தேனி அமைச்சர் உதயநிதி பரப்புரை | கொடி ஊன்றும் பணியில் ஈடுபடுத்தப்பட்ட தூய்மை பணியாளர்கள்!

செய்தியாளர்: ரமேஷ் கண்ணன்

தேனி நாடாளுமன்றத் தொகுதியில் போட்டியிடும் திமுக வேட்பாளர் தங்கத்தமிழ்செல்வனை ஆதரித்து தமிழ்நாடு இளைஞர் நலன் மற்றும் விளையாட்டு மேம்பாட்டுத்துறை அமைச்சர் உதயநிதி ஸ்டாலின் நேற்று முன்தினம் தேர்தல் பிரசாரம் மேற்கொண்டார். இதற்காக தேனி நகரின் முக்கிய சாலைகளில் திமுக கொடிகள் ஊன்றப்பட்டன.

இதில் தேனி - அல்லிநகரம் நகராட்சிக்கு சொந்தமான வாகனத்தில் திமுக கொடியை எடுத்து வந்த தூய்மை பணியாளர்கள், அதை அங்கு அவர்களே ஊன்றும் வீடியோ காட்சிகள் தற்போது சமூக வலைதளங்களில் வைரலாகி சர்ச்சையை ஏற்படுத்தியுள்ளது.