ஊக்கமருந்து சோதனையில் தோல்வி.. இந்திய பாரா ஈட்டி எறிதல் வீரருக்கு 3 ஆண்டுகள் தடை!
இந்திய பாரா ஈட்டி எறிதல் வீரர் அன்மோல் வசிஷ்டா, ஊக்கமருந்து சோதனையில் தோல்வியடைந்ததால், சர்வதேச பாராலிம்பிக் குழு அவருக்கு 3 ஆண்டுகள் தடை விதித்துள்ளது. F55 பிரிவில் அவர் பெற்ற முடிவுகள் மற்றும் பரிசுகள் ரத்து செய்யப்பட்டன.
இந்திய பாரா ஈட்டி எறிதல் விளையாட்டு வீரர் அன்மோல் வசிஷ்டா ஊக்கமருந்து சோதனையில் தோல்வியடைந்ததைத் தொடர்ந்து, அவருக்கு சர்வதேச பாராலிம்பிக் குழு 3 ஆண்டுகள் தடை விதித்துள்ளது.
கடந்த மார்ச் 2026-இல் புதுடெல்லியில் நடைபெற்ற 'உலக பாரா தடகள கிராண்ட் பிரிக்ஸ்' போட்டியின் போது நடத்தப்பட்ட சோதனையில், தடைசெய்யப்பட்ட ஸ்டீராய்டு பொருளை அன்மோல் பயன்படுத்தியது கண்டறியப்பட்டது. இந்த ஊக்கமருந்து விதியை மீறியதற்காக அவருக்கு 3 ஆண்டுகள் விளையாடத் தடை விதிக்கப்பட்டுள்ளது.
புதுடெல்லி கிராண்ட் பிரிக்ஸ் போட்டியில் F55 பிரிவில் அவர் பெற்ற முடிவுகள், புள்ளிகள் மற்றும் பரிசுகள் அனைத்தும் அதிகாரப்பூர்வமாக ரத்து செய்யப்படுகின்றன.
