[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

நடிகர் திலீப்புக்கு நீதிமன்றக் காவல் மீண்டும் நீட்டிப்பு

extension-of-judicial-custody-to-actor-dileep

நடிகை பாலியல் துன்புறுத்தலுக்கு ஆளாக்கப்பட்ட வழக்கில் கைதான மலையாள நடிகர் திலீப்பின் நீதிமன்றக் காவலை மீண்டும் நீட்டித்து அங்கமாலி குற்றவியல் நடுவர் நீதிமன்றம் உத்தரவிட்டுள்ளது.

பிரபல நடிகை கடத்தப்பட்டு பாலியல் வன்முறை செய்யப்பட்டதாகக் கூறப்படும் வழக்கில் நடிகர் திலீப் ஜூலை 10-ம் தேதி கைது செய்யப்பட்டு கொச்சி ஆலுவா கிளைச் சிறையில் அடைக்கப்பட்டுள்ளார். கிட்டத்தட்ட ஒரு மாத காலமாக சிறையில் உள்ள அவருக்கு சிறப்பு வசதி எதுவும் அளிக்கப்படவில்லை. இதனால் மன அழுத்தம், திலீப்பை கடுமையாக பாதித்துள்ளதாகக் கூறப்படுகிறது.

இதனிடையே, திலீப்பின் நீதிமன்றக் காவல் இன்றுடன் முடிவடைந்த நிலையில், காணொலி காட்சி மூலம் அங்கமாலி குற்றவியல் நடுவர் நீதிமன்றத்தில் திலீப் ஆஜர்படுத்தப்பட்டார். அவருக்கு, வரும் ஆகஸ்ட் 22-ஆம் தேதி வரை நீதிமன்றக் காவலை நீட்டித்து நீதிபதி உத்தரவிட்டார். முன்னதாக, டாக்டர் நிஜி வர்கீஸ் ஜோஷி தலைமையிலான மருத்துவக் குழு திலீப்பின் உடல்நிலை குறித்து பரிசோதனை செய்து உடல்நிலை சீராக இருப்பதாக அறிக்கை தாக்கல் செய்தது. இதனைத் தொடர்ந்து அவரது நீதிமன்றக் காவல் இரண்டாவது முறையாக நீட்டிக்கப்பட்டுள்ளது. முன்னதாக ஜூலை 25-ஆம் தேதியுடன் நீதிமன்றக் காவல் முடிவடைந்த நிலையில் ஆகஸ்ட் 8-ஆம் தேதி வரை நீதிமன்றக் காவல் நீட்டிக்கப்பட்டது. தற்போது இரண்டாவது முறையாக ஆகஸ்ட் 22-ஆம் தேதி வரை நீதிமன்றக் காவல் நீட்டிக்கப்பட்டுள்ளது.


 

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close