[X] Close
JUST IN
  • BREAKING-NEWS வளிமண்டல மேலடுக்கு சுழற்சியால் தமிழகத்தில் 3 நாட்களுக்கு மழை நீடிக்கும் - வானிலை ஆய்வு மையம்
  • BREAKING-NEWS சென்னை ராயப்பேட்டை ஒய்.எம்.சி.ஏ மைதானத்தில் அக்டோபர் 6ஆம் தேதி திமுக பொதுக்குழு கூட்டம்
  • BREAKING-NEWS நீட் ஆள் மாறாட்ட புகாரில் தொடர்புடைய மாணவர் உதித் சூர்யாவை தேடி தேனியிலிருந்து தனிப்படை காவல்துறையினர் 5பேர் சென்னை வருகை
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு

’பாலியல் வன்கொடுமை செய்தார் சின்மயானந்தா’: சட்ட மாணவி வாக்குமூலம்

chinmayanand-raped-exploited-me-physically-for-a-year-shahjahanpur-law-student

பாஜக தலைவரும் மத்திய முன்னாள் இணை அமைச்சருமான சின்மயானந்தா, தன்னை பாலியல் வன்கொடுமை செய்தார் என்றும் ஒரு வருடமாக உடல்ரீதியாக துன்றுபுறுத்தினார் என்று சட்டக்கல்லூரி மாணவி தெரிவித்துள்ளார். 

உத்தரப்பிரதேச மாநிலம் ஷாஜஹான்பூரைச் சேர்ந்த சட்டக்கல்லூரி மாணவி ஒருவர் மத்திய முன்னாள் இணை அமைச் சரும் பாஜக தலைவருமான சின்மயானந்தாவுக்கு எதிராக பாலியல் குற்றச்சாட்டை தெரிவித்து, வீடியோ வெளியிட்டி ருந்தார். அதை வெளியிட்ட பின் மாயமான அந்த மாணவி, பின்னர் ராஜஸ்தானில் இருந்து மீட்கப்பட்டு உச்சநீதிமன்றத்தில் ஆஜர்படுத்தப்பட்டார். மாணவியின் தந்தை அளித்த புகாரின் அடிப்படையில் சின்மயானந்தா மீது வழக்குப் பதிவு செய்யப் பட்டது.

இந்நிலையில், சின்மயானந்தா மீது புகார் அளித்த மாணவி மற்றும் சகோதரரை வேறொரு கல்லூரிக்கு மாற்ற உச்சநீதி மன்றம் உத்தரவிட்டது. நீதிபதிககள் ஆர்.பானுமதி மற்றும் ஏ.எஸ்.போபன்னா தலைமையிலான அமர்வு, பார் கவுன்சிலுக்கு இந்த உத்தரவை பிறப்பித்தது. தங்களைப் பொறுத்தவரை அவர்களின் எதிர்காலம் முக்கியம் என நீதிபதிகள் தெரிவித்தனர்.

இந்நிலையில் அந்த மாணவி, 'சின்மயானந்தா தன்னை ஒரு வருடமாக, பாலியல் வன்கொடுமை செய்ததாக'த் தெரிவித் துள்ளார். 

அவர் மேலும் கூறும்போது, ‘டெல்லி போலீசார் வழக்குப் பதிவு செய்துள்ளனர். ஆனால், பாலியல் வன்கொடுமை பற்றி அதில் குறிப்பிடப்படவில்லை. கடந்த ஞாயிற்றுக்கிழமை சிறப்பு விசாரணைக் குழு 11 மணி நேரம் என்னிடம் விசாரணை நடத்தியது. சின்மயானந்தா என்னை பாலியல் வன்கொடுமை செய்தது உட்பட அனைத்து தகவல்களையும் சொல்லி விட்டேன். அவர் உடல்ரீதியாகவும் என்னை துன்புறுத்தினார். அதற்கான ஆதாரம் இருக்கிறது. வீடியோ கிளிப் இருக்கிறது. நேரம் வரும்போது அதை வழங்குவேன். 

நான் தங்கிய கல்லூரி விடுதி அறை சீல் வைக்கப்பட்டிருக்கிறது. அது மீடியா முன்பு திறக்கப்பட வேண்டும். சின்மயானந்தா, பல சிறுமிகளின் வாழ்க்கையை சீரழித்துள்ளார். எத்தனை பேரை சீரழித்தார் என்பதை என்னால் சொல்ல இயலாது. நான் மட்டுமே துணிச்சலாக இப்போது புகார் கொடுத்துள்ளேன். நான் ஐந்து கோடி ரூபாய் கேட்டதாக, அவரது வழக்கறிஞர் கூறி யுள்ளார். அது பொய்யான புகார். அதுபற்றி விசாரிக்கப்பட வேண்டும்’’ என்று தெரிவித்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close