[X] Close
JUST IN
  • BREAKING-NEWS தண்ணீர் பிரச்னைக்காக மாவட்டந்தோறும் ஜூன் 22 முதல் திமுக கவன ஈர்ப்பு ஆர்ப்பாட்டம் - திமுக மாவட்டச் செயலாளர்களுக்கு மு.க.ஸ்டாலின் அறிவுறுத்தல்
  • BREAKING-NEWS வாகன ஓட்டு‌நர் உ‌ரிமம் பெறுவதற்கான குறைந்த‌பட்ச கல்வி தகுதியை அடியோடு நீக்கம் செய்ய மத்திய அரசு முடிவு ‌செய்துள்ளதாக தகவல்
  • BREAKING-NEWS ஆந்திர போலீஸாருக்கு இன்று முதல் வார விடுமுறை அறிவித்தார் முதல்வர் ஜெகன்மோகன் ரெட்டி
  • BREAKING-NEWS மக்களவை சபாநாயகராக பாஜவை சேர்ந்த ஓம் பிர்லா எம்.பி. போட்டியின்றி ஒருமனதாக தேர்ந்தெடுக்கப்பட்டார்
  • BREAKING-NEWS நடிகர் சங்கத் தேர்தலை நிறுத்துமாறு தென்சென்னை மாவட்ட சங்கங்களின் பதிவாளர் உத்தரவு
  • BREAKING-NEWS தேர்தல் தோல்வியை அடுத்து கர்நாடக மாநில காங்கிரஸ் கமிட்டியை கலைத்தது காங்கிரஸ் கட்சி

லாலு பிரசாத் கட்சியுடன் காங்கிரஸ் கூட்டணி உறுதியானது

loksabha-elections-2019-in-bihar-rashtriya-janata-dal-would-contest-20-seats-with-the-congress-fighting-in-9-seats

வரும் நாடாளுமன்றத் தேர்தலுக்காக பீகாரில் காங்கிரஸ் மற்றும் ராஷ்டிரீய ஜனதா தளம் கட்சிகளுக்கு இடையே கூட்டணி ஒப்பந்தம் கையெழுத்தாகியுள்ளது.

மக்களவைத் தேர்தல் வரும் ஏப்ரல் 11 ஆம் தேதி தொடங்கவுள்ளது. இதற்கான ஏற்பாட்டில் அரசியல் கட்சிகள் மும்முரமாக இறங்கியுள்ளன. நாடு முழுவதும் உள்ள அரசியல் கட்சிகள் கூட்டணி மற்றும் தொகுதி பங்கீடு ஆகியவற்றில் ஈடுபட்டுள்ளனர். ஒரு சில இடங்களில் தொகுதி பங்கீடுகள் முடிவாகி வேட்பாளர் பட்டியலும் வெளியிடப்படுள்ளன. அத்துடன் வேட்பு மனுத்தாக்கலும் தொடங்கியுள்ளன.

இந்நிலையில் நீண்ட இழுபறிக்கு பிறகு பீகார் மாநிலத்தில் காங்கிரஸ் மற்றும் ராஷ்டிரீய ஜனதா தளம் இடையே கூட்டணி ஒப்பந்தம் கையெழுத்தாகியுள்ளது. அதன்படி பீகாரில் மொத்தம் உள்ள 40 தொகுதிகளில் ராஷ்டிரீய ஜனதா தளம் 20 இடங்களிலும், காங்கிரஸ் கட்சி 9 இடங்களிலும் போட்டியிடவுள்ளது. அத்துடன் ராஷ்டிரீய லோக் சம்தா கட்சிக்கு 5 இடங்களும், ஹிந்துஸ்தான் அவாம் மோர்சா கட்சிக்கு 3 இடங்களும் மற்றும் வீகாஷில் இன்சான் கட்சிக்கு 3 இடங்களும் ஒதுக்கப்பட்டுள்ளன. இந்தக் கூட்டணி ஒப்பந்ததை ராஷ்டிரீய ஜனதா தளத்தின் தேசிய செய்தி தொடர்பாளர் மனோஜ் ஜா அறிவித்துள்ளார்.

முன்னதாக பீகாரில் காங்கிரஸ் கட்சி 14 இடங்கள் கேட்டதாக தகவல்கள் வெளிவந்தன. இதனால் காங்கிரஸ் மற்றும் ராஸ்டிரீய ஜனதா தளம் கட்சிகள் இடையே கூட்டணி பேச்சுவார்த்தையில் இழுபறி நிலவியதாக கூறப்பட்டது. இதனையடுத்து காங்கிரஸ் கட்சி அதை 11 இடங்களாக குறைத்து கொண்டது. அதன் பின்னரும் இரு கட்சிகள் இடையே கூட்டணி பேச்சுவார்த்தையில் முன்னேற்றம் ஏற்படவில்லை. இந்தச் சூழலில் தற்போது காங்கிரஸ் கட்சி 9 இடங்களில் போட்டியிடவுள்ளது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close