ராவல்பிண்டி மைதானத்தில் நடைபெற்ற முத்தரப்பு டி20 தொடரின் இறுதியில், இலங்கை 114 ரன்களில் சுருண்டது. பாகிஸ்தான் 115 ரன்களை எட்டி 6 விக்கெட்டுகள் வித்தியாசத்தில் வெற்றி பெற்று கோப்பையை கைப்பற்றியது. முகமது நவாஸ் தொடரின் சிறந்த வீரராக தேர்வானார்.
பாகிஸ்தான், இலங்கை மற்றும் ஜிம்பாப்வே 3 அணிகள் பங்கேற்று விளையாடிய முத்தரப்பு டி20 தொடர் பாகிஸ்தானில் உள்ள ராவல்பிண்டி மைதானத்தில் நடைபெற்றது..
பரபரப்பாக நடைபெற்ற தொடரில் ஒரு அணி 2 முறை லீக் போட்டிகளில் மோதின, இதில் 3 வெற்றி, 2 வெற்றி என அடைந்த பாகிஸ்தான் மற்றும் இலங்கை அணிகள் இறுதிப்போட்டிக்கு தகுதிபெற்றன.. இலங்கையை 95 ரன்னில் சுருட்டி 67 ரன்கள் வித்தியாசத்தில் வெற்றிபெற்ற ஜிம்பாப்வே அணி, ஒரு வெற்றி மற்றும் 2 தோல்வியுடன் தொடரிலிருந்து வெளியேறியது..
இந்நிலையில் நேற்று நடைபெற்ற பரபரப்பான இறுதிப்போட்டியில் இலங்கையை தோற்கடித்து பாகிஸ்தான் முத்தரப்பு தொடரை வென்றது..
ராவல்பிண்டி மைதானத்தில் நடைபெற்ற முத்தரப்பு டி20 தொடரின் இறுதிப்போட்டியில், முதலில் பேட்டிங் செய்த இலங்கை அணி 19.1 ஓவரில் 114 ரன்களுக்கு அனைத்து விக்கெட்டுகளையும் இழந்து சுருண்டது.. அதிகபட்சமாக கமில் மிஷாரா 59 ரன்கள் அடித்தார், ஷாஹின் அப்ரிடி 3 விக்கெட்டுகளை வீழ்த்தி அசத்தினார்..
115 ரன்கள் என்ற இலக்கை நோக்கி விளையாடிய பாகிஸ்தான் அணி 18.4 ஓவரில் இலக்கை எட்டி 6 விக்கெட்டுகள் வித்தியாசத்தில் வெற்றிபெற்று அசத்தியது.. தொடர் நாயகனாக பாகிஸ்தானின் முகமது நவாஸ் தேர்வுசெய்யப்பட்டார்..