திமுக எம்எல்ஏவுக்கு 15 நாட்கள் நீதிமன்ற காவல்.. பாளையங்கோட்டை சிறையில் அடைப்பு.!

முதல்வர் விஜய்யை அவதூறாக பேசிய வழக்கில் கைதான விளாத்திகுளம் திமுக எம்எல்ஏ மார்க்கண்டேயனை 15 நாட்கள் நீதிமன்றக் காவலில் வைக்க தூத்துக்குடி குற்றவியல் நீதிமன்றம் உத்தரவிட்டுள்ளது. விசாரணையின் போது சட்டமன்ற, நாடாளுமன்ற உறுப்பினர்கள் பொதுவெளியில் எப்படி பேசவேண்டும் என்ற வழிமுறைகள் உள்ளதாகவும், அதனை மீறி இப்படி பேசுவது சரியானது அல்ல என்று நீதிபதிசுமதி கருத்து தெரிவித்தார்.

விசாரணையின் போது மார்க்கண்டேயன் தனக்கு சர்க்கரைநோய் உள்ள நிலையில் முறையாக உணவு கொடுக்கவில்லை என்று குற்றச்சாட்டை முன்வைத்தார். அதனையடுத்து அவரை ஆகஸ்ட் 3ஆம் தேதி வரை நீதிமன்றக் காவலில் வைக்க நீதிபதி உத்தரவிட்டார். இதனைத்தொடர்ந்து அவர் பாளையங்கோட்டை சிறையில் அடைக்கப்பட்டார்.