[X] Close
JUST IN
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி
  • BREAKING-NEWS குடிநீர் பற்றாக்குறையை போக்க செயல்படுத்தப்படும் திட்டங்களுக்கான நிதியை உடனடியாக ஒதுக்க கோரிக்கை வைக்கப்பட்டுள்ளது - முதல்வர் பழனிசாமி
  • BREAKING-NEWS சிறப்பு விலக்கு மூலம் தமிழகத்தில் உள்ள மருத்துவ கல்லூரிகளுக்கு நீட் தேர்வில் இருந்து விலக்களிக்க வேண்டும் - பிரதமர் மோடியிடம் முதல்வர் பழனிசாமி மனு
  • BREAKING-NEWS மருத்துவர்கள், மருத்துவ துறையை சேர்ந்தவர்களை பாதுகாக்க சட்டப்பேரவையில் தனியாக சட்டம் இயற்றுக - மத்திய சுகாதாரத்துறை அமைச்சர் ஹர்ஷவர்தன் அனைத்து மாநில முதல்வர்களுக்கும் கடிதம்
  • BREAKING-NEWS அனைத்து இடங்களிலும் மழைநீர் சேகரிப்புத் திட்டம் மீண்டும் நடைமுறைப்படுத்தப்படும்; சவாலாக உள்ள குடிநீர் தட்டுப்பாட்டை போக்க அரசு உரிய நடவடிக்கை எடுத்து வருகிறது - அமைச்சர் உதயகுமார்
  • BREAKING-NEWS பிரதமர் நரேந்திர மோடி, மத்திய நிதியமைச்சர் நிர்மலா சீதாராமனுடன் டெல்லியில் புதுச்சேரி முதல்வர் நாராயணசாமி சந்திப்பு

தமிழகத்தில்தான் மும்பை அணிக்கு ரசிகர்கள் அதிகம் - காரணம் என்ன ?

chennai-super-kings-mumbai-fans-clash-in-social-media

விஜய் - அஜித் ரசிகர்களைப் போல சென்னை - மும்பை ரசிகர்கள் ட்விட்டர், ஃபேஸ்புக் உள்ளிட்ட சமூக வலைத்தளங்களில் படையெடுக்க தொடங்கினர்.

சென்னை சூப்பர் கிங்ஸ் மற்றும் மும்பை இண்டியன்ஸ் அணிகளுக்கு இடையிலான ஐபிஎல் இறுதிப் போட்டி ஹைதராபாத் மைதானத்தில் இரவு 7.30 மணிக்கு தொடங்குகிறது. ஒருவேளை சென்னை அணியுடன் இறுதிப் போட்டியில் வேறு எந்த அணியாவது இருந்திருந்தால் இவ்வளவு பரபரப்பு இருந்திருக்குமா என்பது சந்தேகம்தான். சென்னை - மும்பை அணிகளுக்கு இடையிலான போட்டி என்பதால்தான் இவ்வளவு எதிர்பார்ப்பு நிலவி வருகிறது. டெல்லி அணியை வீழ்த்தி சென்னை இறுதிப் போட்டிக்கு தகுதி பெற்றதுமே சமூக வலைத்தளங்கள் சூடாகிவிட்டன. 

                

விஜய் - அஜித் ரசிகர்களைப் போல சென்னை - மும்பை ரசிகர்கள் ட்விட்டர், ஃபேஸ்புக் உள்ளிட்ட சமூக வலைத்தளங்களில் படையெடுக்க தொடங்கினர். இரண்டு நாட்களாக மீம்ஸ்களை அள்ளி தெளித்து வருகின்றனர். ஒருவரை ஒருவர் நக்கல், கிண்டல் செய்து மீம்ஸ்களை பறக்கவிடுகிறனர். ரசிகர்களின் படையெடுப்பால் சமூக வலைத்தளங்களே சூடாகிவிட்டது. 

           

இதில், குறிப்பாக பார்க்க வேண்டிய விஷயம் என்னவென்றால் மும்பை அணிக்கு ஆதரவாக தமிழகத்திலிருந்து அதிக ரசிகர்கள் களமிறங்குகிறார்கள். தமிழில் பதிவிடப்படும் மீம்ஸ்களில் மும்பை அணிக்கு ஆதரவான மீம்ஸ்களையும் பெரிய அளவில் பார்க்க முடிகிறது. ‘என்ன நீங்க தமிழ்நாட்டிலிருந்து கொண்டு மும்பை அணிக்கு ஆதரவு தருகிறீர்கள்’ என்று சிலர் வம்புக்கு இழுக்கின்றனர்.

       

சேப்பாக்கத்தில் நடைபெற்ற முதல் பிளே ஆஃப் போட்டியில் சென்னை அணியை மும்பை அணி வீழ்த்தியது. அப்போது, போட்டி முடிந்ததும் வெளியே வந்த ரசிகர்களிடம் சில ஊடகங்கள் பேட்டி எடுத்தன. அப்போது, மும்பை அணிக்கு ஆதரவாக அவ்வளவு ரசிகர்கள் உணர்ச்சி பொங்க பேசினர். 

               

சென்னை அணியின் ரசிகர் பட்டாளத்துக்கு முக்கியமான காரணம் மற்ற வீரர்களைக் காட்டிலும் தோனிக்கே அந்தப் பெருமை சேரும். ஆனால், மும்பை அணிக்கு தமிழகத்தில் இவ்வளவு ரசிகர்கள் இருக்க மிக முக்கியமான காரணமாக இருப்பவர் நம்ம சச்சின் டெண்டுல்கர்தான். ரோகித் சர்மாவை குறைத்து மதிப்பிட முடியாது என்றாலும் சச்சின் ரசிகர் பட்டாளும் அப்படியே மும்பை இண்டியன்ஸ் பக்கம் திரும்பிவிட்டனர். 2013 வரை சச்சின் மும்பை அணிக்காக விளையாடினார். இதில், 2010ம் ஆண்டு 618 ரன்களும், 2011ம் ஆண்டு 553 ரன்களும் குவித்தார்.

                  

சச்சின் தற்போது மும்பை அணியின் ஆலோசகராக உள்ளார். போட்டி நடைபெறும் போது மைதானங்களில் அவர் காட்சி அளிப்பார். அது ரசிகர்களுக்கு உற்சாகமளிக்கும். தமிழகத்தில் சச்சினின் பிரியர்கள் அதிகம் என்பது மும்பை இண்டியன்ஸுக்கு இங்குள்ள ஆதரவு மூலம் தெரிய வருகிறது. 

Advertisement:
இது தொடர்பான செய்திகள் :
Advertisement:
Advertisement:
[X] Close