’மிரட்டலான ஆட்டம்..’ 45 பந்தில் சதம் விளாசிய இஷான் கிஷன்! 113 ரன்கள் குவிப்பு!
சையத் முஷ்டாக் அலி டிராபி போட்டியில் ஜார்கண்ட் கேப்டன் இஷான் கிஷன் 45 பந்தில் சதமடித்து, 50 பந்தில் 113 ரன்கள் குவித்து அசத்தினார். 10 பவுண்டரிகள், 8 சிக்சர்கள் அடித்து, 17.3 ஓவரிலேயே இலக்கை எட்டிய ஜார்கண்ட் அணி திரிபுராவை 8 விக்கெட் வித்தியாசத்தில் வீழ்த்தியது.
இந்தியாவின் முதன்மை உள்நாட்டு டி20 தொடரான சையத் முஷ்டாக் அலி டிராபியின் 18வது சீசன் தொடங்கி நடைபெற்றுவருகிறது.. அந்த வகையில், திரிபுரா மற்றும் ஜார்கண்ட் அணிகளுக்கு இடையேயான போட்டி இன்று நடைபெற்றது..
பரபரப்பாக தொடங்கிய போட்டியில் முதலில் விளையாடிய திரிபுரா அணி 20 ஓவரில் 182 ரன்கள் அடித்தது. அதிகபட்சமாக விஜய் சங்கர் 59 ரன்கள் அடித்தார்.
183 ரன்கள் அடித்தால் வெற்றி என விளையாடிய ஜார்கண்ட் அணியில், தொடக்க வீரராக களமிறங்கிய ஜார்கண்ட் கேப்டன் இஷான் கிஷன் 10 பவுண்டரிகள் 8 சிக்சர்கள் என பறக்கவிட்டு 45 பந்தில் சதமடித்து அசத்தினார்.. இறுதிவரை ஆட்டமிழக்காமல் 50 பந்தில் 113 ரன்களை இஷான் கிஷன் அடிக்க, 17.3 ஓவரிலேயே இலக்கை எட்டிய ஜார்கண்ட் அணி 8 விக்கெட் வித்தியாசத்தில் அசத்தலான வெற்றியை பெற்றது..
முந்தைய போட்டியில் SRH அணியின் அபிஷேக் சர்மா 52 பந்தில் 148 ரன்கள் விளாசிய நிலையில், மற்றொரு SRH வீரரான இஷான் கிஷனும் 50 பந்தில் 113 ரன்கள் குவித்து மிரட்டியுள்ளார்.. சமீபத்தில் மற்றொரு SRH வீரரான டிராவிஸ் ஹெட்டும் ஆஸ்திரேலியாவிற்காக சதமடித்தது குறிப்பிடத்தக்கது..
