27 வருடங்களுக்கு பிறகு இலங்கை உடனான இருதரப்பு ஒருநாள் தொடரில் படுதோல்வியை சந்தித்தது இந்திய அணி.
சொந்த மண்ணில் நியூசிலாந்துக்கு எதிராக 36 வருடங்களுக்கு பிறகு டெஸ்ட் தொடரை இழந்தது இந்திய அணி.. அதிலும் இந்தியா ஒயிட்வாஷ் செய்யப்பட்டது மோசமான சாதனையாக பதிவுசெய்யப்பட்டது.
19 வருடங்களுக்கு பிறகு பெங்களூரு சின்னசாமி ஸ்டேடியத்தில் நடந்த டெஸ்ட் போட்டியில் இந்தியா படுதோல்வியை சந்தித்தது.
டெஸ்ட் கிரிக்கெட் வரலாற்றில் சொந்தமண்ணில் ஒரு இன்னிங்ஸில் 50 ரன்னுக்கு குறைவாக எடுத்து சுருண்டது இந்திய அணி. நியூசிலாந்துக்கு எதிராக 46 ரன்களுக்கு ஆட்டமிழந்தது.
47 வருடங்களுக்கு பிறகு சொந்தமண்ணில் தொடர்ச்சியாக 3 டெஸ்ட் போட்டிகளை இழந்தது இந்தியா.
10 வருடங்களுக்கு பிறகு பார்டர் கவாஸ்கர் டிராபியை இழந்தது இந்தியா.
2025 உலக டெஸ்ட் சாம்பியன்ஷிப் இறுதிப்போட்டிக்கு இந்தியா தகுதிபெறாமல் போனது. கடைசி இரண்டு டெஸ்ட் தொடருக்கு முன்புவரை புள்ளிப்பட்டியலில் முதலிடத்தில் ஆதிக்கம் செலுத்தியது இந்திய அணி.
அடுத்தடுத்த தொடர் டெஸ்ட் தோல்விகளால் WTC புள்ளிப்பட்டியலில் பாகிஸ்தானுக்கு கீழ் 6வது இடத்திற்கு சரிந்துள்ளது இந்தியா. மேலும் ஐசிசி தரவரிசையில் 4வது டெஸ்ட் அணியாக பரிதாப நிலையில் உள்ளது. இரண்டு முறை உலக டெஸ்ட் சாம்பியன்ஷிப் இறுதிப்போட்டிக்கு முன்னேறிய இந்திய அணி, இனி இறுதிப்போட்டிக்கு தகுதிபெறவே வாய்ப்பில்லை என்ற சூழலை கம்பீர் உருவாக்கியுள்ளார்.
ஒரு டெஸ்ட் போட்டியில் 5 சதங்கள் அடித்தபோதும் தோற்ற ஒரே அணியாக இந்தியா படுமோசமான சாதனை படைத்தது.
சொந்த மண்ணில் 25 ஆண்டுகளுக்கு பிறகு தென்னாப்பிரிக்காவிடம் டெஸ்ட் தொடரை பறிகொடுத்தது இந்தியா.
சொந்தமண்ணில் 147 ரன்களை சேஸ்செய்ய முடியாமல் டெஸ்ட் போட்டியை பரிதாபமாக இழந்தது இந்திய அணி.
டெஸ்ட் கிரிக்கெட்டில் 408 ரன்கள் வித்தியாசத்தில் மிகப்பெரிய தோல்வியை பதிசெய்தது இந்திய அணி.. 342 ரன்கள் வித்தியாசத்தில் முந்தைய தோல்வி இருந்த நிலையில், முதல்முறையாக 400 ரன்களுக்கு மேலான வித்தியாசத்தில் இந்தியா படுதோல்வியை சந்தித்தது.
இங்கிலாந்துக்கு எதிரான மான்செஸ்டர் டெஸ்ட் போட்டியில் ஒரே இன்னிங்ஸில் 600 ரன்களுக்கு மேல் விட்டுக்கொடுத்தது இந்திய அணி.. 11 ஆண்டுகளுக்கு பிறகு இந்த மோசமான சாதனையை படைத்தது இந்தியா..
சொந்தமண்ணில் நியூசிலாந்துக்கு எதிராக முதல்முறையாக ஒருநாள் தொடரை இழந்தது இந்திய அணி.
30 வருடங்களில் சொந்த மண்ணில் நடந்த தென்னாப்பிரிக்காவிற்கு எதிரான டெஸ்ட் தொடரில் ஒரு இந்திய பேட்ஸ்மேன் கூட சதமடிக்கவில்லை என்ற மோசமான சாதனை படைத்தது இந்தியா..
* 12 ஆண்டுகளுக்குப் பிறகு, சொந்த மண்ணில் ஒரு டெஸ்ட் தொடரை இழந்தது.
* 12 ஆண்டுகளுக்குப் பிறகு, அடுத்தடுத்து சொந்த மண்ணில் இரண்டு டெஸ்ட் தொடரை இழந்தது.
* 12 ஆண்டுகளுக்குப் பிறகு, வான்கடேவில் ஒரு டெஸ்ட் போட்டியில் தோல்வியடைந்தது.
* முதல்முறையாக அடுத்தடுத்த 2 ஆண்டுகளில் இந்தியா சொந்தமண்ணில் ஒயிட்வாஷ் ஆனது.
* முதல்முறையாக இந்திய மண்ணில் தென்னாப்பிரிக்கா அணி 300 ரன்களுக்கு மேல் சேஸ்செய்தது.
* இந்தியாவில் நியூசிலாந்து அணி மிகப்பெரிய ரன் சேஸிங்கை பதிவு செய்தது (285)
* இந்தியாவில் ஒரு வெளிநாட்டு அணி அதிகபட்ச இலக்கை (549) நிர்ணயிக்க விட்டுக்கொடுத்தது.
* 92 வருட டெஸ்ட் வரலாற்றில் இரண்டாவது முறையாக 350+ ரன்களை பாதுகாக்கத் தவறியது (லீட்ஸ்) இந்தியா.
* 13 ஆண்டுகளுக்குப் பிறகு, மெல்போர்ன் டெஸ்ட் போட்டியில் தோல்வியடைந்தது.
* முதல்முறையாக 3 போட்டிகள் கொண்ட ஒருநாள் தொடரில் 30 விக்கெட்டுகளை இழந்தது.
* 45 ஆண்டுகளுக்குப் பிறகு, ஒரு காலண்டர் ஆண்டில் ஒரு ODI போட்டியில் கூட இந்தியா வெல்லவில்லை.
*17 நீண்ட ஆண்டுகளுக்குப் பிறகு, அடிலெய்டில் நடந்த ஒருநாள் போட்டியில் தோல்வியடைந்தது.
* 8 ஆண்டுகளுக்குப் பிறகு, ஈடன் கார்டனில் நடந்த சர்வதேச போட்டியில் தோல்வியடைந்தது, தொடர்ச்சியாக 9 வெற்றிகளுக்குப் பிறகு இது நிகழ்ந்தது.
* சொந்தமண்ணில் மிகக்குறைவாக இந்தியா 124 ரன்கள் இலக்கை துரத்தத் தவறியது. இது சொந்த மண்ணில் அவர்களின் மிகக் குறைந்த தோல்வியடைந்த ரன் சேஸிங்காக பதிவுசெய்யப்பட்டது.
* முதல் முறையாக, நியூசிலாந்துக்கு எதிராக ஒருநாள் தொடரின் வெற்றியை நிர்ணயிக்கும் டிசைடர் போட்டியில் தோற்றது இந்தியா.
