ராகுல் காந்தி - நரேந்திர மோடி
ராகுல் காந்தி - நரேந்திர மோடிFile image

🔴LIVE: தேர்தல் முடிவுகள் 2024 | பெரும்பான்மை பெற்ற NDA; Tough Fight கொடுத்த I.N.D.I.A! முழு விவரம்

18 ஆவது மக்களவை தேர்தல் ஏப்ரல் 19 ஆம் தேதி தொடங்கி ஜூன் 1 ஆம் தேதி வரை இந்தியா முழுவதும் 7 கட்டங்களாக நடைப்பெற்றது. இதன் வாக்கு எண்ணிக்கை இன்று நடைபெறுகிறது. அதுதொடர்பான முழு விவரங்களையும், லைவ் அப்டேட்களாக, இங்கே பெறலாம்....

தொடங்கியது வாக்கு எண்ணிக்கை!

18 ஆவது மக்களவை தேர்தல் ஏப்ரல் 19 ஆம் தேதி தொடங்கி ஜூன் 1 ஆம் தேதி வரை இந்தியா முழுவதும் 7 கட்டங்களாக நடைப்பெற்றது.

இந்நிலையில், இத்தேர்லுக்கான வாக்கு எண்ணிக்கையானது இன்று (ஜூன் 4) சில நிமிடங்களுக்கு முன்னர் [காலை 8 மணி அளவில்] தொடங்கியுள்ளது. தமிழ்நாட்டை பொறுத்தவரை 39 மையங்களில் வாக்குகள் எண்ணிக்கை தற்போது தொடங்கியுள்ளது.

ராகுல் காந்தி - நரேந்திர மோடி
மக்களவை தேர்தல் | காங்கிரஸ் vs பாஜக மக்களவை தேர்தலில் கடந்து வந்த பாதை!
வாக்கு எண்ணிக்கை
வாக்கு எண்ணிக்கை

முதலில் தபால் வாக்கு எண்ணிக்கை...!

முதலில் தபால் வாக்குகள் எண்ணும் பணிகள் தொடங்கியுள்ளன. இதுகுறித்து தமிழக தலைமை தேர்தல் அதிகாரி சத்யபிரதா சாகு நேற்று ஊடகங்கள் மத்தியில் நேற்று தெரிவிக்கையில், “முதலில் தபால் வாக்குகள் எண்ணப்படும். இயந்திரங்களில் பதிவான வாக்குகளின் கடைசிச் சுற்று எண்ணிக்கைக்கு முன்பாக தபால் வாக்குகளின் முடிவுகள் அறிவிக்கப்படும்” என்று தெரிவித்திருந்தார்.

ஆங்காங்கே நீடிக்கும் சில குழப்பங்கள்...

  • நெல்லையில் அம்பை பகுதி வாக்குப்பதிவு மின்னணு இயந்திரங்கள் வைக்கப்பட்டுள்ள அறையின் சாவி தொலைந்துபோய் இருக்கிறது. இதனால் பூட்டு உடைக்கப்பட்டு, வாக்கு எண்ணிக்கை தொடங்கப்பட்டிருக்கிறது.

  • வேலூரில் வாக்கு எண்ணும் மையத்தில் பொது இருக்கைகள் இல்லை எனக்கூறி கட்சியினர் சிலர் கோபப்பட்டதில், அங்கு கூச்சல், குழப்பம் நிலவியது.

  • தென் சென்னை தொகுதியில் வாக்கு எண்ணிக்கை பணி சற்று தாமதமானது

எங்கே யார் முன்னிலை? தற்போதைய நிலவரம்...

8.40 மணியளவில் - மொத்தமாக பாஜக 213 இடங்களிலும், காங்கிரஸ் 129 தொகுதிகளிலும், பிற கட்சிகள் 12 இடங்களிலும் முன்னிலையில் உள்ளன.

இதில் குறிப்பாக,

  • வயநாடு தொகுதியில் தபால் வாக்கு எண்ணிக்கையில் ராகுல் காந்தி முன்னிலையில் இருக்கிறார். கேரளாவில் மொத்தமாக காங்கிரஸ் கூட்டணி 13 இடங்களிலும், இடதுசாரிகள் 7 இடங்களிலும் முன்னிலையில் இருக்கின்றனர்.

  • தூத்துக்குடியில் திமுக வேட்பாளர் கனிமொழி கருணாநிதி முன்னிலையில் இருக்கிறார்.

  • மத்திய சென்னையில் திமுக வேட்பாளர் தயாநிதி மாறன் முன்னிலையில் இருக்கிறார்.

  • திருச்சி தொகுதியில் துரை வைகோ முன்னிலையில் இருக்கிறார்.

  • உத்தரப் பிரதேசத்தில் வாரணாசி தொகுதியில் மோடி முன்னிலையில் இருக்கிறார்.

ராகுல் காந்தி - நரேந்திர மோடி
வாரணாசி| பிரதமர் மோடியை எதிர்த்து களமிறங்கும் காமெடி நடிகர்.. யார் இந்த ஷியாம் ரங்கீலா?

ரேவண்ணா முன்னிலை - அண்ணாமலை பின்னடைவு!

காலை 9 மணி நிலவரப்படி, தமிழ்நாட்டில் கோவையில் திமுக வேட்பாளர் கணபதி ராஜ்குமார் முன்னிலையில் இருக்கிறார். பாஜக மாநில தலைவர் அண்ணாமலை கடும் பின்னடவை சந்தித்திருக்கிறார். திருநெல்வேலியில் நயினார் நாகேந்திரனும் பின்னடவை சந்தித்துள்ளார்.

அண்ணாமலை பின்னடைவு
அண்ணாமலை பின்னடைவு

மற்றபடி ஸ்ரீபெரும்புதூர், அரக்கோணம், மத்திய சென்னை, சேலம், பொள்ளாச்சி ஆகிய தொகுதிகளிலும் திமுகவே முன்னிலை வகிக்கிறது.

ஸ்டாலின் - மோடி
ஸ்டாலின் - மோடிமுகநூல்

கர்நாடக மாநிலத்தில் பாஜக - JDS கூட்டணி சார்பில் போட்டியிடுகிறார் முன்னாள் பிரதமர் தேவகவுடாவின் பேரன் பிரஜ்வல் ரேவண்ணா. ஹசன் தொகுதியில் களம் கண்டுள்ள பிரஜ்வல், தான் களம் கண்ட தொகுதியில் முன்னிலையில் இருப்பதாக செய்திகள் வெளிவந்துகொண்டிருக்கின்றன.

பாலியல் சர்ச்சைக்குள்ளாகி, தலைமறைவாகி பின் நாடு திரும்பிய இவர் மீது மக்கள் அளிக்கப்போகும் தீர்ப்பு உற்று கவனிக்கப்படுகிறது.

மற்றபடி உத்தரப்பிரதேசத்தில் பாஜகவே முன்னிலையில் இருக்கிறது. ஒட்டுமொத்தமாக பாஜக கூட்டணி 262 இடங்களிலும், காங்கிரஸ் 176 தொகுதிகளிலும் முன்னிலையில் இருக்கின்றன.

ராகுல் காந்தி - நரேந்திர மோடி
கர்நாடகா மாநிலம் | மக்களவை தேர்தல் களம் எப்படி உள்ளது?

மோடி பின்னடைவு!

உத்தரப் பிரதேசம் வாரணாசி தொகுதியில் காங்கிரஸ் வேட்பாளர் அஜய்ராய், மோடியை விடவும் 6,000 க்கும் அதிக வாக்குகள் பெற்று முன்னிலையில் இருக்கிறார். அஜய்ராய் 11,480 வாக்குகளும் மோடி 5,257 வாக்குகளும் பெற்றுள்ளனர்.

ராகுல் முன்னிலை!

இன்னொருபுறம், ராகுல் காந்தி தான் போட்டியிட்ட ராய் பரேலி மற்றும் வயநாடு தொகுதிகளில் முன்னிலையில் இருக்கிறார்.

விஜய பிரபாகரன் முன்னிலை!

தமிழகத்தில் விருதுநகர் மக்களவைத் தொகுதியில் தேமுதிக வேட்பாளர் விஜயபிரபாகரன் முன்னிலை வகிக்கிறார்.

அமேட்டி தொகுதியில் ஸ்மிரிதி ரானி பின்னடைவு

உ.பி: அமேட்டி மக்களவை தொகுதியில் பாஜக வேட்பாளர் ஸ்மிரிதி ரானி பின்னடைவு

காங்கிரஸ் வேட்பாஅர் கிஷோரி லால் 3000-க்கும் மேற்பட்ட வாக்குகள் வித்தியாசத்தில் முன்னிலை

மொத்தமுள்ள 80 தொகுதிகளில் 40-க்கும் மேற்பட்ட இடங்களில் காங். கூட்டணி முன்னிலை

மக்களவை தேர்தல் முடிவுகள் எதிரொலி: இந்திய பங்குச்சந்தைகளில் கடும் சரிவு

விஜயபிரபாகரன் தொடர்ந்து முன்னிலை!

விருதுநகரில் நாமக்கல், கள்ளக்குறிச்சியில் அதிமுக வேட்பாளர்கள் முன்னிலையில் இருக்கின்றனர். இதேபோல அதிமுக கூட்டணியில் விருதுநகரில் போட்டியிடும் தேமுதிக விஜயபிரபாகரன் தொடர்ந்து முன்னிலையில் இருக்கிறார்.

அண்ணாமலை கடும் பின்னடைவு! (10 மணியளவில்)

திருநெல்வேலியில் காங்கிரஸ் 20,459 வாக்குகள் பெற்றுள்ள நிலையில், பாஜக 17,000 வாக்குகள் அளவில் பெற்று 2ம் இடத்தில் உள்ளது.

தென்காசியில் திமுக வேட்பாளர் முன்னிலையில் இருக்கிறார். 2வது இடத்தில் அதிமுக கூட்டணியிலுள்ள புதிய தமிழகம் உள்ளது. 3 வது இடத்தில் நாம் தமிழர் கட்சியும், 4ம் இடத்தில் பாஜக-வும் உள்ளது.

தருமபுரியில் பாஜக கூட்டணியிலுள்ள பாமக வேட்பாளர் சௌமியா அன்புமணி முன்னிலை வகித்துவருகிறார்.

சௌமியா அன்புமணி
சௌமியா அன்புமணி

கோவையில் திமுக வேட்பாளர் கணபதி ராஜ்குமார் 35,104 வாக்குகள் பெற்றுள்ளார். பாஜக வேட்பாளர் அண்ணாமலை 23,101 வாக்குகளும் பெற்று இரண்டாம் இடத்தில் இருக்கிறார். அதிமுக அங்கு 15,313 வாக்குகள் பெற்றுள்ளன.

தமிழ்நாட்டை பொறுத்தவரை திமுக கூட்டணி 36 இடங்களிலும், அதிமுக கூட்டணி 3 இடங்களிலும், பாஜக கூட்டணி 1 இடத்திலும் முன்னிலையில் உள்ளது.

100 + தொகுதிகளில் காங்கிரஸ் முன்னிலை! 

I.N.D.I.A. கூட்டணியில் இடம்பெற்றுள்ள காங்கிரஸ் 100 தொகுதிகளுக்கு மேல் தனித்து முன்னிலையில் இருக்கிறது. மொத்தமுள்ள 543 தொகுதிகளில், பாஜக கூட்டணி 289 தொகுதிகளிலும், காங்கிரஸ் கூட்டணி 225 இடங்களிலும், பிற கட்சிகள் 29 இடங்களிலும் முன்னிலை வகிக்கின்றன.

உத்தரப் பிரதேசம், மகாராஷ்ட்ரா உட்பட 7 மாநிலங்களில் I.N.D.I.A. கூட்டணி பாஜக-வுக்கு கடும் நெருக்கடி கொடுத்துவருவதும் கவனிக்கத்தக்கது. ஒட்டுமொத்தமாகவும் 220 இடங்களில் காங்கிரஸ் முன்னிலை வகிப்பதால் அக்கட்சி தொண்டர்கள் கொண்டாட்டத்தில் ஈடுபட்டு வருகின்றனர்