முதற்கட்ட தேர்தல் நடைபெறும் தமிழ்நாடு உள்ளிட்ட 21 மாநிலங்களில் இன்று மாலையுடன் பரப்புரை நிறைவடையும் நிலையில், மாலை 6 மணிவரை வாக்கு சேகரிக்க அனுமதி அளிக்கப்பட்டுள்ளது.
பரப்புரை ஓய்ந்தபிறகு சமூக வலைதளம் மூலம் வாக்கு சேகரித்தால் 2 ஆண்டுகள் சிறை என தேர்தல் ஆணையம் எச்சரிக்கை விடுத்துள்ளது.
“அதிமுகவுக்கு அளிக்கும் வாக்கு பாஜகவுக்கு அளிப்பது போன்றது. தமிழக உரிமைகளை மத்திய அரசிடம் அடகு வைத்தவர் இபிஎஸ்” என்று முதலமைச்சர் ஸ்டாலின் விமர்சனம்.
“பாஜக கூட்டணியைவிட்டு அதிமுக விலகியதற்கு நீங்கள் ஏன் கவலைப்படுகிறீர்கள்?” என தேர்தல் பரப்புரையில் முதல்வர் ஸ்டாலினுக்கு எடப்பாடி பழனிசாமி கேள்வி.
பெரம்பலூரில் ஐஜேகே வேட்பாளர் பாரிவேந்தரை ஆதரித்து பாஜக தேசிய தலைவர் ஜெ.பி.நட்டா வாகன பேரணியில் ஈடுபட்டார். அப்போது பேசிய அவர், “எதிர்க்கட்சி தலைவர்கள் ஒன்று பெயிலில் இருக்கிறார்கள்; இல்லையென்றால் ஜெயிலில் இருக்கிறார்கள்” என விமர்சனம்.
பிரதமர் நரேந்திர மோடி, பணக்கார தொழிலதிபர்களுக்கே உதவுகிறார். உண்மையான பிரச்னைகளில் இருந்து மக்களை பிரதமர் திசை திருப்புவதாகவும் என ராகுல் காந்தி புகார்
“கிராமப்புற பகுதியில் இருக்கும் அதிமுகவின் வாக்குகள், பாஜகவிற்கு வந்துவிட்டது. நடுநிலை வாக்காளர்கள் பிரதமர் மோடியின் பக்கம் இருக்கிறார்கள்” என அண்ணாமலை பேட்டி.
திமுக, அதிமுகவுக்கு வாக்களிப்பதை நிறுத்திவிட்டு, வீட்டுக்கு அனுப்புங்கள் என திண்டுக்கல் பரப்புரையில் பாமக தலைவர் அன்புமணி ராமதாஸ் பேச்சு.
ஆளுங்கட்சி, ஆண்ட கட்சிகள் செய்துவரும் பணப்பட்டுவாடாவை தடுத்து நிறுத்துங்கள் என பரப்புரை வாகனத்தை சோதனையிட்ட பறக்கும் படை அதிகாரிகளிடம் டிடிவி தினகரன் வலியுறுத்தல்.
வாக்காளர்களுக்கு பரிசு, பணம் கொடுப்பது ஜனநாயகத்தின் அடிப்படைக் கட்டமைப்பையே தகர்த்துவிடும் என உயர்நீதிமன்ற மதுரைக்கிளை நீதிபதி புகழேந்தி கருத்து.
மின்னணு வாக்குப்பதிவு முறையில் பின்பற்றப்படும் அனைத்து நடைமுறைகளையும் விவரிக்க வேண்டும் என ஒப்புகைச்சீட்டு தொடர்பான வழக்கில் தேர்தல் ஆணையத்துக்கு உச்சநீதிமன்றம் உத்தரவு.
100 சதவீத வாக்குப்பதிவை வலியுறுத்தி தமிழகம் முழுவதும் புதிய தலைமுறை நடத்திய விழிப்புணர்வு நிகழ்ச்சிகான நிறைவு விழா சென்னை மெரினா கடற்கரையில் இன்று நடைபெறுகிறது.
விஜய பிரபாகரை விஜயகாந்தின் மறு உருவமாக எண்ணி வாய்ப்பளிக்க வேண்டும் என விருதுநகர் தொகுதியில் பரப்புரை மேற்கொண்ட பிரேமலதா விஜயகாந்த் உருக்கம்.
மக்களின் வாக்குகளை பெறுவதற்காக வித்தியாசமான முறையில் ஆதரவு திரட்டிய வேட்பாளர்கள் போண்டா சுட்டுக்கொடுத்தும், பழ வியாபாரம், துணியை இஸ்திரி செய்தும் வாக்கு சேகரிப்பு.
தருமபுரி அருகே வாக்கு சேகரிப்பின்போது அதிமுக - நாம் தமிழர் கட்சியினரிடையே வாக்குவாதம் பிரசார வாகனத்தின் கண்ணாடி உடைக்கப்பட்டதால் சலசலப்பு.
“பாஜக மீண்டும் ஆட்சியமைத்தால், மணிப்பூரில் நடப்பதைபோல எல்லா மாநிலங்களிலும் நடக்கும்” என மத்திய அமைச்சர் நிர்மலா சீதாராமனின் கணவரும், பொருளாதார நிபுணருமான பரகலா பிரபாகர் பேச்சு.
தங்கக்குதிரை வாகனத்தில் வீதியுலா வந்த சொக்கநாதர், மீனாட்சியம்மன் என மதுரை சித்திரை திருவிழாவின் 5ஆம் நாள் நிகழ்ச்சி கோலாகலமாக கொண்டாடப்பட்டது.
வேங்கைவயல் விவகாரத்தில் 3 மாதங்களில் விசாரணை நடத்தி இறுதி அறிக்கை தாக்கல் செய்ய வேண்டும் என சென்னை உயர்நீதிமன்றம் உத்தரவு.
போதைப்பொருள் கடத்தல் வழக்கில் ஜாபர் சாதிக் உள்ளிட்ட 5 பேரும் நீதிமன்றத்தில் ஆஜரான நிலையில், நீதிமன்ற காவல் வரும் 20 ஆம்தேதி வரைநீட்டிப்பு.
சத்தீஸ்கர் மாநிலத்தில் நக்சல் இயக்கத்தை சேர்ந்த 29 பேர் சுட்டுக்கொலை. துப்பாக்கிச்சண்டையில் பாதுகாப்பு படையினர் அதிரடி நடவடிக்கை.
பெங்களூருவில் குடிநீர் தட்டுப்பாட்டை பயன்படுத்தி தனியார் தண்ணீர் லாரிகள் அதிக கட்டணம் வசூலிப்பதாக புகார் அரசு எழுந்தநிலையில், நிர்ணயித்த தொகையை விட 25% வரை கூடுதலாக கேட்பதாக பொதுமக்கள் குற்றச்சாட்டு.
கனமழையால் வெள்ளத்தில் தத்தளிக்கும் ஐக்கிய அரபு அமீரகம் துபாய் விமான நிலையத்தில் குளம்போல் தேங்கியதால் தண்ணீரால் விமான சேவைகள் ரத்து.
கொல்கத்தாவுக்கு எதிரான ஐபிஎல் லீக் போட்டியில் ராஜஸ்தான் அணி த்ரில் வெற்றி பெற்றது. ஜாஸ் பட்லரின் அதிரடி சதத்தால் இமாலய இலக்கை எட்டி அசத்தல்.
மஞ்சும்மல் பாய்ஸ், பிரேமலு, ஆடுஜிவிதம் வரிசையில் இணைந்த பஹத் பாசிலின் 'ஆவேஷம்’ திரைப்படங்கள் வெளியான 6 நாட்களில் 50 கோடி ரூபாய்க்கு மேல் வசூல்.
