2026 டி20 உலகக்கோப்பை பயிற்சி போட்டியில் இந்திய ஏ அணி அமெரிக்காவை எதிர்கொண்டு 238 ரன்கள் குவித்தது. நாராயண் ஜெகதீசன் 49 பந்தில் சதமடித்து அசத்தினார். அமெரிக்கா 200 ரன்கள் சேர்த்து போராடியது. ரவி பிஸ்னோய் 3 விக்கெட்டுகளை கைப்பற்றினார்.
2026 டி20 உலகக் கோப்பை கிரிக்கெட் தொடர் இந்தியா மற்றும் இலங்கையில், பிப்ரவரி 7 ஆம் தேதி முதல் மார்ச் 8 ஆம் தேதி வரை நடக்கவிருக்கிறது. இந்தத் தொடரில், இந்தியா, இலங்கை, ஆஸ்திரேலியா, இங்கிலாந்து உட்பட 20 அணிகள் பங்கேற்கவிருக்கின்றன.
இந்தசூழலில் போட்டி தொடங்க இன்னும் 4 நாட்களே இருக்கும் நிலையில், இன்று முதல் பயிற்சி ஆட்டங்களில் அனைத்து அணிகளும் பங்கேற்கவிருக்கின்றன.
அந்தவகையில் முதல் பயிற்சி போட்டியில் அமெரிக்காவை எதிர்கொண்டு விளையாடியது இந்திய ஏ அணி.
2026 டி20 உலகக்கோப்பைக்கான முதல் டி20 போட்டியில் ஆயுஸ் பதோனி தலைமையிலான இந்திய ஏ அணி அமெரிக்காவை எதிர்கொண்டது. முதலில் விளையாடிய இந்திய அணி 20 ஓவரில் 238 ரன்கள் குவித்தது. தொடக்க வீரராக களமிறங்கிய தமிழக வீரர் நாராயண் ஜெகதீசன் 49 சதமடித்து அசத்தினார்.
239 ரன்கள் என்ற இமாலய இலக்கை நோக்கி விளையாடிய அமெரிக்கா அணியும் அதிரடியான பேட்டிங்கை வெளிப்படுத்தியது. இறுதிவரை போராடிய அமெரிக்க அணி 19.4 ஓவரில் அனைத்து விக்கெட்டுகளையும் இழந்து 200 ரன்கள் சேர்த்தது. ரவி பிஸ்னோய் 3 விக்கெட்டுகளை கைப்பற்றினார்.
இந்திய அணி அடுத்த பயிற்சி போட்டியில் தென்னாப்பிரிக்காவை எதிர்கொண்டு விளையாடவிருக்கிறது.