[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.99 காசுகளாகவும், டீசல் லிட்டருக்கு ரூ. 69.62 காசுகளாகவும் விலை நிர்ணயம்
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்

போர்க்குணம் மிகுந்த ப்ரீத்தி 471 மதிப்பெண் எடுத்து சாதனை!

preethi-scores-471-marks-in-1-exam

 

எலும்பு வளர்ச்சியின்மையால் பாதிக்கப்பட்டபோதிலும், தன்னம்பிக்கையால் அனைவரின் கவனத்தையும், அன்பையும் பெற்று, மனதில் நீங்காத இடத்தை பெற்ற உயிரிழந்த மாணவி ப்ரீத்தி 11ஆம் வகுப்பு பொதுத்தேர்வில் 471 மதிப்பெண் பெற்று வெற்றி பெற்றுள்ளார்.

ப்ரீத்தியை நேரிலோ, செய்தியின் வாயிலாகவோ அறிந்தவர்களுக்கு மட்டுமே அவரின் போர்க்குணம் தெரிய வரும். சிறு வயதிலேயே எலும்பு வளர்ச்சியின்மை என்ற நோயால் பாதிக்கப்பட்ட ப்ரீத்தி, கல்வி மட்டுமே தன்னுடைய வாழ்வையும் , குடும்பத்தின் சூழலையும் மாற்றும் என்ற ஒற்றை கனவை நோக்கி முன்னேறி கொண்டிருந்தார். தாயின் அரவணைப்பும் , ஆசிரியர்களின் ஊக்குவிப்பும் சேர்ந்து தன்னம்பிக்கையுடன் படித்த ப்ரித்தி, பத்தாம் வகுப்பில் 468 மதிப்பெண்கள் பெற்றார். பள்ளி, மற்றும் மாவட்ட கல்வி அலுவலர் முயற்சியால், 11 ஆம் வகுப்பை தொடர்ந்த ப்ரித்தி, கடந்த ஆண்டு புதிய தலைமுறைக்கு பேட்டியளித்தபோது மாவட்ட ஆட்சியர் ஆகும் தனது லட்சியத்தை வெளிப்படுத்தியிருந்தார்.

பள்ளி விடுமுறை நாட்களில் கூட படித்துக்கொண்டிருந்த ப்ரீத்தி, எலும்பு வளர்ச்சி முற்றிலுமாக தடை பட்டு கடந்த 18 ஆம் தேதி உயிரிழந்தார். இந்த நிலையில்தான் நேற்று வெளியான 11 ஆம் வகுப்பு பொதுத் தேர்வு முடிவுகளில் ப்ரித்தி 471 மதிப்பெண்கள் எடுத்துள்ளார்.தமிழ், க‌ணக்குப்பதிவியலில் 93 மற்றும் 94 மதிப்பெண்களும், கணினி அறிவியலில் 88 வணிகக்கணிதத்தில் 74 என அனைத்து பாடங்களிலும் நல்ல மதிப்பெண்கள் பெற்றுள்ளார் ப்ரித்தி.தடைகளை கடந்து சாதிக்கத் துடித்த ஒரு பெண்ணின் போராட்டம் பாதியில் முடிந்துவிட்டாலும், அவர் விதைத்துச் சென்றுள்ள நம்பிக்கை விதை, மற்றவர்களை தூண்டும் சக்தியாக இருந்து கொண்டே இருக்கும்.

(தகவல்கள்: ஐஸ்வர்யா, செய்தியாளர்)

வீடியோ

Advertisement:
Advertisement:
Advertisement:
[X] Close