one person fainted and died during the erode eps campaign
எடப்பாடி பழனிசாமிஎக்ஸ் தளம்

ஈரோடு | எடப்பாடி பழனிசாமி பரப்புரையில் ஒருவர் மயங்கி விழுந்து உயிரிழப்பு..

ஈரோடு கோபிசெட்டிப்பாளையத்தில் இன்று நடைபெற்ற எடப்பாடி பழனிசாமி கலந்துகொண்ட பரப்புரையின்போது, ஒருவர் மயங்கி விழுந்து உயிரிழந்திருப்பது சோகத்தை ஏற்படுத்தியுள்ளது.
Published on
Summary

ஈரோடு கோபிசெட்டிப்பாளையத்தில் இன்று நடைபெற்ற எடப்பாடி பழனிசாமி கலந்துகொண்ட பரப்புரையின்போது, ஒருவர் மயங்கி விழுந்து உயிரிழந்திருப்பது சோகத்தை ஏற்படுத்தியுள்ளது.

கோபிசெட்டிப்பாளையம் தொகுதி நல்லகவுண்டன்பாளையத்தில் அமைந்துள்ள முத்துமஹால் திருமண மண்டபத் திடலில் அதிமுக பொதுச்செயலாளர் எடப்பாடி பழனிசாமி மேற்கொள்ளும் எழுச்சிப்பயணத்தின் ஒரு பகுதியாக சிறப்புப் பொதுக்கூட்டம் இன்று நடைபெற்றது. அந்த பரப்புரை கூட்டத்திற்கு வந்திருந்த ஒருவர் மயங்கி விழுந்து உயிரிழந்த சம்பவம் சோகத்தை ஏற்படுத்தியுள்ளது.

கொண்டையம்பாளையத்தைச் சேர்ந்த அர்ஜூனன் (43) என்பவர் எடப்பாடி பழனிசாமி பங்கேற்ற இன்றைய பரப்புரை கூட்டத்தில் இடையே நின்று கொண்டிருந்தபோது, திடீரென மயங்கி கீழே விழுந்தார். இந்தச் சம்பவம் அப்பகுதியில் ஒருவித சலசலப்பை ஏற்படுத்தியது. உடனடியாக அங்கிருந்தவர்கள் அவரை மீட்டு கோபிசெட்டிபாளையம் அரசு மருத்துவமனைக்குக் கொண்டு சென்றனர்.

one person fainted and died during the erode eps campaign
எடப்பாடி பழனிசாமி பரப்புரைஎக்ஸ்தளம்

எனினும், மருத்துவமனைக்குச் செல்லும் வழியிலேயே அவர் உயிரிழந்து விட்டதாக மருத்துவர்கள் தெரிவித்தனர். பிரசாரக் கூட்டத்தில் நடந்த இந்தத் திடீர் உயிரிழப்பு குறித்துக் கோபிசெட்டிபாளையம் போலீசார் வழக்குப்பதிவு செய்து விசாரணை மேற்கொண்டு வருகின்றனர். அர்ஜுனனின் உயிரிழப்புக்குக் காரணம் என்ன என்பது குறித்து மருத்துவமனை அறிக்கைக்குப் பின்பே தெரியவரும் எனக் கூறப்படுகிறது.

one person fainted and died during the erode eps campaign
"யார் யாரோ கனவு காண்கிறார்கள்.. கனவை நொறுக்கிவிட்டீர்கள்" - செங்கோட்டையன் சொந்த தொகுதியில் பழனிசாமி

முன்னதாக, கரூரில் கடந்த செப்டம்பர் மாதம் 27ஆம் தேதி தவெக தலைவர் விஜயின் பரப்புரையின்போது ஏற்பட்ட கூட்ட நெரிசலில் சிக்கி 41 பேர் உயிரிழந்தனர் என்பது குறிப்பிடத்தக்கது. இது நாடு முழுவதும் பெரும் சோகத்தையும் அதிர்ச்சியையும் ஏற்படுத்தியிருந்தது.

Related Stories

No stories found.
X
logo
Puthiyathalaimurai
www.puthiyathalaimurai.com