[X] Close
JUST IN
  • BREAKING-NEWS அஜித் சிறந்த நடிகர், அரசியல் குறித்த அவரது கருத்துக்கு நன்றி; அரசியலில் ஈடுபட மாட்டேன் என அஜித் முடிவு எடுத்திருப்பது நல்ல முடிவு - கனிமொழி எம்.பி.
  • BREAKING-NEWS நேரடியாகவோ மறைமுகமாகவோ அரசியலில் ஈடுபடும் ஆர்வம் இல்லை - நடிகர் அஜித்குமார்
  • BREAKING-NEWS நாடாளுமன்ற தேர்தல் பரப்புரைக்காக தமிழகம் வருகிறார் ராகுல் காந்தி; யார் பிரதமராக வர வேண்டும் என மக்கள் முடிவு செய்துவிட்டனர் - காங்கிரஸ் பொதுச்செயலாளர் முகுல் வாஸ்னிக்
  • BREAKING-NEWS மதுரையில் பேட்ட, விஸ்வாசம் திரையிடப்பட்டதில் ஜனவரி 10-17 வரையிலான வசூல் விவரங்களை அளிக்க ஆட்சியருக்கு உயர்நீதிமன்றக்கிளை உத்தரவு
  • BREAKING-NEWS ஸ்டாலினுக்கு துணிவு இருந்தால் கொல்கத்தா மேடையில் பிரதமர் வேட்பாளரை அறிவித்திருக்க வேண்டும் - தமிழிசை சவுந்தரராஜன்
  • BREAKING-NEWS வளர்ச்சி நிதி, புயல் நிவாரண நிதியை கேட்டும் தராத மத்திய அரசுடன் இணக்கம் என எப்படி கூற முடியும்? - தம்பிதுரை எம்.பி.
  • BREAKING-NEWS சிலைக்கடத்தல் தடுப்பு வழக்குகளில் பிறப்பிக்கும் உத்தரவுகளை நிறைவேற்றாமல், தடுப்பது எது? - அரசு, காவல்துறைக்கு நீதிமன்றம் கேள்வி

’வீரர்கள் தேர்வில் ’யோ-யோ’ மட்டுமே அளவுகோலாக இருக்கக் கூடாது’

yo-yo-test-shouldn-t-be-sole-selection-criterion-says-sachin

இந்திய கிரிக்கெட் வீரர்களின் உடல் தகுதித் தேர்வில் யோ யோ டெஸ்ட் மட்டுமே அளவுகோலாக இருக்கக் கூடாது என்று இந்திய கிரிக்கெட் அணியின் முன்னாள் ஜாம்பவான் சச்சின் டெண்டுல்கர் கூறியுள்ளார்.

இந்திய கிரிக்கெட் அணியில், ஒவ்வொரு தொடருக்கும் முன்பாக ‘யோ -யோ’ என்னும் உடற்தகுதித் தேர்வு மேற்கொள்ளப் படுகிறது. இதில் தேர்வு பெற்றால் மட்டும்தான் வீரர்கள் இந்திய அணியில் இடம் பெற முடியும். ‘யோ -யோ’வில் இந்திய வீரர்கள் தேர்வாக, 16.1 என குறைந்தபட்ச மதிப்பெண் நிர்ணயிக்கப்பட்டு இருக்கிறது. வெளிநாடுகளில் இருந்த இந்த ’யோ- யோ’வை, இந்தியாவுக்குக் கொண்டு வந்தவர், அனில் கும்ப்ளே. அவர் பயிற்சியாளராக இருந்தபோது இந்த முறையை இறக்கு மதி செய்தார்!

ஆப்கானிஸ்தான், இங்கிலாந்து மற்றும் அயர்லாந்து தொடரில் பங்கேற்கும் இந்திய கிரிக்கெட் வீரர்களுக்கான ‘யோ யோ’ சோதனை கடந்த மாதம் நடைபெற்றது. இதில், ஐபிஎல் போட்டியில் சிறப்பாக விளையாடிய அம்பத்தி ராயுடு, தோல்வி அடைந்ததால் வெளியேற்றப்பட்டார். வேகப்பந்து வீச்சாளர் முகமது ஷமி, இந்திய ஏ அணியில் இடம் பிடித்திருந்த சஞ்சு சாம்சன் ஆகியோரும் தோல்வி அடைந்திருந்தனர். இதனால், யோ யோ சோதனை குறித்து பலர் விமர்சனங்களை முன் வைத்தனர்.

இந்திய தேர்வுக் குழு முன்னாள் உறுப்பினர் சந்தீப் பாட்டீல் கடுமையாக இதை எதிர்த்திருந்தார். அதோடு ’வருடம் முழுவதும் சிறப்பாக விளையாடும் வீரர்களை அரை மணி நேர உடல் தகுதி தேர்வின் அடிப்படையில் நீக்குவது எந்த விதத்தில் நியாயம்? வீரர்களுக்கு மற்றொரு வாய்ப்பு கொடுக்கப்பட வேண்டும்’ என்று கூறியிருந்தார்.

இந்நிலையில் இந்திய கிரிக்கெட் அணியின் முன்னாள் ஜாம்பவான் சச்சின் டெண்டுல்கர் கூறும்போது, ‘யோ- யோ தேர்வை மட்டுமே வீரர்களின் உடல் தகுதியை நிர்ணயிக்கும் அளவுகோலாக இந்திய கிரிக்கெட் வாரியம் வைத்திருக்கக் கூடாது. நான், யோ-யோ தேர்வில் பங்கேற்றதில்லை.

எங்களுக்கு பீப் டெஸ்ட் வைக்கப்பட்டது. அது இதற்கு கொஞ்சம் நெருக்கமான டெஸ்ட்தான். ஆனால் அது ஒன்றை மட்டுமே உடல் தகுதித் தேர்வாக வைத்திருக்கக் கூடாது. வீரர்களின் திறமையை அறியும் விதமாக,  கலவையான சில உடல் தகுதி தேர்வுகள் வைக்கப்பட வேண்டும். என்னை பொறுத்தவரை யோ-யோ முக்கிய மானது என்றாலும் அதே நேரம் வீரர்களின் திறனை அறிவதும் முக்கியம்’ என்று தெரிவித்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close