[X] Close
JUST IN
  • BREAKING-NEWS 21 கி.மீ. வேகத்தில் நாகையை நெருங்கி வருகிறது கஜா புயல் - சென்னை வானிலை ஆய்வு மையம்
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு
  • BREAKING-NEWS ‘கஜா புயல்’... முன்னெச்சரிக்கை அடிப்படையில் தேவையான நடவடிக்கைகள் அரசு சார்பில் மேற்கொள்ளப்பட்டுள்ளன; மக்கள் அச்சமடைய வேண்டாம் - பேரிடர் மேலாண்மைத் துறை
  • BREAKING-NEWS தமிழகத்தில் கடலோர மாவட்டங்களில் 405 ஆம்புலன்ஸ்கள் தயார் நிலையில் வைக்கப்பட்டுள்ளன - தமிழக அரசு
  • BREAKING-NEWS கஜா புயலை எதிர்கொள்ள அவசர கால சேவை 108, மருந்து உதவி சேவை 104 தயார் நிலையில் உள்ளது - தமிழக அரசு
  • BREAKING-NEWS சந்திராயன் - 2 ஜனவரியில் ஜிஎஸ்எல்வி மார்க் 3 தொழில்நுட்ப ராக்கெட் மூலமே ஏவப்படும் - இஸ்ரோ தலைவர் சிவன்
  • BREAKING-NEWS ஜிசாட்-29 செயற்கைக்கோளுடன் விண்ணில் பாய்ந்தது ஜிஎஸ்எல்வி- மார்க் 3 ராக்கெட்

இந்திய சினிமாவில் புதிய சாதனையை படைக்க இருக்கும் சல்மான்கான்!

salman-khan-s-race-3-does-great-business-at-box-office-mints-rs-67-crore-in-just-two-days

பாலிவுட் நடிகர் சல்மான்கான் நடிப்பில் வெளியான ரேஸ்-3 திரைப்படம் 100 கோடி ரூபாய் வசூலை ஈட்டும் என எதிர்பார்க்கப்படுகிறது. 

பாலிவுட்  ‘தல-தளபதி’ என்றால் அது சல்மான்-ஷாருக்தான். இவர்களுடைய படம் வெளியாகும் போதுதெல்லாம் யாருடைய படம் அதிகம் வசூல் ஈட்டியது என்ற சண்டை அவர்கள் ரசிகர்கள் இடையே எழுவது வழக்கம். ஆனாலும் பாலிவுட்டின் மற்றொரு சூப்பர் ஸ்டாரான அமீர்கான்தான் இப்போதைக்கு அதிக வசூல் ஈட்டிய வரிசையில் முன்னால் நிற்கிறார். 

நல்ல கதை அம்சமுள்ள படங்களை மட்டுமே தேர்வு செய்யும் அமீர்கான், கடைசியாக நித்தேஷ் திவாரி இயக்கத்தில் நடித்து வெளியான 'தங்கல்' திரைப்படம் இந்திய பாக்ஸ் ஆஃபீசில் புதிய வரலாற்றை எழுதியது. இதற்கு முன் இல்லாத வகையில் சீனாவில் மட்டும் சுமார் 750 கோடி வசூலை தாண்டி சாதனை படைத்தது. சுமார் 1700 கோடி வசூலுடன் இந்தி சினிமாவில் அதிகம் வசூல் ஈட்டிய நடிகர் என்ற பெருமையை பெற்றார் அமீர்கான். இந்த நிலையில் அண்மையில் வெளியான ரேஸ்-3 திரைப்படத்தின் மூலம் சல்மான் கான் புதிய சாதனையை படைக்க இருக்கிறார். 

நடனக் கலைஞர் ரிமோ டிஸோசா இயக்கத்தில் சல்மான் நடிப்பில் வெளியான படம் ரேஸ்-3. அதிரடி காட்சிகள் அதிகம் நிறைந்த படமாக உருவாகி இருக்கும் இப்படத்தில் அவருக்கு ஜோடியாக ஜாக்குலின் ஃபெர்னாண்டஸ் நடித்துள்ளார். அனில் கபூர் உள்ளிட்ட நட்சத்திரங்கள் முக்கிய பாத்திரத்தில் நடித்துள்ளனர். இந்தப்படம் ரம்ஜான் பண்டிகை அன்று திரைக்கு வந்தது. நல்ல விமர்சனங்களை பெற்றுள்ள இத்திரைப்படம் வெளியான இரண்டு நாட்களில் 67 கோடியே 31 லட்சம் ரூபாய் வசூலை ஈட்டி உள்ளது. தனது வசூல் வேட்டையை தொடரும் ரேஸ் - 3 வரும் காலங்களில் 100 கோடி ரூபாய் வசூலை எளிதாக எட்டி விடும் என எதிர்பார்க்கப்படுகிறது. இதன் மூலம் சல்மானின் முந்தைய சாதனை படங்களான தபாங், பாடிகார்ட், ஏக் தா டைகர் வரிசையில் ரேஸ் - 3 இணையும் என எதிர்பார்க்கப்படுகிறது. ஆக, 13ஆவது முறையாக 100 கோடியை எட்டும் முதல் இந்திய நடிகர் சல்மான்கான் என்ற நிலையை அவர் தொட இருக்கிறார்.
 

Advertisement:
Advertisement:
Advertisement:
[X] Close