கோக் ஸ்டுடியோ தமிழ் சீசன்-2 உலகளவில் புதிய இசையின் மூலம் நேயர்களைக் கவர்ந்து வருகிறது. "தமிழ் வாழ்த்து" என்ற சமீபத்திய பாடல் தமிழ் மொழி பற்றியும், அதன் இலக்கியம், பாடல் மற்றும் கலாச்சாரத்தின் சாரத்தை முன்னெப்போதும் இல்லாத வகையில் ஒரு கண்ணோட்டத்தை அளித்துள்ளது.
பாரம்பரிய இலக்கியம் மற்றும் தமிழ்நாட்டின் துடிப்பான மரபுகள், பெருமைமிக்க கலைகளில் இருந்து ஈர்க்கப்பட்ட இந்த பாடல், உலகில் அழியாத முத்திரையை விட்டு, தலைமுறைகளைத் தாண்டி ஒரு கதையை உருவாக்கியுள்ளது.
புகழ்பெற்ற "ஹிப் ஹாப்" மற்றும் ராப் கலைஞர் அறிவு, அம்பாஸா இசைக்குழுவுடன் இணைந்து தமிழ் மக்களின் பெருமை, அவர்களின் சகிப்புத்தன்மை மற்றும் காலமற்ற உணர்வை வெளிப்படுத்தும் ஒரு ஊக்கமளிக்கும் கதையைத் தனது மெல்லிசை மூலம் மிக அழகாகக் கூறியுள்ளனர்.
தமிழ்நாட்டிலிருந்து தோன்றிய மாபெரும் புலவர்களான திருவள்ளுவர், பாரதியார், மதுரை இளங்குமரனார் போன்றவர்களின் எழுத்துக்களில் இருந்து உத்வேகம் பெற்று, தமிழ் மீது உள்ள அன்பின் வெளிப்பாடாக இந்த பாடல் உள்ளது. அழுத்தமான பாடல் வரிகள் மூலம், தமிழர்களின் வாழ்க்கையில் தமிழின் ஆழமான தாக்கத்திற்கு அஞ்சலி செலுத்துகிறது. தாய்மொழிக்காகப் பெருமிதம் கொள்ளும் எண்ணற்ற மக்களின் உணர்வுகளை எதிரொலிக்கிறது.
இந்த பாடல் குறித்துப் பேசிய அறிவு, “கோக் ஸ்டுடியோவின் தொடர்ச்சியான பயணத்தின் ஒரு பகுதியாக இருப்பதில் நாங்கள் மகிழ்ச்சியடைகிறோம். தமிழ் கலைஞர்கள் தங்கள் இசைத் திறனைப் பகிர்ந்து கொள்வதற்கான ஒரு முக்கிய தளமாக மாறியுள்ளது. சீசன் 2 இல் இடம்பெற்றது மற்றும் அம்பாஸா இசைக்குழுவைக் காண்பிக்கும் வாய்ப்பைப் பெற்றிருப்பது நாங்கள் மிகவும் மதிக்கும் ஒரு கௌரவமாகும்.
இந்த இயக்கம் தமிழ் இசையில் ஏற்படுத்திய தாக்கத்தை நேரில் பார்ப்பது ஊக்கமளிக்கிறது. அதன் பரிணாம வளர்ச்சிக்குப் பங்களிப்பதில் நாங்கள் மகிழ்ச்சியடைகிறோம். "தமிழ் வாழ்த்து”, தமிழ் இசையில் மகத்தான முக்கியத்துவத்தைக் கொண்டுள்ளது. எங்களின் அம்பாசா இசைக்குழு, இந்தப் பாடலின் மூலம் தமிழுக்கு மரியாதை செலுத்துவதை உண்மையிலேயே பாக்கியமாக உணர்கிறோம். இந்த பாடலை ஒரு இசைக்குழுவாக உருவாக்கி படமாக்கியது உண்மையிலேயே மறக்கமுடியாத அனுபவம். கோக் ஸ்டுடியோ போன்ற மதிப்புமிக்க மேடையில் வெளியிடப்படுவதில் நாங்கள் மகிழ்ச்சியடைகிறோம்" என்றார்.
