\
Netanyahu to become a power center
Netanyahu to become a power centerReuters

அரபு கட்சிகளுக்கு அடுத்த ஷாக்: மீண்டும் பவர் சென்டராகும் நெதன்யாகு.. ட்விஸ்ட் கொடுத்த ஐசன்கோட்!

இஸ்ரேலின் நாடாளுமன்றத் தேர்தலில் தோல்வியை தழுவினாலும் நெதன்யாகு மீண்டும் பவர் செண்டராகும் வாய்ப்பு உருவாகியுள்ளது.
Published on: 

கடந்த மாதம் 27-ம் தேதி நடைபெற்ற இஸ்ரேல் நாடாளுமன்றத் தேர்தலில் யாருக்கும் பெரும்பான்மை கிடைக்கவில்லை. பிரதமர் பெஞ்சமின் நெதன்யாகுவின் ஆளும் கட்சி கூட்டணி 53 இடங்களிலும், முன்னாள் ராணுவத் தளபதியும் எதிர்க்கட்சித் தலைவருமான ஐசன்கோட்டின் கூட்டணி 48 இடங்களிலும் வென்றது.

யாருக்கும் பெரும்பான்மை கிடைக்காத சூழலில், 19 இடங்களில் வென்ற அரபு கட்சிகளான ஜாயிண்ட் லிஸ்ட் (Joint List) மற்றும் ராம் (Raam) கட்சிகள் தங்கள் ஆதரவை ஐசென்கோட்டிற்கு (Gadi Eisenkot) வழங்க முன்வந்துள்ளதால், அவரது கூட்டணிக்கு 67 இடங்கள் கிடைத்தது. இதனால் அவருக்கு ஆட்சியமைக்க தேவையான 61 இடங்கள் கிடைத்ததால் இஸ்ரேல் அதிபர் அவரை பதவியேற்க அழைப்பை விடுத்துள்ளார்.

Summary

இஸ்ரேல் தேர்தலில் யாருக்கும் பெரும்பான்மை கிடைக்காத நிலையில், அரபு கட்சிகளின் ஆதரவுடன் ஐசன்கோட் ஆட்சியமைக்க வாய்ப்பு பெற்றார். ஆனால், அவரது கூட்டணியில் உள்ள சிலர் இதற்கு எதிர்ப்பு தெரிவித்ததால், நெதன்யாகுவின் லிகுட் கட்சியுடன் கூட்டணி பேச்சுவார்த்தை நடத்தும் நிலைக்கு ஐசன்கோட் வந்துள்ளார்.

இதனிடையே சமீபத்தில் நடைபெற்ற நாடாளுமன்ற சபாநாயகர் தேர்தலில் அரபுக்கட்சிகளின் ஆதரவுடன் ஐசென்கோட்டின் கூட்டணி வேட்பாளர் மதன் கஹானா (Matan Kahana) வெற்றிபெற்றார். இதனால் அரபுக்கட்சிகளின் ஆதரவுடன் ஐசென்கோட் பிரதமராக விரைவில் பொறுப்பேற்பார் என்று எதிர்பார்க்கப்பட்டது.

ஆனால் நெதன்யாகுவின் லிகுட் கட்சியுடன் தொடர் கூட்டணிப் பேச்சுவார்த்தைகளைத் தொடங்குவதாக ஐசன்கோட்டின் யஷார் கட்சி அறிவித்துள்ளது பெரும் அதிர்வலைகளை ஏற்படுத்தியுள்ளது. அரபு கட்சிகளின் ஆதரவுடன் ஆட்சியமைப்பதை ஐசென்கோட்டின் கூட்டணியில் உள்ள முன்னாள் பிரதமர் நஃப்தாலி பென்னட் (Naftali Bennett) உள்ளிட்டோர் ஏற்காத நிலையில், ஐசென்கோட் லிகுட் கட்சியுடன் கூட்டணி பேச்சுவார்த்தை நடத்தவேண்டிய நிலைக்கு வந்துள்ளதாக கூறப்படுகிறது.

Netanyahu to become a power center
'இந்தியாவை பார்த்து அமெரிக்கா கத்துக்கணும்' : புகழ்ந்து தள்ளிய ட்ரம்ப்... பின்னணி என்ன?

நெதன்யாகுவின் லிகுட் கட்சியுடன் இணைந்து ஆட்சியமைக்கத் தயாராக இருந்தாலும், நெதன்யாகு தலைமையின் கீழ் பணியாற்ற முடியாது என்பதில் ஐசன்கோட் உறுதியாக உள்ளார் என்று இஸ்ரேலிய ஊடகங்கள் செய்தி வெளியிட்டுள்ளன. அதே நேரம் நெதன்யாகுவின் லிகுட் கட்சி அரபுக் கட்சிகளைக் கூட்டணியில் சேர்க்கக் கூடாது, தனி பாலஸ்தீன நாடு உருவாக்கத்தை நிராகரிக்க வேண்டும் உள்ளிட்ட நிபந்தனைகளை முன்வைத்துள்ளதாகவும் செய்திகள் வெளியாகியுள்ளது.

ஆட்சியமைக்க இஸ்ரேல் அதிபர் வழங்கிய 28 நாள் காலக்கெடு டிசம்பர் 6, 2026 அன்று முடிவடைகிறது. அதற்குள் பெரும்பான்மையை நிரூபிக்க வேண்டிய கட்டாயத்தில் ஐசன்கோட் உள்ளார் என்பதால் இந்த பேச்சுவார்த்தை நடைபெறவுள்ளது.

Netanyahu to become a power center
இளைஞர்களை திசைதிருப்பும் GTA 6: ஜென்ஸி போராட்டத்துக்கு எதிரான ஆயுதமா? இணையத்தில் அனல்பறந்த விவாதம்!