[X] Close
JUST IN
  • BREAKING-NEWS சென்னை ஐஐடி மாணவி பாத்திமா தற்கொலை வழக்கு சிபிஐ விசாரணைக்கு மாற்றம்
  • BREAKING-NEWS லண்டனில் நடைபெற்ற மிஸ் வேர்ல்டு அழகிப் போட்டியில் மகுடம் சூடினார் ஜமைக்கா பெண். இந்திய அழகி சுமா ராவ் மூன்றாம் இடம் பிடித்தார்
  • BREAKING-NEWS கோவை அருகே தேக்கம்பட்டியில் தொடங்கியது கோயில் யானைகளின் வருடாந்திர நலவாழ்வு முகாம். இயற்கை எழில் மிகுந்த சூழலில் 28 யானைகள் உற்சாக கொண்டாட்டம்
  • BREAKING-NEWS அசாமை தொடர்ந்து மேற்கு வங்காளத்திலும் குடியுரிமை சட்டத்திற்கு எதிரான போராட்டங்கள் தீவிரம்
  • BREAKING-NEWS உள்ளாட்சித் தேர்தலில் போட்டியிட இதுவரை ஒரு லட்சத்து 65 ஆயிரம் பேர் வேட்பு மனுத் தாக்கல். நாளையுடன் வேட்பு மனுத் தாக்கல் நிறைவடைகிறது

சுகாதாரத்தை காக்க ஆடுகளை விற்று கழிப்பறை கட்டிய உ.பி விவசாயி: குவியும் பாராட்டு

up-villager-who-sold-his-goats-to-build-toilet-gets-reward-and-a-new-flock-in-return

உத்தரப்பிரதேசத்தை சேர்ந்த கிராமவாசி ஒருவர் தனது ஆடுகளை விற்று வீட்டிற்கு கழிப்பறையை கட்டியுள்ளார்.

உத்தரப்பிரதேசத்தை சேர்ந்தவர் ஜபார். இவர் வீட்டில் கழிப்பறை வசதி இல்லை. மலம் கழிக்க பொது இடங்களைதான் பயன்படுத்தி வந்திருக்கிறார். இதனால் வீட்டில் உள்ளவர்களுக்கு ஏகப்பட்ட சிரமம். பொது இடங்களில் மலம் கழிப்பதினால் ஏற்படும் அசுத்தத்தை உணர்ந்த ஜபார் வீட்டில் கழிப்பறை கட்ட முயற்சி மேற்கொண்டிருக்கிறார். ஆனால் அவரிடம் அதற்கான பணம் இல்லை. இதனையடுத்து மாவட்ட அதிகாரிகளிடம் கழிப்பறை கட்ட பணம் கேட்டிருக்கிறார். ஆனால் அவருக்கு எங்கிருந்தும் உதவி கிடைக்கவில்லை.

எப்படியாவது கழிப்பறையை கட்டியே தீர வேண்டும் என முடிவெடுத்த ஜபார், இதற்காக தான் வீட்டில் வளர்த்து வந்த 7 ஆடுகளை விற்றுவிட்டார். இந்த ஆடுகள் தான் வீட்டின் வாழ்வாதாரத்திற்கு ஆதாரமாக இருந்த நிலையில் ஜபார், அதனையும் விற்றுவிட்டார். அதன் மூலம் கிடைத்த ரூபாய் 15,000 பணத்தில் வீட்டில் கழிப்பறை கட்டி முடித்தார். இதனையடுத்து வருமானத்திற்கு வழி இல்லாமல் இருந்திருக்கிறார். ஜபார் ஆடுகளை விற்று கழிப்பறை கட்டிய செய்தி சமூகவலைத்தளங்களில் வைரலாக பரவியது.  இதனையடுத்து இந்த விஷயம் பல தலைவர்களுக்கும் தெரியவர ஜபாருக்கு அவர்கள் உதவி வருகின்றனர்.

சமாஜ்வாதி கட்சி தலைவரும், உத்தரபிரதேச முன்னாள் முதல்வருமான அகிலேஷ் யாதவ், ஜபாரின் நடவடிக்கையை பாராட்டும் விதமாக, அவருக்கு ரூ.22 ஆயிரம் மதிப்பிலான 7 ஆடுகளை பரிசாக வழங்கியுள்ளார். மேலும் உத்த்தரபிரதேச அரசானது, கழிவறையை கட்டுவதற்கு செலவு செய்த ரூபாயை ஜபாருக்கு திரும்ப வழங்கியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close