[X] Close
JUST IN
  • BREAKING-NEWS கேரள அரசு வழங்கும் நீரை தமிழக அரசு ஏற்க மறுத்ததாக வந்த தகவலில் உண்மையில்லை - அமைச்சர் வேலுமணி
  • BREAKING-NEWS தமிழகத்தில் நிலவும் குடிநீர் பிரச்னை குறித்து முதல்வர் பழனிசாமி தலைமையில் தலைமைச் செயலகத்தில் நாளை ஆலோசனை கூட்டம் நடைபெறுகிறது
  • BREAKING-NEWS மாமூல் வசூல், லஞ்சம் வாங்கும் போலீசார் மீது லஞ்ச ஒழிப்பு சட்டம், இந்திய தண்டனை சட்டத்தின் கீழ் வழக்குப்பதிவு செய்ய உள்துறை செயலர், டிஜிபி 4 வாரத்தில் உரிய உத்தரவு பிறப்பிக்க வேண்டும் - உயர்நீதிமன்ற மதுரைக்கிளை
  • BREAKING-NEWS வங்கக்கடலில் புதிய காற்றழுத்த தாழ்வு பகுதி உருவானதால், சென்னை உள்ளிட்ட வட மாவட்டங்களில் அடுத்த 2 நாட்களுக்கு மழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS தண்ணீர் பிரச்னைக்காக திமுக அறிவித்துள்ள போராட்டம் ஒரு கபட நாடகம் - அமைச்சர் ராஜேந்திர பாலாஜி
  • BREAKING-NEWS ஜூன் 24ம் தேதி காலை 11 மணிக்கு தமிழக அமைச்சரவைக் கூட்டம் நடைபெறவுள்ளதாக தகவல்
  • BREAKING-NEWS நடிகர் சங்கத்தில் இருந்து 53 உறுப்பினர்களை நீக்கிய நடைமுறை சரியே - சென்னை உயர்நீதிமன்றம்

காதலரை வைத்து கணவரை ரகசியமாக கொன்ற மனைவி கைது  

woman-arrested-for-conspiring-in-killing-of-husband

டெல்லியில் கணவரை ஆள் வைத்து கொலை செய்துவிட்டு நாடகமாடிய மனைவியை காவல்துறையினர் கைது செய்துள்ளனர். 

கிழக்கு டெல்லியின் உஸ்மான்பூர் பகுதியில் சுபோத் ஜெயின்(42) மற்றும் அவரது மனைவி பிரீத்தி ஜெயினும் வசித்து வந்தனர். நேற்று முன்தினம் சுபோத் ஜெயின் சுயநினைவில்லாமல் இருந்தார்.  இதனையடுத்து அவரை அருகிலிருந்த மருத்துவமனைக்கு அழைத்துச் சென்றனர். அங்கு மருத்துவர்கள் அவரைப் பரிசோதனை செய்து பார்த்துவிட்டு சுபோத் ஜெயின் இறந்துவிட்டதாக தெரிவித்தனர். 

இதனைத்தொடர்ந்து அவரது மனைவி பிரீத்தி ஜெயின், “தனது கணவர் அடிக்கடி இது மாதிரி மயங்கி விழுவது வழக்கம்” எனக் காவல்துறையினரிடம் தெரிவித்தார். அதன்பின்னர் சுபோத் ஜெயினின் உடல் பிரதே பரிசோதனை செய்யப்பட்டது. அதில் அவர் கழுத்து நெறிக்கப்பட்டு கொல்லப்பட்டுள்ளது தெரியவந்தது. இதனால் காவல்துறையினர் வழக்குப் பதிவு செய்து விசாரித்து வந்தனர். 

இந்த வழக்கு விசாரணையில் பிரீத்தி ஜெயினிற்கும் ராகுல் ஜெயின் என்பவருக்கும் பழக்கம் ஏற்பட்டது தெரியவந்தது. இதனையடுத்து காவல்துறையினர் ராகுலை பிடித்து விசாரித்த போது அவர், “எனக்கும் பிரீத்தி உள்ள பழக்கம் இருந்தது. இதனால் நானும் பிரீத்தியும் சேர்ந்து சுபோத் ஜெயினை கொலை செய்ய திட்டமிட்டோம். 

இதற்காக என்னுடைய நண்பன் விஜய் ஹூடாவை ஏற்பாடு செய்தோம். விஜயிற்கு 1லட்சத்து 50 ஆயிரம் ரூபாய் பணம் கொடுத்தோம். எங்கள் திட்டப்படி பிரீத்தி அவரது தூக்க மாத்திரை கொடுத்துவிட்டு வெளியே சென்றார். அப்போது நான் விஜயிடம் தகவல் கொடுத்தேன். அவரிடமிருந்த வீட்டு சாவியை வைத்து அவர் வீட்டிற்குள் சென்று சுபோத் ஜெயினை கொலை செய்துவிட்டு தப்பிச் சென்றார்” எனத் தெரிவித்துள்ளார்.

இதனையடுத்து காவல்துறையினர் மூவரையும் கைது செய்துள்ளனர். அத்துடன் அவர்கள் பயன்படுத்திய கார் மற்றும் மடி கணினி ஆகியவற்றையும் கைப்பற்றியுள்ளனர். 

Advertisement:
இது தொடர்பான செய்திகள் :
Advertisement:
Advertisement:
[X] Close