[X] Close
JUST IN
  • BREAKING-NEWS ஆறுமுகசாமி ஆணையத்தின் விசாரணைக்கு உதவும் வகையில் காவல் ஆய்வாளரை நியமிக்க அரசு ஒப்புதல்
  • BREAKING-NEWS இலங்கை நாடாளுமன்றம் ஏற்கனவே அறிவித்தபடி நாளை காலை 10 மணிக்கு கூடுகிறது
  • BREAKING-NEWS இலங்கை நாடாளுமன்றம் கலைக்கப்பட்டதற்கு இடைக்கால தடை விதித்தது இலங்கை உச்சநீதிமன்றம்
  • BREAKING-NEWS கூவம், அடையாறு ஆற்றை பராமரிப்பு செய்யாத வழக்கில் அரசுக்கு விதித்த ரூ.2 கோடி அபராதத்துக்கு தடை
  • BREAKING-NEWS வைகை அணையில் இருந்து பாசனத்திற்காக நவ.23ம் தேதி முதல் 24ம் தேதிவரை தண்ணீர் திறக்க முதல்வர் உத்தரவு
  • BREAKING-NEWS சபரிமலையில் அனைத்து வயது பெண்களை அனுமதிக்கும் வழக்கை மீண்டும் விசாரிக்க உச்சநீதிமன்றம் முடிவு
  • BREAKING-NEWS நவ.15ம் தேதி பிற்பகல் பாம்பன் - கடலூர் இடையே கஜா புயல் கரையை கடக்கும் - சென்னை வானிலை ஆய்வு மையம்

வில்லியம்சன் சதம் வீண்: இங்கிலாந்து திரில்லிங் வெற்றி!

england-won-by-4-runs

நியூசிலாந்துக்கு எதிரான 3-வது ஒரு நாள் போட்டியில் இங்கிலாந்து அணி திரில்லிங் வெற்றி பெற்றது. 

இங்கிலாந்து கிரிக்கெட் அணி, நியூசிலாந்தில் சுற்றுப்பயணம் செய்து 5 போட்டிகள் கொண்ட ஒருநாள் தொடரில் விளையாடி வருகிறது. முதலாவது போட்டியில் நியூசிலாந்தும்  இரண்டாவது போட்டியில் இங்கிலாந்தும் வெற்றிப்பெற்றன. மூன்றாவது போட்டி வெலிங்டனில் இன்று நடந்தது. 

டாஸ் வென்ற நியூசிலாந்து அணி, பீல்டிங்கை தேர்ந்தெடுத்தது. இதன்படி முதலில் பேட்டிங்கைத் தொடங்கிய இங்கிலாந்து அணி, 234 ரன்களுக்குள் ஆல் அவுட் ஆனது. அந்த அணியின் மோர்கன் அதிகப்பட்சமாக 48 ரன்களும் ஸ்டோக்ஸ் 39 ரன்களும் எடுத்தனர். நியூசிலாந்து தரப்பில் சோதி 3 விக்கெட்டுகளும் போல்ட் 2 விக்கெட்டுகளும் கிராண்ட்ஹோம், சவுதி தலா ஒரு விக்கெட்டும் எடுத்தனர். மூன்று பேர் ரன் அவுட் முறையில் ஆட்டம் இழந்தனர் என்பது குறிப்பிடத்தக்கது.

பின்னர் ஆட்டத்தை தொடங்கிய நியூசிலாந்து அணியில் குப்திலும் முன்றோவும் களமிறங்கினர். வந்த வேகத்திலேயே வோக்ஸ் பந்தில், குப்தில் அவுட் ஆனார். அடுத்து முன்றோவுடன் இணைந்தார் கேப்டன் வில்லியம்சன். 49 ரன்களில் முன்றோ ஆட்டமிழந்தார். இங்கிலாந்தின் நேர்த்தியான பந்துவீச்சில் அடுத்த வந்தவர்களும் அடுத்தடுத்து அவுட் ஆக, நிலைத்து நின்று விளையாடிய வில்லியம்சன் அபார சதமடித்தார். அவருக்கு ஒத்துழைப்புக் கொடுத்த சன்ட்னர் 41 ரன்கள் எடுத்த நிலையில் ரன் அவுட் ஆக, போட்டியில் பதற்றம் தொற்றிக்கொண்டது. 

கடைசி ஓவரில் நியூசிலாந்துக்கு 15 ரன்கள் தேவைப்பட்டது. முதல் பந்தில் ரன் கிடைக்கவில்லை. இரண்டாவது பந்தில் இரண்டு ரன் எடுத்த வில்லியம்சன் முன்றாவது பந்தை சிக்சருக்குத் தூக்கினார். அடுத்த பந்தில் இரண்டு ரன்கள் எடுத்தார். அடுத்த பந்தில் ரன் கிடைக்கவில்லை. கடைசி பந்தில் 5 ரன்கள் தேவைப்பட்டது. ஆனால், கடைசி பந்தை யார்க்கராக வீசினார் வோக்ஸ். அதை அடிக்க முடியாததால் ரன் கிடைக்கவில்லை. இதையடுத்து 4 ரன்கள் வித்தியாசத்தில் இங்கிலாந்து அணி வெற்றி பெற்றது. வில்லியம்சன் 112 ரன்கள் எடுத்தார். 

இந்த வெற்றியின் மூலம் தொடரில் 2-1 என்ற கணக்கில் இங்கிலாந்து முன்னிலை பெற்றுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close