[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

சிறப்பாக பந்துவீச ஜாகிர்கான் காரணம்: கலீல் அகமது மகிழ்ச்சி

khaleel-ahmed-credits-zaheer-khan-for-becoming-a-better-bowler

‘நான் சிறப்பாக பந்துவீசுவதற்கு இந்திய அணியின் முன்னாள் வேகப்பந்துவீச்சாளர் ஜாகிர்கான் தான் காரணம்’ என்று வேகப்பந்துவீச்சாளர் கலீல் அகமது தெரிவித்துள்ளார். 

வெஸ்ட் இண்டீஸ் கிரிக்கெட் அணி, இந்தியாவில் சுற்றுப்பயணம் செய்து 2 டெஸ்ட், 5 ஒரு நாள் போட்டி மற்றும் மூன்று டி20 போட்டிகளில் விளையாட வந்துள்ளது. இதில், முதல் டெஸ்ட் போட்டியில் இந்திய அணி, இன்னிங்ஸ் மற்றும் 272 ரன்கள் வித்தியாசத்தில் அபார வெற்றி பெற்றது. இரண்டாவது டெஸ்ட் போட்டி ஐதராபாத்தில் நடைபெற்றது. இந்தப் போட்டியிலும் இந்திய அணி 10 விக்கெட் வித்தியாசத்தில் அபார வெற்றி பெற்றது. 

இந்நிலையில் இரு அணிகளும் ஒரு நாள் போட்டித் தொடரில் மோதுகின்றன. முதல் போட்டி கவுகாத்தியில் நாளை நடக்கிறது. இரண்டாவது போட்டி, 24-ம் தேதி விசாகப்பட்டினத்தில் நடக்கிறது. இந்த இரண்டு போட்டிக்கான இந்திய அணியில் ராஜஸ்தானை சேர்ந்த வேகப்பந்துவீச்சா ளர் கலீல் அகமது இடம்பெற்றுள்ளார். ஏற்கனவே, புவனேஷ்வர்குமார்,  பும்ரா ஆகிய வேகப்பந்துவீச்சாளர்களுக்கு ஓய்வு அளிக்கப்பட்டுள்ள நிலையில் கலீல் அகமதுவுக்கு இந்த தொடரில் வாய்ப்பளிக்கடும் என்று தெரிகிறது.

இந்நிலையில் கலீல் அகமது செய்தியாளர்களிடம் கூறும்போது, ‘ஆசிய கோப்பை கிரிக்கெட் போட்டியில் அறிமுகமானேன். அது முதல் தொடர் என்பதால் எனக்கு பதட்டம் இருந்தது. அழுத்தம் இருந்தது. இருந்தாலும் சிறப்பாக செயல்பட்டேன். இன்னும் சிறப்பாக செயல்பட வேண்டும் என நினைக்கிறேன். நான் நன்றாக பந்துவீசுவதற்கு இந்திய அணியின் முன்னாள் வேகப்பந்துவீச்சாளர் ஜாகிர் கானும் காரணம். டெல்லி டேர்டெ வில் ஸ் அணியில் இருந்தபோது அவரோடு அதிக நேரம் செலவிடுவேன். அவர் கொடுத்த ஆலோசனைகளைப் பயன்படுத்தி பந்துவீசுவேன். 

வெவ்வேறு சூழ்நிலைகளில் எப்படி பந்துவீசுவது என்பதை அவர்தான் கற்றுக்கொடுத்தார். அதன் காரணமாகத்தான் சிறப்பான பந்துவீச்சாளராக உருவெடுத்திருக்கிறேன். தேசிய அணியில் சீனியர், ஜூனியர் என்ற பாகுபாடு இல்லை. எல்லோரும் சமமாகத்தான் பார்க்கிறார்கள். எல்லோரி டமும் பேசுவது போலவே என்னிடமும் பேசுகிறார்கள். என் நம்பிக்கையை அதிகரிக்க வைக்கிறார்கள். வருகிற ஒரு நாள் போட்டிகளில் அதிக விக்கெட் வீழ்த்தினால், எனது நம்பிக்கை அதிகரிக்கும். உலகக் கோப்பை தொடரில் எனக்கும் வாய்ப்பு கிடைத்தால் இந்த நம்பிக்கை என் மீதான அழுத்தத்தைக் குறைக்கும்’ என்று தெரிவித்துள்ளார்.

Advertisement:
Advertisement:
Advertisement:
[X] Close