தென்னாப்ரிக்காவிற்கு பதிலடி கொடுக்குமா ரோகித்-கோலி ஜோடி.. இன்று முதல் ODI போட்டி!

இந்தியாவிற்கு சுற்றுப்பயணம் செய்துள்ள டெம்பா பவுமா தலைமையிலான தென்னாப்பிரிக்கா அணி, 2 டெஸ்ட் போட்டிகள், 3 ஒருநாள் போட்டிகள் மற்றும் 5 டி20 போட்டிகள் கொண்ட தொடர்களில் விளையாடிவருகிறது..

முதலில் நடைபெற்ற டெஸ்ட் தொடரை 2-0 என இந்தியாவை அவர்களின் சொந்தமண்ணில் வைத்து தோற்கடித்த தென்னாப்பிரிக்கா அணி, 25 ஆண்டுகளுக்கு இந்தியாவில் தொடரை வென்று வரலாறு படைத்தது..

இந்தசூழலில் இரண்டு அணிகளுக்கும் இடையேயான ஒருநாள் தொடர் இன்று தொடங்கவிருக்கிறது..

சொந்த மண்ணில் அடுத்தடுத்து 2 டெஸ்ட் தொடர்களை இந்திய அணி இழந்துள்ள நிலையில், தென்னாப்பிரிக்காவிற்கு எதிரான டெஸ்ட் தோல்விக்கு ஒருநாள் தொடரில் இந்திய அணி பதிலடி கொடுக்கும் என்ற எதிர்ப்பார்ப்பு எழுந்துள்ளது.. அதிலும் தென்னாப்பிரிக்காவின் தலைமை பயிற்சியாளர் இந்தியாவை மோசமான வகையில் பேசியதிலிருந்து ரசிகர்கள் ரோகித் மற்றும் கோலியின் வருகையை எதிர்நோக்கி காத்திருக்கின்றனர்..

ரோகித் சர்மா மற்றும் விராட் கோலி இருவரும் ஆஸ்திரேலியாவிற்கு எதிரான ஒருநாள் போட்டியில் ஃபார்மிற்கு திரும்பியுள்ள நிலையில், தென்னாப்பிரிக்காவிற்கு எதிரான ஒருநாள் போட்டிகளில் சதமடிப்பார்கள் என்ற நம்பிக்கையில் ரசிகர்கள் காத்திருக்கின்றனர்.. இந்திய அணியை கேஎல் ராகுல் வழிநடத்தவிருப்பதுகுறிப்பிடத்தக்கது.. முதல் போட்டி பிற்பகல் 1.30 மணிக்கு தொடங்குகிறது..

இந்திய ஒருநாள் அணி:

கேஎல் ராகுல் (கேப்டன்), யஷஸ்வி ஜெய்ஸ்வால், ரோகித் சர்மா, விராட் கோலி, ரிஷப் பந்த், வாஷிங்டன் சுந்தர், ரவீந்திர ஜடேஜா, நிதிஷ் குமார் ரெட்டி, ஹர்ஷித் ராணா, அர்ஷ்தீப் சிங், பிரசித் கிருஷ்ணா, ருதுராஜ் கெய்க்வாட், திலக் வர்மா, துருவ் ஜூரல், குல்தீப் யாதவ்

தென்னாப்பிரிக்கா அணி:

குயின்டன் டி காக், டெம்பா பவுமா (கேப்டன்), ஐடன் மார்க்ரம், மேத்யூ பிரீட்ஸ்கே, டெவால்ட் ப்ரீவிஸ், ரூபின் ஹெர்மன், மார்கோ ஜான்சன், கார்பின் போஷ், கேசவ் மகாராஜ், நந்த்ரே பர்கர், லுங்கி இங்கிடி, ரியான் ரிக்கல்டன், ஒட்னீல் பார்ட்மேன், டோனி டி ஜோர்ஜி, பிரேனெலன் சுப்ராயன்