முடிவுக்கு வரும் அமெரிக்க - ரஷ்ய அணுசக்தி ஒப்பந்தம்.. இனி என்ன நடக்கும்? அச்சத்தில் உலக நாடுகள்!

இருதரப்பிலும் ஆயுதங்களின் எண்ணிக்கையைக் கட்டுப்படுத்தும் இந்தப் புதிய ஸ்டார்ட் ஒப்பந்தம் இன்றுடன் முடிவுக்கு வருகிறது. இதை, மேலும் ஒரு வருடத்திற்கு நீட்டிப்பு செய்யலாம் என ரஷ்ய அதிபர் விளாடிமிர் புதின் தெரிவித்திருந்த நிலையில், அதற்கு அமெரிக்க அதிபர் டொனால்டு ட்ரம்ப் எந்தப் பதிலும் சொல்லவில்லை.

2010இல் புதுப்பிக்கப்பட்ட 'புதிய START' என்று அழைக்கப்படும் மூலோபாய ஆயுதக் குறைப்பு ஒப்பந்தம், அமெரிக்கா மற்றும் ரஷ்யாவின் அணு ஆயுதக் கிடங்குகளுக்கு வரம்புகளை விதித்தது மட்டுமல்லாமல், சரிபார்ப்பு வழிமுறைகளையும் உள்ளடக்கியது. அமெரிக்க முன்னாள் அதிபர் பராக் ஒபாமா மற்றும் ரஷ்யாவின் டிமிட்ரி மெட்வெடேவ் ஆகியோரால் கையெழுத்திடப்பட்ட இந்த ஒப்பந்தம், 2021ஆம் ஆண்டில் ஜோ பைடனால் மேலும் ஐந்து ஆண்டுகளுக்கு நீட்டிக்கப்பட்டது. இதன்மூலம், இரு தரப்பினருக்கும் அணு ஆயுதங்களின் எண்ணிக்கையை 1,550 ஆகக் குறைத்தது. மேலும், இரு தரப்பினரும் மூலோபாய அணுசக்தி சக்திகளின் இயக்கம் குறித்த தகவல்களைப் பகிர்ந்துகொள்ள வேண்டியிருந்தது.

குறுகிய காலத்தில் ஏவுகணைகளை நேரில் ஆய்வு செய்வதும் ஒப்பந்தத்தின் ஒரு பகுதியாகும். இருதரப்பிலும் ஆயுதங்களின் எண்ணிக்கையைக் கட்டுப்படுத்தும் இந்தப் புதிய ஸ்டார்ட் ஒப்பந்தம் இன்றுடன் முடிவுக்கு வருகிறது. இதை, மேலும் ஒரு வருடத்திற்கு நீட்டிப்பு செய்யலாம் என ரஷ்ய அதிபர் விளாடிமிர் புதின் தெரிவித்திருந்த நிலையில், அதற்கு அமெரிக்க அதிபர் டொனால்டு ட்ரம்ப் எந்தப் பதிலும் சொல்லவில்லை. அதேநேரத்தில், 2023 முதல் பரஸ்பர ஆய்வுகளை மேற்கொள்ள ரஷ்யா அனுமதிக்கவில்லை என்ற குற்றச்சாட்டையும் அமெரிக்கா வைத்துள்ளது.

இதற்கிடையே, ஒப்பந்தம் இன்றுடன் முடிவடையும் நிலையில், இனி, இரு நாடுகளுக்குள் இதன் தாக்கம் எப்படி இருக்கும் என்பதே பலருடைய கேள்வியாக உள்ளது. அதாவது, அமெரிக்காவும் ரஷ்யாவும் இப்போது எத்தனை அணு ஏவுகணைகளையும் தயாரிக்க சுதந்திரமாக உள்ளன. ​​அமெரிக்காவும் ரஷ்யாவும் மீண்டும் தங்கள் அணு ஆயுதங்களை அதிகரிக்கத் தொடங்கினால் அது, உலகளாவிய அணு ஆயுதப் போட்டியைத் தூண்டும் என ஆய்வாளர்கள் கருதுகின்றனர். உண்மையில், அமெரிக்காவும் ரஷ்யாவும் ஏற்கனவே தங்கள் அணு ஆயுதங்களை நவீனமயமாக்கத் தொடங்கியுள்ளன. அவ்விரு நாடுகளிடையே ஒரு புதிய ஆயுதப் போட்டி ஏற்கெனவே நடைபெற்று வருவதாகக் கூறப்படுகிறது.

உலகளவில் அமெரிக்காவும், சீனாவும் 87 சதவிகிதம் அணு ஆயுதங்களைக் கையிருப்பில் வைத்துள்ள நிலையில், சீனாவோ அணு ஆயுதங்களை வேகமாகத் தயாரித்து வருகிறது. சீனாவின் அணு ஆயுதங்கள், சுமார் 600 என நம்பப்படுகிறது, இது அமெரிக்க ஆயுதக் கிடங்கின் அளவைவிட 12% குறைவு. இதையடுத்து, எந்தவொரு ஆயுதக் கட்டுப்பாட்டு ஒப்பந்தத்திலும் சீனாவைச் சேர்க்க வேண்டும் என அமெரிக்கா கோரிக்கை வைத்தது. இன்னொரு புறம், ஐரோப்பாவின் அணுசக்தி சக்திகளான பிரான்ஸ் மற்றும் இங்கிலாந்தைச் சேர்க்க ரஷ்யா முயல்கிறது. இந்த காரணங்கள், ஐக்கிய நாடுகள் சபையை எரிச்சலடையச் செய்தது. இதையடுத்து அமெரிக்காவும் ரஷ்யாவும் ஒப்பந்தத்தை விரைவாக புதுப்பிக்க வேண்டும் என்று அது வலியுறுத்தியுள்ளது. அதேநேரத்தில், இந்த ஒப்பந்தம் தொடர்பாக உலக நாடுகள் அச்சத்தில் உறைந்துள்ளன. அதிலும், அணு ஆயுதங்கள் இல்லாத நாடுகள் அவற்றை வாங்குவதில்லை என்று உறுதியளித்துள்ள போதிலும் கலக்கத்தில் உள்ளன.