[X] Close
JUST IN
  • BREAKING-NEWS காரைக்கால் மாவட்டத்தில் நாளை பள்ளிகளுக்கு விடுமுறை - ஆட்சியர் கேசவன்
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது
  • BREAKING-NEWS கஜா புயலின் தாக்கத்தால் ஏற்பட்ட விபத்துகளில் தமிழகத்தில் இதுவரை உயிரிழந்தோரின் எண்ணிக்கை 27 ஆனது
  • BREAKING-NEWS 21 கி.மீ. வேகத்தில் நாகையை நெருங்கி வருகிறது கஜா புயல் - சென்னை வானிலை ஆய்வு மையம்
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு
  • BREAKING-NEWS ‘கஜா புயல்’... முன்னெச்சரிக்கை அடிப்படையில் தேவையான நடவடிக்கைகள் அரசு சார்பில் மேற்கொள்ளப்பட்டுள்ளன; மக்கள் அச்சமடைய வேண்டாம் - பேரிடர் மேலாண்மைத் துறை

“உச்சநீதிமன்றம் அயோத்தி விஷயத்தை கேட்க மறுக்கிறது” - ஆர்.எஸ்.எஸ் குற்றச்சாட்டு

rss-chief-general-bhayaji-joshi-accused-the-supreme-court-of-ignoring-hindu-sentiments

அயோத்தி வழக்கு விவகாரத்தில் உச்சநீதிமன்றம் இந்துக்களின் உணர்வுகளை அவமதிப்பதாக ஆர்.எஸ்.எஸ் பொதுச்செயலாளர் பையாஜி ஜோஷி குற்றம் சாட்டியுள்ளார். 

அயோத்தியில் ராம ஜென்ம பூமி - பாபர் மசூதி பகுதியின் உரிமை தொடர்பான வழக்கு நீண்ட காலமாக நடந்து வருகிறது. இந்த வழக்கை விசாரித்த அலகாபாத் உயர்நீதிமன்றம் சர்ச்சைக்குரிய 2.77 ஏக்கர் நிலப்பகுதியை சன்னி வக்பு வாரியம், நிரோகி அகாரா மற்றும் ராம் லல்லா ஆகிய 3 பிரிவினரும் சமமாக பிரித்துக்கொள்ள வேண்டும் என தீர்ப்பு வழங்கியது. 

இதை எதிர்த்து பல்வேறு தரப்பினரும் உச்சநீதிமன்றத்தில் மேல்முறையீடு செய்தனர். இந்த வழக்கு கடந்த மாதம் 29 ஆம் தேதி விசாரணைக்கு வந்தது. தலைமை நீதிபதி ரஞ்சன் கோகய் தலைமையிலான 3 நீதிபதிகள் கொண்ட அமர்வு, வழக்கு விசாரணை தேதி குறித்து ஜனவரி மாதம் முடிவெடுக்கப்படும் என உத்தரவிட்டது. 

இந்நிலையில், தானேவில் மூன்று நாள் ஆர்.எஸ்.எஸ் தேசிய நிர்வாக குழு கூட்டம் நடைபெற்றது. இதில் கலந்து கொண்ட அதன் பொதுச்செயலாளர் பையாஜி ஜோஷி செய்தியாளர்களை சந்தித்தார். அப்போது, அயோத்தி வழக்கு விவகாரத்தில் உச்சநீதிமன்றம் இந்துக்களின் உணர்வுகளை அவமதிப்பதாக குற்றம் சாட்டியுள்ளார். 

நீதிமன்ற தீர்ப்புக்காக நீண்ட காலமாக காத்திருப்பதாகவும், தீபாவளிக்கு முன்னதாகவே நல்ல செய்தி கிடைக்கும் என எதிர்பார்த்ததாகவும் ஆனால் உச்சநீதிமன்றம் இந்த விஷயத்தை கேட்க மறுத்து விசாரணையை ஒத்திவைத்துள்ளதாகவும் பையாஜி ஜோஷி தெரிவித்துள்ளார். 

இந்துக்களின் முக்கியமான பிரச்னை உச்சநீதிமன்றத்தின் முன்னுரிமை பட்டியலில் இல்லை என்பது வருத்தமளிப்பதாக அவர் குறிப்பிட்டுள்ளார்.  

Advertisement:
இது தொடர்பான செய்திகள் :
Advertisement:
Advertisement:
[X] Close