தமிழகத்தில் இன்று ஐந்து மாவட்டங்களில் கன முதல் மிக கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி நெல்லை, தென்காசி, தூத்துக்குடி, கன்னியாகுமரி, தேனி ஆகிய மாவட்டங்களின் ஓரிரு இடங்களில் மிக கனமழை பெய்யும் என கணிக்கப்பட்டுள்ளது.
மக்களவை 6ஆம் கட்டத் தேர்தலுக்கான பரப்புரை இன்று மாலையுடன் ஓய்கிறது. இதையடுத்து 58 தொகுதிகளில் இறுதிக்கட்ட வாக்கு சேகரிப்பு தீவிரமடைந்துள்ளது.
“என்னை இந்த உலகிற்கு அனுப்பியது பரமாத்மா தான். பயாலஜிக்கலாக நான் பிறந்திருக்க வாய்ப்பில்லை. ஏதோவொரு விஷயத்தை நடத்தியே ஆக வேண்டும் என்பதற்காக, கடவுள் என்னை இந்த பூமிக்கு அனுப்பியிருக்கிறார்” என தனியார் தொலைக்காட்சி ஒன்றிற்கு அளித்த பேட்டியில் பிரதமர் நரேந்திர மோடி பேச்சு.
குடும்பமே முதன்மை என்பது I.N.D.I.A. கூட்டணியின் கொள்கை என பிரதமர் மோடி விமர்சனம். தேசமே முதன்மை என்பதே பாஜகவின் கொள்கை என்றும் டெல்லியில் பரப்புரை
கீழ்த்தட்டு மக்களுக்கு எதிராக அரசின் கட்டமைப்பு உள்ளது என்று ஹரியானா பரப்புரை கூட்டத்தில் ராகுல் காந்தி குற்றச்சாட்டு.
வேங்கைவயல் வழக்கில் 2ஆவது முறையாக விசாரணைக்கு ஆஜராகுமாறு காவலர் ஒருவருக்கு சிபிசிஐடி சம்மன். வழக்கு இறுதி கட்டத்தை எட்டியிருப்பதாகவும் அதிகாரிகள் தகவல்.
புனேவில் மதுபோதையில் அதிவேகமாக காரை இயக்கி, விபத்து ஏற்படுத்திய சிறுவனின் ஜாமீன் ரத்து. கண்காணிப்பு முகாமில் சிறுவனை அடைக்கவும் நீதிமன்றம் உத்தரவு.
மஞ்ஞுமல் பாய்ஸ் படக்குழுவுக்கு இளையராஜா தரப்பு நோட்டீஸ் அனுப்பியுள்ளது. அனுமதியின்றி குணா படப் பாடலை பயன்படுத்தியதற்காக உரிய இழப்பீடு வழங்க வலியுறுத்தல்.
ஐபிஎல் கிரிக்கெட் தொடரில் குவாலிஃபயர் போட்டிக்கு முன்னேறியது ராஜஸ்தான் அணி. இந்தமுறையும் பெங்களூருவின் கோப்பை கனவு தகர்ந்ததால் ரசிகர்கள் ஏமாற்றம்.
தமிழகத்தில் ஈரோடு, விருத்தாசலம் பகுதிகளில் பெய்த மழையால் குளிர்ச்சியான சூழல் நிலவியது. கோபிசெட்டிப்பாளையம் அருகே வீடுகளுக்குள் தண்ணீர் புகுந்ததால் மக்கள் இரவோடு இரவாக வெளியேற்றப்பட்டனர்.
தேனி மாவட்டம் பெரியகுளம் அருகே கல்லாற்றை கடக்க முயன்று வெள்ளத்தில் சிக்கிய நான்கு பேர் பத்திரமாக மீட்கப்பட்டனர். இவர்கள் வெள்ளத்தில் சிக்கி கதறும் பதைபதைக்கும் காட்சிகள் வெளியாகி உள்ளன.
கருவில் உள்ள குழந்தையின் பாலினத்தை வெளிப்படுத்திய யூ ட்யூபர் இர்ஃபான் தனது செயலுக்கு நேரில் சென்று மன்னிப்பு கோரியுள்ளார்.
ஐ.பி.எல் கிரிக்கெட் தொடரில் இருந்து தினேஷ் கார்த்திக் ஓய்வு பெற்றார்.
மேற்கு வங்கத்தில் 2010ஆம் ஆண்டுக்குப் பிறகு வழங்கப்பட்ட ஓபிசி சான்றிதழ்கள் அனைத்தும் ரத்து செய்யப்பட்டுள்ளது. உண்மையான ஓபிசி பிரிவைச் சேர்ந்தவர்கள் பயனடையவில்லை எனக்கூறி கொல்கத்தா நீதிமன்றம் நடவடிக்கை.
பொது இடங்களில் கழிவுகளை கொட்டினால் 3 ஆயிரம் ரூபாய் அபராதம் என புதுச்சேரி அரசு உத்தரவிட்டுள்ளது. முக்கிய இடங்கள் சிசிடிவி மூலம் கண்காணிக்கப்படும் என்றும் எச்சரிக்கை.
