வாணியம்பாடி: மலைச்சாலை தடுப்பு சுவரில் மோதி ஆயிரம் அடி உயரத்தில் அந்தரத்தில் தொங்கிய லாரி
வாணியம்பாடி: மலைச்சாலை தடுப்பு சுவரில் மோதி ஆயிரம் அடி உயரத்தில் அந்தரத்தில் தொங்கிய லாரிpt desk

வாணியம்பாடி: மலைச்சாலை தடுப்பு சுவரில் மோதி அந்தரத்தில் தொங்கிய லாரி

வாணியம்பாடி அருகே மலைச்சாலையில் தடுப்பு சுவரில் மோதி விபத்துக்குள்ளான லாரி, ஆயிரம் அடி உயரத்தில் அந்தரத்தில் தொங்கியதால் பரபரப்பு ஏற்பட்டது. நல்வாய்ப்பாக லாரி ஓட்டுநர் மற்றும் உதவியாளர் உயிர்தப்பினர்.

செய்தியாளர்: ஆர். இம்மானுவேல் பிரசன்னகுமார்

ஆந்திர மாநிலத்தில் இருந்து திருப்பத்தூர் மாவட்டம், வாணியம்பாடிக்கு பருப்பு பொருட்களை ஏற்றிக் கொண்டு சரக்கு லாரி வந்து கொண்டிருந்தது. அப்போது தமிழக - ஆந்திர எல்லைப் பகுதியான வெலதிகாமணி பெண்டா மலைச்சாலையில் வந்து கொண்டிருந்த போது, மலைச்சாலையின் வளைவில் லாரி திரும்பியுள்ளது. அப்போது, திடீரென ஓட்டுநரின் கட்டுப்பாட்டை இழந்து லாரி, மலைச்சாலையின் தடுப்பு சுவரின் மீது மோதி விபத்துக்குள்ளானது.

வாணியம்பாடி: மலைச்சாலை தடுப்பு சுவரில் மோதி ஆயிரம் அடி உயரத்தில் அந்தரத்தில் தொங்கிய லாரி
வாணியம்பாடி: மலைச்சாலை தடுப்பு சுவரில் மோதி ஆயிரம் அடி உயரத்தில் அந்தரத்தில் தொங்கிய லாரிpt desk

இதையடுத்து அந்த லாரி ஆயிரம் அடி உயர மலைப்பகுதியில் அந்தரத்தில், தொங்கியபடி நின்றது. இந்த விபத்தில், லாரி ஓட்டுநரும், உதவியாளரும் நல்வாய்ப்பாக காயமின்றி உயிர்தப்பினர்.

வாணியம்பாடி: மலைச்சாலை தடுப்பு சுவரில் மோதி ஆயிரம் அடி உயரத்தில் அந்தரத்தில் தொங்கிய லாரி
“மணிப்பூரில் நிரந்தர அமைதியை ஏற்படுத்த வேண்டும்” - குக்கி சமூக மக்கள் பேரணி

இதையடுத்து அந்தரத்தில் தொங்கிய லாரியை பொதுமக்கள் ஜே.சி.பி இயந்திரம் மூலம் மீட்டு சாலையோரம் நிறுத்தி வைத்தனர். இந்த விபத்து குறித்து அம்பலூர் காவல்துறையினர் விசாரணை மேற்கொண்டு வருகின்றனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

X
logo
Puthiyathalaimurai
www.puthiyathalaimurai.com