Apple-ன் புதிய திட்டம்.. மலிவு விலையில் அறிமுகமாகும் ஐபோன், மேக்புக்!

இந்த ஆண்டு ஆப்பிள் நிறுவனம் 5 முக்கிய தயாரிப்புகளை அறிமுகப்படுத்தும் என்று எதிர்பார்க்கப்படுகிறது. எதிர்பார்க்கப்படும் வெளியீடுகளில் ஐபோன் 17e, புதுப்பிக்கப்பட்ட மேக்புக் ப்ரோ மற்றும் சமீபத்திய ஆப்பிள் சிலிக்கான் மூலம் இயக்கப்படும் மேக்புக் ஏர் மாடல்கள் அடங்கும்.

1.ஐபோன் 17e

கடந்த ஆண்டு அறிமுகப்படுத்தப்பட்ட ஐபோன் 16e இன் தொடர்ச்சியாக ஐபோன் 17e இருக்கும். இது ஐபோன் 17 தொடரில் மிகவும் மலிவு விலையில் கிடைக்கும் ஐபோனாக இருக்கும் என்று எதிர்பார்க்கப்படுகிறது. மேலும் ஐபோன் 17e A19 சிப்செட் மற்றும் மேக்சேஃப் சார்ஜிங் வசதியுடன் வெளியாகும்

2. மேக்புக் ப்ரோ

புதிய மேக்புக் ப்ரோ மாடல்கள் புதிய M5 ப்ரோ மற்றும் M5 மேக்ஸ் சிப்களுடன் புதுப்பிக்கப்பட்ட மேக்புக் ப்ரோ மடிக்கணினிகளை ஆப்பிள் வெளியிட இருக்கிறது . கடந்த ஆண்டு M5 மேக்புக் ப்ரோவை அறிமுகப்படுத்தியது. M5 ப்ரோ மற்றும் M5 மேக்ஸ் சாதனங்கள் அதே வடிவமைப்பைத் தக்கவைத்துக்கொள்ளும் என்று எதிர்பார்க்கப்படுகிறது.

மலிவு விலையில் மேக்புக்

இளைஞர்களை கவரும் வகையில் மலிவு விலையில் மேக்புக் மற்றும் M4 சிப் கொண்ட ஐபேட் ஏர் மாடல்களும் இந்த வரிசையில் இடம்பெறலாம் என்று எதிர்பார்க்கப்படுகிறது. ஆப்பிள் இன்டெலிஜென்ஸ் வசதிகளுக்கு முக்கியத்துவம் அளிக்கும் வகையில் வடிவமைக்கப்பட்டுள்ள இந்தத் தயாரிப்புகள், தொழில்நுட்ப சந்தையில் பெரும் எதிர்பார்ப்பை ஏற்படுத்தியுள்ளன.