[X] Close
JUST IN
  • BREAKING-NEWS ஐ.என்.எக்ஸ் மீடியா வழக்கு: டெல்லி திகார் சிறையில் ப.சிதம்பரத்திடம் அமலாக்கத்துறை அதிகாரிகள் விசாரணை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

வறட்சி பகுதிகள்.. ஆட்சியர்கள் அறிக்கை அளிக்க முதலமைச்சர் உத்தரவு

drought-area-tn-cm-pannerselvam-asks-reports-from-district-collectors

வறட்சி பாதித்த பகுதிகளில் மாவட்ட ஆட்சியர்கள் ஆய்வு செய்து அறிக்கை அளிக்க முதலமைச்சர் ஓ.பன்னீர்செல்வம் உத்தரவிட்டுள்ளார்.

இதுதொடர்பாக அவர் வெளியிட்டுள்ள அறிக்கையில், வறட்சி பாதித்த பகுதிகளில் மாவட்ட ஆட்சியர்கள் ஆய்வு செய்து, அரசுக்கு அறிக்கை அளிக்க அறிவுறுத்தப்பட்டிருப்பதாக தெரிவித்துள்ளார். இவர்கள் விரைந்து அறிக்கை அளிக்க ஏதுவாக, அமைச்சர்கள், மூத்த ஐஏஎஸ் அதிகாரிகள் கொண்ட குழுக்கள் உடனடியாக அமைக்கப்படும் என்று கூறியுள்ள முதலமைச்சர், இந்த குழுக்கள் வருகிற 9-ஆம் தேதி வரை மாவட்டங்களில் சுற்றுப்பயணம் செய்து, வருகிற 10-ஆம் தேதி தங்களது அறிக்கையினை அரசுக்கு அளிக்கும் என்றும் தெரிவித்துள்ளார்.

இந்த அறிக்கையின் அடிப்படையில், வறட்சி பாதிப்பு குறித்து அறிவிப்பு வெளியிடப்பட்டு, தேவையான நிவாரணங்கள் அனைத்தையும் அரசு வழங்கும் என உறுதிபட தெரிவித்துக் கொள்வதாகவும், முதலமைச்சர் கூறியுள்ளார்.

அரசு வழங்கும் நிவாரணத்தொகை தவிர, பயிர் காப்பீடு செய்த விவசாயிகள் காப்பீட்டு நிறுவனத்திடமிருந்து இழப்பீட்டு தொகையை பெற இயலும் என்று சுட்டிக்காட்டியுள்ள முதலமைச்சர், நெல் சாகுபடி மேற்கொண்ட விவசாயிகளின் பாதிப்பு அளவை பொறுத்து ஏக்கர் ஒன்றுக்கு 25 ஆயிரம் ரூபாய் வரை இழப்பீடு தொகையை பெற இயலும் என்றும் கூறியுள்ளார்.

இதேபோல், இதர பயிர் செய்த விவசாயிகளும் பயிர் காப்பீட்டுத் தொகையை பெற இயலும் என்றும் முதலமைச்சர் ஓ.பன்னீர்செல்வம் தெரிவித்துள்ளார். பாதிக்கப்பட்ட அனைத்து விவசாயிகளுக்கு உரிய நிவாரணம் வழங்கப்படும் என்பதால் விவசாயிகள் யாரும் எந்தவித அச்சமும் கொள்ள தேவையில்லை என்றும் முதலமைச்சர் ஓ.பன்னீர்செல்வம் தெரிவித்துள்ளார்.

Advertisement:
Advertisement:
Advertisement:
[X] Close