"2 சிக்ஸர்களை விளாசியுள்ளார் எங்களது அணியின் கேப்டன் மு.க. ஸ்டாலின்" - அமைச்சர் உதயநிதி பேச்சு!

சட்டப்பேரவையில் விளையாட்டு போட்டிகளின் துணுக்கங்களை தெரிவித்து, இளைஞர் நலன் மற்றும் விளையாட்டு மேம்பாட்டுத் துறை அமைச்சர் உதயநிதி ஸ்டாலின் தனது மானியக் கோரிக்கை மீதான பதிலுரையை தொடங்கினார். அப்போது பேசிய அவர், மாமன்றத்தின் நியாயமான ரெப்ரியாக பேரவை தலைவர் செயல்படுவதாகவும், யார் யாரோ தமிழ்நாட்டை வெல்லலாம் என்று நினைத்து அதற்கான முயற்சி செய்வதாகவும், ஆனால் வடக்கில் இருந்து வந்த யாரும் இங்கு வென்றது இல்லை என்றார்.

இதற்கு காரணம் திமுக என்ற வலுவான அணியும், ஸ்டாலின் என்ற கேப்டன் இருப்பதும் தான் என்று அமைச்சர் உதயநிதி ஸ்டாலின் தெரிவித்தார்.

தொடர்ந்து பேசிய அவர், எந்த நேரத்தில் யாருடன் மோத வேண்டும் என பெரியார் சொல்லிக்கொடுத்து இருப்பதாகவும், ஒற்றுமையுடன் எப்படி இருக்க வேண்டும் என்று அண்ணா சொல்லிக் கொடுத்துள்ளதாவும், எந்த பந்தை அடிக்க வேண்டும்; எந்த பந்தை அடிக்கக்கூடாது என்று கலைஞர் சொல்லிக் கொடுத்துள்ளார் என்றார்.

அதோடு, எப்போதெல்லாம் டிபன்ஸ் ஆட வேண்டும்; எப்போதெல்லாம் சிக்ஸர் அடிக்க வேண்டும் என்று முதலமைச்சர முத்துவேல் கருணாநிதி ஸ்டாலின் சொல்லிக் கொடுத்துள்ளார் என்று அமைச்சர் உதயநிதி ஸ்டாலின் தெரிவித்தார்.

ஆன்லைன் ரம்மி சட்ட மசோதாவிற்கு நேற்று ஒரு சிக்சரை அடித்த முதலமைச்சர், டெல்டா நிலக்கரி சுரங்கம் ரத்து என இரண்டு சிக்ஸர்களை விளாசியுள்ளார் என்று இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலின் தெரிவித்தார்.