இன்றைய காலை தலைப்புச் செய்திகள்
இன்றைய காலை தலைப்புச் செய்திகள்puthiya thalaimurai

காலை தலைப்புச் செய்திகள் | பிரதமர் மோடியின் உரை முதல் ஸ்பெயின் தமிழர்களுக்கு முதல்வரின் கோரிக்கை வரை

இன்றைய காலை தலைப்புச் செய்தியானது பிரதமர் மோடி முதல் சிலி நாட்டில் ஏற்பட்ட காட்டுத்தீ வரை பல முக்கிய செய்திகளை விவரிக்கிறது.

இன்றைய காலை தலைப்புச் செய்திகள்

  • மக்களவை தேர்தலில் தேசிய ஜனநாயக கூட்டணி 400 தொகுதிகளுக்கும் மேல் வெற்றி பெறும் என பிரதமர் மோடி உறுதி.

  • “முன்னாள் பிரதமர் ஜவஹர்லால் நேரு இந்தியர்களை சோம்பேறிகளாக கருதினார்” - என 1959ம் ஆண்டு சுதந்திர தினவிழா உரையை மேற்கோள் காட்டி மக்களவையில் பிரதமர் மோடி விமர்சனம்.

  • “தேசிய அளவில் சாதி வாரி கணக்கெடுப்பு நடத்த அச்சம் ஏன்?” - பிரதமர் நரேந்திர மோடிக்கு காங்கிரஸ் எம்.பி ராகுல்காந்தி கேள்வி.

  • நாடாளுமன்றத் தொகுதி வாரியாக கடந்த 13 நாட்களாக நடைபெற்ற திமுக நிர்வாகிகள் கூட்டம் நிறைவு. மொத்தம் 3,405 பேரிடம் இருந்து களநிலவரம் குறித்து கேட்டறிந்ததாக தகவல்.

  • “தாய் மண்ணான தமிழ்நாட்டுக்கு இயன்ற உதவிகளை செய்ய வேண்டும்..” - ஸ்பெயின் வாழ் தமிழர்களுக்கு முதலமைச்சர் மு.க.ஸ்டாலின் வேண்டுகோள்.

ஸ்பெயின் நாட்டில் முதல்வர் மு.க.ஸ்டாலின்
ஸ்பெயின் நாட்டில் முதல்வர் மு.க.ஸ்டாலின்
  • தூத்துக்குடி மாவட்டத்தில் கருத்துகளை கேட்கும் திமுக தேர்தல் அறிக்கைக்குழு. மீண்டும் தூத்துக்குடி தொகுதியில் போட்டியிடுவது பற்றி முதல்வர் முடிவு செய்வார் என கனிமொழி எம். பி. பேட்டி.

  • “பாஜக மற்றும் திமுகவை எதிர்த்து போட்டியிட்டு அதிமுக வெற்றி பெறும்” - முன்னாள் அமைச்சர் ஜெயக்குமார் நம்பிக்கை.

  • ஓ.பன்னீர்செல்வம், டிடிவி தினகரனுடன் பாஜக முதற்கட்ட கூட்டணி பேச்சுவார்த்தை. அதிகாரப்பூர்வ பேச்சுவார்த்தை விரைவில் தொடங்கும் எனத் தகவல்.

  • “மக்களவை தேர்தலில் இரட்டை இலை சின்னத்தில்தான் போட்டியிடுவோம். சின்னம் தங்களுக்கு கிடைக்கும் என்று நம்புகிறோம்” - ஓ.பன்னீர்செல்வம் பேட்டி.

  • அமைச்சர்கள் மற்றும் முன்னாள் அமைச்சர்கள் மீதான சொத்துக்குவிப்பு வழக்கு விசாரணையை நாளைய தினத்துக்கு ஒத்திவைத்தது சென்னை உயர்நீதிமன்றம்.

  • மகளின் நினைவாக 7 கோடி ரூபாய் மதிப்பிலான சொத்தை அரசுக்கு தானம் தந்த மூதாட்டி பூரணம் அம்மாள், மேலும் 91 சென்ட் நிலத்தை அரசுப்பள்ளிக்கு கூடுதலாக வழங்கினார்.

இன்றைய காலை தலைப்புச் செய்திகள்
“விருது வாங்குனது ரொம்ப சந்தோஷம்...” - மகிழ்ச்சியில் திளைத்த ஆயி பூரணம் அம்மாள்
  • இமாச்சலப்பிரதேசத்தில் விபத்தில் சிக்கிய சைதை துரைசாமி மகனின் நிலை என்ன? சட்லெஜ் நதி உறைந்துள்ளதால் மீட்பு பணியில் சிக்கல் ஏற்பட்டுள்ளதாக தகவல்.

  • திருப்பூரில் நூல் வியாபாரியிடம் அமலாக்கத்துறை அதிகாரிகள் என கூறி ஒரு கோடி ரூபாய் பறிப்பு. கட்டுக்கட்டாக பணம் பறிமுதல். 5 பேர் கைது.

  • அரியலூர் அருகே கார் மோதி பள்ளி மாணவன் உயிரிழப்பு. கிராம மக்கள் சாலை மறியல் போராட்டம் நடத்தியதால் 3 மணி நேரம் போக்குவரத்து பாதிப்பு.

  • சென்னையில் பள்ளி கல்வித்துறை அமைச்சர் அன்பில் மகேஷிடம் மடிப்பிச்சை கேட்ட ஆசிரியை.... ஆசிரியர் பணிக்கான ஆணை வழங்கப்படவில்லை என புகார்.

இன்றைய காலை தலைப்புச் செய்திகள்
சென்னை | அமைச்சர் அன்பில் மகேஸிடம் மடியேந்தி யாசகம் கேட்ட ஆசிரியை – காரணம் என்ன?
  • சென்னை ஆவடி அருகே ஷேர் ஆட்டோவில் தீ விபத்து. நல்வாய்ப்பாக உயிர் தப்பிய பயணிகள்.

  • கர்நாடகாவில் குரங்கு காய்ச்சலுக்கு 2 பேர் உயிரிழப்பு... மாநிலம் முழுவதும் நோய் தொற்றால் இதுவரை 53 பேருக்கு பாதிப்பு...

  • ஆண்டிபட்டி வாரச்சந்தையில் ஒரு கிலோ வெள்ளை பூண்டு 500 ரூபாய்க்கு விற்பனை. விலையை கட்டுப்படுத்த அரசு நடவடிக்கை எடுக்க வேண்டும் என இல்லத்தரசிகள் வலியுறுத்தல்.

  • கர்நாடகாவுக்கு உரிய நிதிபகிர்வு இல்லை என அம்மாநில துணை முதலமைச்சர் டி. கே.சிவக்குமார் குற்றச்சாட்டு... எம்எல்ஏக்கள், எம்எல்சிக்கள், எம்பிக்கள் வரும் 7 ஆம் தேதி டெல்லியில் போராட்டம்.

  • ‘மாநிலங்களுக்கு நிதி ஓதுக்குவதில் எந்த பாகுபாடும் காட்டப்படுவதில்லை. குற்றச்சாட்டுகளில் அரசியல் உள்நோக்கம் இருக்கிறது’ - மத்திய நிதி அமைச்சர் நிர்மலா சீதாராமன் விளக்கம்.

  • லால் சலாம் திரைப்படத்தின் டிரைலர் வெளியானது. மொய்தீன் பாய் என்ற கதாபாத்திரத்தில், மகள் ஐஸ்வர்யா இயக்கத்தில் நடித்திருக்கிறார் ரஜினிகாந்த்.

  • தேர்தல் பேரணி மற்றும் பரப்புரையில் சிறார்களை ஈடுபடுத்தக் கூடாது. அரசியல் கட்சிகளுக்கு தேர்தல் ஆணையம் அறிவுறுத்தல்.

  • ‘சண்டிகர் மேயர் தேர்தல், ஜனநாயகத்தை கேலிக்கூத்தாக்கும் செயல்’ - எனக்குறிப்பிட்டு, மேயர் கூட்டம் நடத்த தடை விதித்தது உச்சநீதிமன்றம்.

இன்றைய காலை தலைப்புச் செய்திகள்
”சண்டிகர் மேயர் தேர்தலில் நடந்தது ஜனநாயகத்தை கேலிக்கூத்தாக்கும் சம்பவம்” - உச்ச நீதிமன்றம் கண்டனம்
  • இங்கிலாந்து மன்னர் மூன்றாம் சார்லஸூக்கு புற்றுநோய் பாதிப்பு உறுதியாகியுள்ளதாக பக்கிங்ஹாம் அரண்மனை நிர்வாகம் அறிவிப்பு.

  • சிலி நாட்டில் பேரழிவை ஏற்படுத்திய காட்டுத்தீ... 120-க்கும் மேற்பட்டோர் உயிரிழந்ததாக தகவல்.

Related Stories

No stories found.
logo
Puthiyathalaimurai
www.puthiyathalaimurai.com