[X] Close
JUST IN
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது

பட்ஜெட்டில் இந்தியை திணிப்பதா..?: தமுஎகச கண்டனம்

tha-mu-ea-ka-sa-condemn-finance-minister-arun-jaitley-in-a-first-presents-bilingual-budget-speech

நாடாளுமன்றத்தில் நிதிநிலை அறிக்கை இந்தி மொழியில் தாக்கல் செய்யப்பட்டதற்கு தமிழ்நாடு முற்போக்கு எழுத்தாளர் கலைஞர்கள் சங்கம் கண்டனம் தெரிவித்துள்ளது. 

இது தொடர்பாக‌ அந்தச் சங்கம் வெளியிட்ட அறிக்கையில், மக்களின் மொழி உரிமை மீதும், நாட்டின் பன்முகத்தன்மை மீதும் தொடுக்கப்படுகிற தாக்குதல் எனக் கூறியுள்ளது. ஆங்கிலத்தில் அல்லாமல் இந்தி மொழியில் தாக்கல் செய்யப்பட்டிருப்பது கண்டனத்துக்குரியது என குற்றம் சாட்டியுள்ளது.

அறிக்கையில், “சுதந்திர இந்தியாவின் நாடாளுமன்ற வரலாற்றில் முதல் முறையாக, மத்திய அரசின் நிதிநிலை அறிக்கை ஆங்கிலத்தில் அல்லாமல் இந்தி மொழியில் தாக்கல் செய்யப்பட்டிருக்கிறது. நிதியமைச்சர் அருண் ஜெட்லி இவ்வாறு செய்திருப்பது, அந்நிய மொழியைத் தவிர்த்து ஒரு இந்திய மொழியில் தாக்கல் செய்யப்பட்டிருக்கிறது என்று மேலோட்டமாக எடுத்துக்கொண்டு மகிழ்வதற்கானதல்ல. மாறாக, அப்படியொரு எண்ணத்தை ஏற்படுத்தி, பாஜக-வின் ஒற்றை மொழி ஆதிக்கக் கொள்கைப்படி இந்தியைத் திணிக்கிற ஏற்பாடேயாகும். இதுவரையில் திரைமறைவாகச் செய்யப்பட்டு வந்தது, இப்போது பல மடங்கு ஆணவத்தோடு அப்பட்டமாகச் செய்யப்பட்டிருக்கிறது.

இந்தியாவின் அனைத்து மொழிகளுக்கும் சம உரிமை வழங்குகிற அரசமைப்பு சாசனத்தையும், இந்தி பேசாத மக்கள் ஏற்கிற வரையில் ஆங்கிலமே தொடர்பு மொழியாக இருக்கும் என்ற முதல் பிரதமர் ஜவஹர்லால் நேருவின் வாக்குறுதியையும் அவமதிக்கிற நடவடிக்கையே இது. தேசிய அளவிலான இந்த மிக முக்கியமான ஆவணத்தை அனைத்து மாநில மொழிகளிலும் வெளியிடுகிற அக்கறையோ பொறுப்போ மத்திய ஆட்சியாளர்களிடம் இல்லை. ஆங்கிலம், இந்தி இரண்டு மொழிகளில் மட்டுமே வெளியிடுவது என்பதில் கடந்த கால நடைமுறையைப் பின்பற்றுகிற நரேந்திர மோடி அரசு, நாடாளுமன்றத்தில் அதை எந்த மொழியில் தாக்கல் செய்வது என்று வருகிறபோது, கடந்த கால நடைமுறையிலிருந்து விலகியது திட்டமிட்ட இந்தித் திணிப்பேயாகும்.

நிதிநிலை அறிக்கையில் உள்ள மக்களுக்குப் பாதகமான பல தாக்குதல்கள் ஒருபுறமிருக்க, மக்களின் மொழி உரிமை மீதும் நாட்டின் பன்முகப் பண்பாட்டுத் தளத்தின் மீதும் தொடுக்கப்பட்டிருக்கிற இந்த வன்மமான தாக்குதலை தமுஎகச வன்மையாகக் கண்டிக்கிறது. தமிழ் உரிமைக்காகவும் இந்திய மொழிகளின் சமத்துவத்துக்காகவும் இயக்கம் காண்கிற அனைவரும் இதை எதிர்த்துக் குரலெழுப்ப வேண்டும் என தமுஎகச கேட்டுக்கொள்கிறது” என்று குறிப்பிட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close