காலை தலைப்புச் செய்திகள்: பள்ளிகளுக்கு விடுமுறை முதல் மண் சரிவில் புதையுண்டவர்களின் உடல் மீட்பு வரை!
விழுப்புரம், கடலூர் மாவட்டங்களில் பள்ளி, கல்லூரிகளுக்கு இன்று விடுமுறை. புதுச்சேரியிலும் கல்வி நிலையங்களுக்கு விடுமுறை அறிவிப்பு.
சேலம், திருவண்ணாமலை, கிருஷ்ணகிரி மாவட்டத்தில் ஊத்தங்கரை, போச்சம்பள்ளி தாலுகா பள்ளிகளுக்கு மட்டும் விடுமுறை அறிவிப்பு.
ஃபெஞ்சல் புயலின் தாக்கம் எதிரொலி காரணமாக, கள்ளக்குறிச்சி, அரியலூர், சேலம், கரூர் உள்ளிட்ட மாவட்டங்களில் கனமழை.
மலட்டாற்றில் ஏற்பட்ட வெள்ளப்பெருக்கு உளுந்தூர்பேட்டையிலிருந்து விழுப்புரம் செல்லும் தேசிய நெடுஞ்சாலையில் போக்குவரத்து நிறுத்தம்.
திருவெண்ணெய்நல்லூர் மலட்டாற்றில் அடித்துச் செல்லப்பட்ட மாணவர்கள். மரத்தில் சிக்கிய மூவரை ஹெலிகாப்டர் மூலம் மீட்க நடவடிக்கை.
விழுப்புரம் வராஹி அம்மன் கோயிலை வெள்ளம் சூழ்ந்த நிலையில், சிக்கித் தவிக்கும் பக்தர்கள்.
கனமழையால் விழுப்புரம் மாவட்டம் வி. சாத்தனூர் பகுதி தீவு போல் மாறியது. இறந்தவர்களின் உடல்களை எரியூட்ட கூட முடியாமல் மக்கள் கடும் சிரமம்.
திருவண்ணாமலை மண் சரிவில் புதையுண்டவர்களில் 5 பேரின் உடல்கள் மீட்பு. உயிரிழந்தவர்களின் குடும்பங்களுக்கு தலா 5 லட்சம் ரூபாய் வழங்கப்படும் என உதயநிதி ஸ்டாலின் பேட்டி.
திருப்பத்தூரில் மழைநீர் தேங்கியிருந்த பள்ளத்தில் தவறிவிழுந்து 9 வயது சிறுவன் உயிரிழப்பு.
ஃபெஞ்சல் புயலால் 14 மாவட்டங்களில் ஒன்றரை கோடி பேர் பாதிப்பு மீட்பு மற்றும் நிவாரணப் பணிகளுக்காக 2 ஆயிரம் கோடி ரூபாய் கேட்டு பிரதமர் மோடிக்கு முதலமைச்சர் மு.க.ஸ்டாலின் கடிதம்.
திமுக ஆட்சியில் மக்கள் தூக்கம் தொலைத்துள்ளனர் என முதலமைச்சரின் விமர்சனத்திற்கு எதிர்க்கட்சித் தலைவர் எடப்பாடி பழனிசாமி பதில்.
தமிழகம் முழுவதும் பெய்த கனமழையால் இரண்டு லட்சம் ஹெக்டேர் விளைநிலங்களை தண்ணீர் சூழ்ந்துள்ளது. வேளாண்துறை அமைச்சர் எம்.ஆர்.கே பன்னீர்செல்வம் புதிய தலைமுறைக்கு பேட்டி.
தென்பெண்ணை ஆற்றில் வெள்ளப்பெருக்கு. புதுச்சேரியில் ஆற்றை ஒட்டியுள்ள 10க்கும் மேற்பட்ட கிராம மக்கள் தண்ணீரில் தத்தளிப்பு.
புதுச்சேரியில் மழை, வெள்ளத்தால் உயிரிழந்தோரின் குடும்பத்திற்கு தலா 5 லட்சம் ரூபாய் நிவாரணம். அனைத்து குடும்ப அட்டை தாரர்களுக்கும் 5 ஆயிரம் ரூபாய் வழங்கப்படும் என முதலமைச்சர் ரங்கசாமி அறிவிப்பு.
தமிழ்நாட்டில் 15 மாவட்டங்களில் இன்று கனமழை பெய்ய வாய்ப்பு வானிலை ஆய்வு மையம் கணிப்பு.
மத்திய அமைச்சர் நிர்மலா சீதாராமனை தனித்தனியே சந்தித்த தமிழக அமைச்சர்கள் தங்கம் தென்னரசு, கே. என்.நேரு. ஜி.எஸ்.டி நிலுவை தொகை உள்ளிட்ட கோரிக்கைகளை முன்வைத்ததாக தகவல்.
சீக்கிய மதத்துக்கு எதிராக செயல்பட்டதாக பஞ்சாப் முன்னாள் துணை முதலமைச்சர் சுக்பீர் சிங் பாதல் மீது புகார்.
சபரிமலையில் விட்டு விட்டு பெய்யும் மழையிலும், ஐயப்பனை தரிசிக்கும் பக்தர்கள்.
ஆஸ்திரேலிய கிரிக்கெட் அணியில் பேட்ஸ்மேன்கள், பந்துவீச்சாளர்களுக்குள் அதிருப்தி எனத் தகவல். ஆனால், பூசல் இல்லை என மறுக்கிறார் முன்னணி பேட்ஸ்மேன் டிராவிஸ் ஹெட்.
