மேலும் உச்ச நீதிமன்ற உத்தரவுப்படி 'ரூல் கர்வ்' முறை அமலில் உள்ளதால் அணையின் நீர்மட்டத்தை 141 அடியாக நிலை நிறுத்துவதற்காக 2 மதகுகள் திறக்கப்பட்டு, விநாடிக்கு 772 கன அடி நீர் கேரளாவிற்கு வெளியேற்றப்பட்டு வருகிறது. தமிழக பொதுப்பணித்துறை அதிகாரிகள் மதகுகளை திறந்து கேரளாவிற்கு உபரி நீரை வெளியேற்றி வருகின்றனர். தற்போது முல்லைப் பெரியாறு அணையில் இருந்து தமிழகத்திற்கு விநாடிக்கு 2,300 கன அடி நீர் வெளியேற்றப்படுகிறது. அணையின் நீர் இருப்பு 7,396 மில்லியன் கன அடியாக இருக்கிறது. நீர்வரத்து விநாடிக்கு 3,348 கன அடியாக உள்ளது.
