இந்திய கிரிக்கெட் அணி ஆஸ்திரேலியாவில் சுற்றுப்பயணம் மேற்கொண்டு 4 டெஸ்ட், 3 ஒருநாள் மற்றும் 3 டி20 போட்டிகளில் விளையாட உள்ளது.
இந்த தொடரில் இந்தியாவுக்காக விளையாட உள்ள வீரர்களின் விவரங்களை அண்மையில் வெளியிட்டது பிசிசிஐ. அதில் இந்திய அணியின் துணை கேப்டன் ரோகித் ஷர்மாவை சேர்க்காமல் இருந்தனர் தேர்வு குழுவினர்.
அவருக்கு ஏற்பட்ட காயம் அணியில் சேர்க்கப்படாததற்கான காரணமாக சொல்லப்பட்ட நிலையில் ஹைதராபாத் அணியுடனான இன்றைய கடைசி லீக் ஆட்டத்தில் ரோகித் விளையாடி வருகிறார்.
இதனை மேற்கோள் காட்டி ‘ஹிட்மேன்’ ரோகித் ஷர்மாவை ஆஸ்திரேலிய தொடருக்கான அணியில் ஏன் சேர்க்கவில்லை?, அவர் ஃபிட்டாக தானே உள்ளார்? என தேர்வுக் குழுவினரை ரசிகர்கள் சமூக வலைத்தளங்களில் கேள்விகளை அம்புகளாக எய்து வருகின்றனர்.
இன்றைய ஆட்டத்தில் ரோகித் ஷர்மா 4 ரன்களில் அவுட்டாகி இருந்தார்.
