"ஏன் அழுகிறாய்? அது வெறும் குரங்கு.." PUNCH குரங்கிற்காக கண்ணீர்விட்ட கால்பந்து வீரர்!

கடந்த சில நாட்களாக Punch என பெயரிடப்பட்ட macaque வகை குரங்கு தான் இணையத்தில் எல்லோரையும் ஆட்கொண்டு வருகிறது.. கடந்த ஜனவரி மாதம் தனது கூட்டத்தை விட்டு பிரிந்து தனியாக சென்ற பென்குயின் எல்லோருடைய மனதையும் உலுக்கியதை போல, தற்போது இந்த Punch குரங்கும் அனைவருடைய மனதையும் உலுக்கியுள்ளது.

இணையத்தில் வைரலான வீடியோவில், தனது தாயால் கைவிடப்பட்ட Punch குரங்கு தன்னைவிட பெரிய குரங்குகளிடம் பாசத்திற்காகவும், அரவணைப்பிற்காகவும் அடைக்களம் தேடுகிறது. ஆனால் அந்த குட்டி குரங்கு Punch-ஐ ஏற்றுக்கொள்ளாமல் பெரிய குரங்குகள் தள்ளிவிடுகின்றன. பின்னர் தனிமையில் தவிக்கும் Punch, ஒரு குரங்கு பொம்மையை கட்டிப்பிடித்து உறங்குவது போலவும், தனிமையை போக்கிக் கொள்வது போலவுமான வீடியோ இணையத்தில் வெளியாகி வைரலானது.

இதைப்பார்த்த மனிதர்கள் தாங்கள் ஒரு கட்டத்தில் கடந்துவந்த தனிமையை நினைவுகூர்ந்து Punch-ன் வேதனையை தங்களுடன் ஒப்பிட்டு பார்த்து வேதனையடைந்து வருகின்றனர்.

இந்தசூழலில் தான் Punch குரங்கின் வீடியோவை பார்த்த மான்செஸ்டர் யுனைடெட் அணியின் கால்பந்து வீரர் ஜேவியர் ஹெர்னாண்டஸ் கண்ணீர் விட்டு வீடியோவை பகிர்ந்துள்ளார்.

தனது இன்ஸ்டாகிராம் கணக்கில் "ஏன் அழுகிறாய்? அது வெறும் குரங்கு.." என்ற தலைப்பில் வீடியோவை பகிர்ந்திருக்கும் ஹெர்னாண்டஸ், Punch குரங்கின் வீடியோ தன்னை ஏன் மிகவும் ஆழமாக பாதித்தது என்பது குறித்து வெளிப்படையாகப் பேசியுள்ளார். முன்னாள் பிரீமியர் லீக் முன்கள வீரர் Punch-ன் தனிமையான நடத்தைகளைப் பற்றி சிந்தித்து அதை மனித உணர்ச்சிகளுடன் ஒப்பிட்டார். குட்டி குரங்கை பெரிய குரங்குகள் தள்ளிவிடுவதை பார்த்து Punch ஆறுதல் தேடும்போது. ஹெர்னாண்டஸ் வீடியோவை பார்த்து கண்ணீர் விட்டார்.

Punch-ன் கதை ஏன் ஒரு உணர்ச்சிபூர்வமான செய்தியைக் கொண்டுள்ளது என்பதை விளக்கியிருக்கும் ஹெர்னாண்டஸ், வீடியோ உடன் 3 விதமான விசயங்களை punch மனிதர்களுக்கு உணர்த்துவதாகவும் பதிவிட்டுள்ளார்.