட்டிலுள்ள தமிழர்கள் கூட உதவிக்கரம் நீட்டினர். சிறுவர்கள் பலரும் தாங்கள் சேமித்து வைத்த உண்டியல் பணத்தை கஜா நிவாரணத்துக்கு அனுப்பி நெகிழச்செய்தனர். இந்நிலையில் கஜா புயலால் பாதிக்கப்பட்ட ஒரு டீக்க்கடைக்காரர் நெகிழ்ச்சியான சம்பவத்தை செய்துள்ளார்.

கஜா புயல் பாதிப்பில் இருந்து மக்கள் மீள முடியாத நிலையில், புதுக்கோட்டை அருகே டீக்கடைக்காரர் ஒருவர் வாடிக்கையாளர்களின் அனைத்துக் கடன்களையும் ரத்து செய்வதாக அறிவித்து அனைவரையும் நெகிழ வைத்திருக்கிறார். திருவரங்குளம் அருகே உள்ள வம்பன் கிராமத்தில் சிவக்குமார் என்பவர் சிறிய டீக்கடை ஒன்றை நடத்திவருகிறார். விவசாயிகள் அதிகம் உள்ள இந்த கிராமத்தில் பலரும் கணக்கு வைத்து டீ குடித்துவிட்டு பின்னர் பணம் வழங்குவது வழக்கம். 

அந்த வகையில், இவரது கடையில் 15 ஆயிரம் ரூபாய் அளவுக்கு வாடிக்கையாளர்கள் கடன் வைத்துள்ளனர். இந்நிலையில், புயலால் பாதிக்கப்பட்ட மக்களால் கடனை திருப்பித்தர முடியாது என்பதால் 15 ஆயிரம் ரூபாய் கடனையும் சிவக்குமார் தள்ளுபடி செய்துள்ளார். கஜா புயலால் தானே பாதிக்கப்பட்டிருந்தாலும், கடையில் பாக்கி வைத்திருந்தவர்கள் அதனை திரும்ப செலுத்த தேவையில்லை என டீக்கடைக்கடை நடத்தும் சிவக்குமார் கூறியிருப்பது விவசாயிகளையும், வாடிக்கையாளர்களையும் நெகிழ வைத்துள்ளது.

Advertisement:
Advertisement:
Advertisement:
[X] Close