[X] Close
JUST IN
  • BREAKING-NEWS வெஸ்ட் இண்டீஸ் அணிக்கு எதிரான முதல் டி20 போட்டியில் இந்திய அணி 6 விக்கெட் வித்தியாசத்தில் அபார வெற்றி
  • BREAKING-NEWS போக்சோ சட்டத்தின் கீழ் தண்டனை பெறும் நபர்கள் கருணை மனு தாக்கல் செய்ய உரிமை அளிக்கக் கூடாது - குடியரசுத் தலைவர் ராம்நாத் கோவிந்த்
  • BREAKING-NEWS தெலங்கானா: 4 பேர் என்கவுன்ட்டர் செய்யப்பட்ட விவகாரத்தில் சட்டம் தன் கடமையை செய்துள்ளது - தெலங்கானா போலீஸ்
  • BREAKING-NEWS சிலை கடத்தல் தொடர்பான ஆவணங்களை தமிழக அரசிடம் பொன் மாணிக்கவேல் ஒப்படைக்க வேண்டும் - சென்னை உயர்நீதிமன்றம்
  • BREAKING-NEWS நித்யானந்தா எங்கு இருக்கிறார் என்பதை அறிவதில் சிரமம் இருக்கிறது - மத்திய வெளியுறவுத்துறை அமைச்சகம்
  • BREAKING-NEWS புதிதாக பிரிக்கப்பட்ட 9 மாவட்டங்கள் தவிர்த்து மற்ற மாவட்டங்களில் உள்ளாட்சித் தேர்தல் நடத்த உச்சநீதிமன்றம் அனுமதி
  • BREAKING-NEWS தெலங்கானா பெண் மருத்துவர் கொலை : 4 பேர் என்கவுன்டரில் சுட்டுக்கொலை

’எனக்கு எதிராக சதி’: குற்றப்பத்திரிகையை ரத்துச் செய்யக் கோரி மோகன்லால் மனு

chargesheet-in-ivory-case-filed-with-ulterior-motive-mohanlal

யானை தந்தங்கள் வைத்திருந்த வழக்கில் தன் மீதான குற்றப்பத்திரிகையை ரத்து செய்யக்கோரி, கேரள உயர்நீதிமன்றத்தில் நடிகர் மோகன்லால் மனுத்தாக்கல் செய்துள்ளார்.

பிரபல மலையாள நடிகர் மோகன்லாலுக்கு சொந்தமான வீடுகள் மற்றும் அலுவலகங்களில் வருமான வரித்துறையினர் 2012 ஆம் நடத்திய சோதனையில், 4 யானை தந்தங்கள் கைப்பற்றப்பட்டன. இது தொடர்பாக கோடநாடு வனத்துறையினர் மோகன்லாலுக்கு எதிராக வழக்குப்பதிவு செய்தனர்.

இதற்கிடையே தந்தங்களைத் திருப்பிக் கேட்டு, அப்போதைய வனத்துறை அமைச்சர் திருவஞ்சூர் ராதாகிருஷ்ணனிடம் மோகன்லால் கோரிக்கை விடுத்தார். வனத்துறை சட்டப்படி யானை தந்தங்களை வீடுகளில் வைத்திருக்கக்கூடாது. ஆனால் சட்டத்தில் திருத்தம் செய்து அன்றைய கேரள அரசு தந்தங்களை, லாலிடம் திருப்பி கொடுத்ததாகக் கூறப்பட்டது.  இதை எதிர்த்து கேரள உயர்நீதிமன்றத்தில் பொதுநல வழக்கு தொடரப்பட்டது. 

இந்த வழக்கில் 7 வருடத்துக்கு பிறகு கோடநாடு வனத்துறை குற்றப்பத்திரிகை தாக்கல் செய்தது. வன அதிகாரியான ஜி.தனிக் லால், பெரும்பாவூர் நீதிமன்றத்தில் இந்த குற்றப்பத்திரிகையை தாக்கல் செய்தார்.  இந்நிலையில் இந்தக் குற்றப்பத்திரிகை யை ரத்து செய்யக் கோரி, கேரள உயர்நீதிமன்றத்தில் மோகன்லால் மனுத்தாக்கல் செய்துள்ளார். அதில், ‘தந்தங்கள் வைத்திருக்க என்னிடம் லைசென்ஸ் இருக்கிறது. இருந்தும் என் மீது குற்றப்பத்திரிகை தாக்கல் செய்திருப்பதில் சதி இருக்கிறது. எனது புகழுக்கு களங்கம் ஏற்படுத்தவே இந்த புகாரை எழுப்பியுள்ளனர்’ என்று அவர் தெரிவித்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close