அமெரிக்கா - இந்தியா |வைரம் To விவசாய சாதனங்கள்.. டாப் 10 ஏற்றுமதி, இறக்குமதி பொருட்கள் என்னென்ன?

பிரான்ஸ் சுற்றுப்பயணத்தை நிறைவுசெய்த பிரதமர் மோடி, அங்கிருந்து அமெரிக்கா சென்றார். அங்கு, பல்வேறு நிகழ்ச்சிகளில் பங்கேற்ற பிரதமர் மோடி, இன்று அதிகாலை அதிபர் ட்ரம்பைச் சந்தித்துப் பேசினார். இந்த சந்திப்புக்கு முன்னதாக அதிக வரி குறித்த கோப்புகளில் ட்ரம்ப் கையெழுத்திட்டார். இதனால் உலக நாடுகளுக்கு மட்டுமல்லாது இந்தியாவுக்கும் நெருக்கடி அதிகரிக்கும் எனக் கருதப்படுகிறது.

இந்த நிலையில், ட்ரம்ப் அளிக்கும் நெருக்கடிகள் காரணமாக அமெரிக்காவுக்கு இந்தியா ஏற்றுமதி செய்யும் பொருட்களுக்கு வரிகள் அதிகரிக்கும் சூழல் ஏற்பட்டுள்ளது. இரு தரப்பின் டாப் 10 ஏற்றுமதி, இறக்குமதி பொருட்கள் என்னென்ன என்பதை இப்போது பார்க்கலாம்.

• அமெரிக்காவுக்கு இந்தியா ஏற்றுமதி செய்யும் பொருட்கள் பட்டியலில் முதலிடத்தில் உள்ளது வைரம். கடந்த நிதியாண்டில் மட்டும் 10.2 பில்லியன் டாலர் அளவுக்கு ஏற்றுமதிகள் நடைபெற்றிருந்தன.

• 7.44 பில்லியன் டாலர் மதிப்புடன் மருத்துவ சாதனங்கள் 2ஆம் இடத்தில் உள்ளன.

• சுத்திகரிக்கப்பட்ட பெட்ரோலிய பொருட்கள் 4.9 பில்லியன் டாலர் மதிப்பில் 3ஆம் இடத்தில் உள்ளன.

• 3.66 பில்லியன் டாலர் மதிப்புடன் நகைகள் 4ஆம் இடம் வகிக்கின்றன.

• அரிசி ஒரு பில்லியன் டாலர் மதிப்புக்கு ஏற்றுமதி செய்யப்பட்டுள்ளது.

• வாகன உதிரிபாகங்கள் 800 மில்லியன் டாலர் மதிப்புக்கும் ஆடைகள் 750 மில்லியன் டாலர் அளவுக்கும் ஏற்றுமதி செய்யப்பட்டுள்ளது.

• ரசாயனம் சார்ந்த பொருட்கள் 600 மில்லியன் டாலர் அளவுக்கும் இயந்திரங்கள் 550 மில்லியன் டாலர் அளவுக்கும் அமெரிக்காவுக்கு இந்தியா ஏற்றுமதி செய்துள்ளது.

• விவசாய சாதனங்கள் 450 மில்லியன் டாலர் அளவுக்கு ஏற்றுமதியாகியுள்ளன.

• இறக்குமதியை பொறுத்தவரை அமெரிக்காவிலிருந்து இந்தியா இறக்குமதி செய்யும் பொருட்களில் விமானம் மற்றும் அதன் உதிரிபாகங்கள் முதலிடம் வகிக்கிறது. கடந்த நிதியாண்டில் 8.5 பில்லியன் டாலர் அளவுக்கு அவற்றின் இறக்குமதி நடைபெற்றிருந்தது.

• மருத்துவ சாதனங்கள் மற்றும் மருந்துகள் 5.7 பில்லியன் டாலர் அளவுக்கு இறக்குமதியாகியிருந்தன.

• ராணுவ மற்றும் பாதுகாப்பு தளவாடங்களை 4.3 பில்லியன் டாலர் அளவுக்கு இந்தியா இறக்குமதி செய்திருந்தது.

• பெட்ரோலியம் பொருட்களை 3.8 பில்லியன் டாலர் அளவுக்கும் இந்தியா வாங்குகிறது.

• பொறியியல் சாதனங்களை 2.6 பில்லியன் டாலர் மதிப்புக்கு இந்தியா வாங்குகிறது.

• பிளாஸ்டிக் பொருட்களை 2.1 பில்லியன் டாலர் மதிப்புக்கும் வாகனங்கள் மற்றும் வாகன உதிரிபாகங்களை 1.9 பில்லியன் டாலர் அளவுக்கும் ரசாயனம் மற்றும் உரங்களை 1.4 பில்லியன் டாலர் அளவுக்கும் இந்தியா வாங்கியிருந்தது.

• சோலார் போன்ற மரபுசாரா எரிசக்தி பொருட்களை 1.1 பில்லியன் டாலர் அளவுக்கும் தோல் பொருட்களை 0.08 பில்லியன் டாலர் அளவுக்கும் இந்தியாவிடமிருந்து அமெரிக்கா வாங்கியுள்ளது, எனினும் நிகர அளவில் இந்தியாவிடம் இருந்து சுமார் 45 பில்லியன் டாலர்கள் அமெரிக்கா அதிகமாக இறக்குமதி செய்துள்ளது.

வைரம் 10.2

மருத்துவ சாதனங்கள் 7.44

சுத்திகரிக்கப்பட்ட பெட்ரோலிய

பொருட்கள் 4.9

நகைகள் 3.66

அரிசி 1

வாகன உதிரிபாகங்கள் 0.8

ஆடைகள் 0.75

ரசாயன பொருட்கள் 0.6

இயந்திரங்கள் 0.55

விவசாய சாதனங்கள் 0.45

விமானம், உதிரிபாகங்கள் 8.5

மருத்துவ சாதனங்கள், மருந்துகள் 5.7

பாதுகாப்பு தளவாடங்கள் 4.3

பெட்ரோலிய பொருட்கள் 3.8

பொறியியல் சாதனங்கள் 2.6

பிளாஸ்டிக் பொருட்கள் 2.1

வாகனங்கள், வாகன உதிரிபாகங்கள் 1.9

ரசாயனங்கள், உரங்கள் 1.4

சோலார் போன்ற மரபுசாரா எரிசக்தி பொருட்கள் 1.1

தோல் பொருட்கள் - 0.08