ஆம்பூர்: பள்ளி எதிரே திறக்கப்பட்ட தனியார் மதுபானக் கடை... அகற்ற கோரி பாஜக போராட்டம்!

செய்தியாளர்: ஆர்.இம்மானுவேல் பிரசன்னகுமார்

ஆம்பூரில் பள்ளி எதிரே திறக்கப்பட்ட குளிர்சாதன வசதியுடன் கூடிய பொழுது போக்கு மதுபானக் கடையை அகற்றக்கோரி பாஜகவினர் போராட்டம்.

திருப்பத்தூர் மாவட்டம் ஆம்பூர் நகர் பகுதியில் உள்ள ஆம்பூர் - பேர்ணாம்பட் புறவழிச் சாலையில் தினமும் பல்லாயிரக்கணக்கான பொதுமக்கள் மற்றும் பள்ளி கல்லூரி மாணவர்கள் சென்று வருகின்றனர். இப்பகுதியில் ஏற்கெனவே மூன்று மதுபான கடைகள் உள்ளன.

இந்நிலையில், இப்பகுதியில் அரசு உதவிப்பெறும் பள்ளியிக்கு எதிரே 10 மீட்டர் தொலைவிலும், சென்னை - பெங்களூர் தேசிய நெடுஞ்சாலையில் இருந்து 50 மீட்டர் தொலைவிலும் குளிர்சாதன வசதியுடன் கூடிய பொழுதுபோக்கு தனியார் பார் இன்று திறக்கப்பட்டுள்ளது.

அதனை அகற்றக்கோரி பாரதிய ஜனதா கட்சியினர், அதன் எதிரே கண்டன கோஷங்களை எழுப்பி போராட்டத்தில் ஈடுப்பட்டனர்.