[X] Close
JUST IN
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்

தோனிக்கும் வயசாகுதுல்ல...

ms-dhoni-not-the-same-person-he-was-age-catching-up-with-him-sehwag

’பழைய மாதிரி தோனியை பார்க்க முடியாது. அவருக்கும் வயதாகிக்கொண்டிருக்கிறது என்று முன்னாள் கிரிக்கெட் வீரர் வீரேந்திர சேவாக் கூறியுள்ளார்.

இங்கிலாந்துக்கு எதிரான டி20 தொடரை வென்ற இந்திய அணி, ஒருநாள் தொடரை இழந்தது. இதில் முன்னாள் கேப்டன் தோனி, 2 வது போட்டி யில் 59 பந்துகளில் 37 ரன்னும், கடைசிப்போட்டியில் 66 பந்துகளில் 42 ரன்னும் எடுத்தார். தோனியின் இந்த நிதானமான ஆட்டம் கடும் விமர்ச னத்துக்கு உள்ளாகி வருகிறது.

அவரது ஆட்டம் பற்றி பேசிய கவுதம் காம்பீர்,  ’தோனி, களத்தில் தன்னை நிலைப்படுத்திக் கொள்ள அதிகமான டாட் பந்துகளை சந்திக்கிறார். சில பந்துகளை அடிப்பதில் தடுமாற்றம் தெரிகிறது. தோனி இப்படி ஆடுவது, பின்னால் வருகிற பேட்ஸ்மேன்களுக்கு அழுத்தத்தையே கொடுக்கும். அவர் பந்துகளை வீணடிக்காமல், வேகமாக ஆட வேண்டும்’ என்றார். 

இந்திய அணியின் முன்னாள் கேப்டன் சவுரவ் கங்குலியும் கடந்த ஒரு வருடமாக தோனி, போதுமான ஆட்டத்திறனை வெளிப்படுத்த வில்லை என்று குறை கூறியிருந்தார்.

’தோனியின் ஆட்டத்தைப் பார்த்தபோது, இதே மைதானத்தில் (லார்ட்ஸ்) நான் 136 பந்துகளுக்கு 36 ரன்கள் எடுத்தது ஞாபகத்துக்கு வந்தது’ என்று சுனில் கவாஸ்கர் கிண்டல் செய்திருந்தார்.

இந்நிலையில், முன்னாள் வீரர் வீரேந்திர சேவாக்கும் தன் பங்குக்கு சில காரணங்களைச் சொல்லியிருக்கிறார்.’பேட்ஸ்மேன்கள் சரியாக ஆடாததுதான் தோல்விக்கு காரணம். ரோகித் சர்மா, தவான், விராத் கோலி, தோனி ஆகியோரில் யாராவது ஒருவர் நின்று ஆடியிருக்க வேண்டும். பந்துவீச்சாளர்களும் நெருக்கடி கொடுக்கும் விதத்தில் வீசவில்லை. ஒரு நாள் போட்டிகளில் சிறப்பாக செயல்படுபவர் புவனேஷ் வர்குமார். அவர் முழுமையாக உடல் தகுதி பெறும் முன்பே அந்தப் போட்டியில் ஆட வைத்துள்ளனர். அவர் ஏழு ஓவர் வீசியும் விக்கெட் கிடைக்கவில்லை. இங்கிலாந்தின் மோர்கன், ரூட் ஆகியோர் குல்தீப், சேஹல் பந்துவீச்சை எதிர்கொள்ளப் பழகிவிட்டனர். 


 
தோனி, முன்பு இருந்தது போல இளைஞராக இல்லை. அவருக்கும் வயதாகிக் கொண்டிருக்கிறது. உண்மையில் தோனி, பொறுப்பேற்று அணியைக் கடைசிவரை கொண்டு சென்றிருக்க வேண்டும். ஏராளமான டாட் பந்துகளை அவர் ரன்களாக மாற்றி இருக்க வேண்டும்’ என்றார்.

இவர்கள் என்னதான் சொன்னாலும் 2019 உலகக் கோப்பைவரை தோனி அணியில் தொடர்வார் என்று தெரிவித்துள்ளார் பயிற்சியாளர் ரவி சாஸ்திரி!

Advertisement:
இது தொடர்பான செய்திகள் :
Advertisement:
Advertisement:
[X] Close