மேலும், நீங்கள் சர்ச்சையை ஏற்படுத்த வேண்டும் என்று நினைத்தால் அதனை தன்னிடம் முன்கூட்டியே தெரிவித்துவிட்டால் அதற்கு ஏற்றாற்போல் பதில் அளிக்க வசதியாக இருக்கும் என்று கூறி செய்தியாளருக்கு பதிலடி கொடுத்தார். கோலியின் இந்த பதிலுடன் கூடிய வீடியோ மற்றும் அவரது கிண்டலான, ஷாக் ரியாக்ஷன் போன்ற புகைப்படங்கள் ட்விட்டர் உள்ளிட்ட சமூக வலைதளங்களில் வைரலாகியுள்ளது. இதற்கிடையே மற்றொரு கேள்விக்கு பதில் அளித்த விராட் கோலி, பாகிஸ்தான் பெற்ற இந்த ஒரு வெற்றியால் இந்த உலகமே தனக்கும் இந்திய அணிக்கும் முடிந்துவிட்டதாக நினைக்கவில்லை என்றும் கூறினார்.
