இவ்வளவு கம்மியாவா..? வரலாறு காணாத அளவில் உயர்ந்து.. மொத்தமாக சரிந்த தங்கம் விலை?

சர்வதேச பொருரளாதார சூழல்..உலக நாடுகள் மத்தியில் ஏற்பட்ட போர் பதற்றம், அமெரிக்காவுக்கு டாலருக்கு நிகரான இந்திய ரூபாயின் மதிப்பு உள்ளிட்ட பல்வேறு காரணிகள் தங்கத்தின் விலையயை நிர்ணயிப்பதில் முக்கிய பங்கு வகிக்கின்றன..

இதன் காரணமாகவே தங்கத்தில் விலை அண்மைக்காலமாக ஏற்றம் இறக்கத்துடன் காணப்பட்டு வருகிறது.

அமெரிக்க அதிபராக டிரம்ப் பதவிஏற்றதும் தங்கத்தின் விலை குறையும் என எதிர்பார்த்த நிலையில், அதற்கான சாத்தியக்கூறுகள் இல்லாமல் போயின.

ஏழை எளிய மக்களுக்கு தங்கம் வாங்குவது கானல் நீராகவே மாறிவிட்டது.

சென்னையில் அண்மைக்காலமாக தங்கத்தின் விலை ஏற்றம் இறக்கமாக காணப்பட்டு வருகிறது. கடந்த ஜூன் 1 ஆ ம் தேதி ஒரு சவரன் 71, 360 ரூபாய்க்கு விற்பனை ஆனது. அடுத்த 15 நாட்களில் ஒரு சவரன் தங்கத்தின் விலை 74,560 ரூபாய்க்கு விற்பனையானது,.அதனைத்தொடர்ந்து கடந்த சில தினங்களாக படிப்படியாக கிடுகிடுவென உயர்ந்து தங்கம் வாங்குவோருக்கு அதிர்ச்சி கொடுத்தது.

குறிப்பாக நேற்று ஒரே நாளில் ஒரு சவரனுக்கு 760 ருபாய் உயர்ந்து ஒரு சவரன் 75,040 ரூபாய்க்கு விற்பனை ஆகி வரலாறு காணாத புதிய உச்சத்தை தொட்டது..கடந்த ஒரே வாரத்தில் மட்டும் ஒரு சவரனுக்கு 2,240 ரூபாய் உயர்ந்து அதிர்ச்சி கொடுத்தது.

இந்த நிலையில் மீண்டும் திடீரென இன்று கிராமுக்கு 125 ருபாய் குறைந்து 9,255 ரூபாய்க்கு விற்பனை ஆகிறது..அதாவது ஒரு சவரனுக்கு 1000 ருபாய் குறைந்து 74,040 ரூபாய்க்கு விற்பனையாகிவருவது தங்கம் வாங்குவோர் மத்தியில் மகிழ்ச்சியயை ஏற்படுத்தியுள்ளது.