மக்களவை தேர்தல் தேதியை இன்று பிற்பகலில் அறிவிக்கிறது இந்திய தேர்தல் ஆணையம். தேதி அறிவிக்கப்பட்ட உடன் நடத்தை விதிமுறைகள் அமலுக்கு வரும் என்றும் அறிவிப்பு.
புதிய தேர்தல் ஆணையர்கள் நியமனத்திற்கு இடைக்கால தடை விதிக்க உச்சநீதிமன்றம் மறுப்பு தெரிவித்துள்ளது. இந்நிலையில், தனியாக மனுத்தாக்கல் செய்ய அறிவுறுத்தி வரும் 21 ஆம் தேதிக்கு ஒத்திவைக்கப்பட்டுள்ளது.
அமலாக்கத்துறை பணப்பதுக்கல் வழக்கு தொடர்பாக விசாரிப்பதற்காக தெலங்கானா முன்னாள் முதலமைச்சர் சந்திரசேகர ராவ் மகள் கவிதா கைது செய்யப்பட்டார். இந்நிலையில் விசாரணையை தொடர டெல்லிக்கு அழைத்து சென்றார்.
தமிழ்நாட்டில் I.N.D.I.A கூட்டணி துடைத்து எறியப்படும் என கன்னியாகுமரி பாரதிய ஜனதா பொதுக்கூட்டத்தில் பிரதமர் மோடி உரை..
கோவையில் வருகிற 18ஆம் தேதி பிரதமர் மோடி, வாகன பேரணி செல்ல அனுமதி காவல்துறை அனுமதி மறுத்ததை அடுத்து, உயர்நீதிமன்றத்தை நாடி பாஜக அனுமதி பெற்றது.
மத்திய புதிய கல்விக்கொள்கை திட்டத்தின் கீழ் அறிவிக்கப்பட்ட PM SHRI பள்ளிகள் தமிழகத்தில் நிறுவ விரைவில் புரிந்துணர்வு ஒப்பந்தம் கையெழுத்தாகும் என மத்திய கல்வித்துறை அறிவிப்பினை வெளியிட்டுள்ளது.
தேர்தல் பத்திரங்களின் எண்களை ஏன் வெளியிடவில்லை என உச்சநீதிமன்றம் கேள்வி எழுப்பிய நிலையில், திங்கட்கிழமைக்குள் விளக்கம் அளிக்குமாறு பாரத ஸ்டேட் வங்கிக்கு உத்தரவு பிறப்பிக்கப்பட்டுள்ளது.
உச்சநீதிமன்றம், விவரங்கள் கேட்காத 15 மாதத்தில் 5,813 பத்திரங்களை வாங்கியது யார்? என ஆர்.டி.ஐ. மூலம் கேட்ட கேள்விக்கு எழுத்துப்பூர்வமாக பதிலளித்த எஸ்.பி.ஐ வங்கி.
மிரட்டி பணம் பறிக்கும் உலகின் மிகப்பெரிய மோசடியே தேர்தல் பத்திரங்கள்தான். இந்த தேர்தல் பத்திரத் திட்டம் பிரதமர் மோடியின் சிந்தனையில் உருவானது என ராகுல் காந்தி குற்றச்சாட்டினை முன்வைத்துள்ளார்.
இலங்கை கடற்படையால் கைதான தமிழக மீனவர்களை விடுவிக்க நடவடிக்கை எடுக்க வேண்டும் என மத்திய வெளியுறவுத்துறை அமைச்சர் ஜெய்சங்கருக்கு முதலமைச்சர் மு.க. ஸ்டாலின் கடிதம் எழுதியுள்ளார்.
மார்க்சிஸ்ட் கம்யூனிஸ்ட் போட்டியிடும் 2 தொகுதிகளுக்கும் வேட்பாளர்கள் அறிவிக்கப்பட்டுள்ளனர். மதுரையில் சு.வெங்கடேசன், திண்டுக்கல்லில் சச்சிதானந்தம் போட்டியளிக்கவுள்ளதாக தகவல்.
நாம் தமிழர் கட்சிக்கு கிடைக்குமா கரும்பு விவசாயி சின்னம்? தலைமை தேர்தல் ஆணையம் பதிலளிக்க உச்சநீதிமன்றம் உத்தரவு பிறப்பித்துள்ளது.
புதுக்கோட்டை, நாமக்கல், திருவண்ணாமலை, காரைக்குடி நகராட்சிகளை தரம் உயர்த்தி முதலமைச்சர் மு.க.ஸ்டாலின் அறிவித்தநிலையில், தமிழ்நாட்டில் புதிதாக மேலும் 4 மாநகராட்சிகள் உதயமாகின்றன.
அதிமுக பெயர், சின்னத்தை பயன்படுத்த ஓ பன்னீர்செல்வத்திற்கு தடை விதிக்க கோரி எடப்பாடி பழனிசாமி தொடர்ந்த வழக்கிற்கு வரும் திங்கட்கிழமை தீர்ப்பு அளிக்கிறது சென்னை உயர்நீதிமன்றம்.
தருமபுரம் ஆதீனத்திற்கு கொலை மிரட்டல் விடுத்ததாக மகாராஷ்டிராவின் ராய்காட்டில் தலைமறைவாக இருந்த பாஜக மாவட்ட தலைவர் அகோரம் கைது செய்யப்பட்டார்.
தமிழகத்தில் இந்த கோடைக்காலத்தில் தண்ணீர் தட்டுப்பாடு இருக்காது என நகர்ப்புற வளர்ச்சித்துறை அமைச்சர் கே. என். நேரு திட்டவட்டமாக தெரிவித்துள்ளார்.
காஞ்சிபுரம் மாவட்டம் உத்தரமேரூர் பகுதியில் அளவுக்கு அதிகமாக மாணவர்களை ஏற்றிச் சென்ற ஆட்டோ கவிழ்ந்து விபத்து ஏற்பட்டதில் 7 ஆம் வகுப்பு படிக்கும் ரோஹித் என்ற மாணவர் சம்பவ இடத்திலேயே உயிரிழந்துள்ளார்.
சென்னை மாநகரப் பேருந்தில் தொங்கிக்கொண்டே பயணித்த சிறுவன் தவறி விழுந்து விபத்து ஏற்பட்டதில், பேருந்தின் சக்கரத்தில் சிக்கி சம்பவ இடத்திலேயே உயிரிழந்துள்ளார்
அரச மரத்துக்கும் வேப்ப மரத்துக்கும் திருமணம் செய்துவைப்பதற்கு எதிராக தொடரப்பட்ட வினோத வழக்கில், மரங்களுக்கு திருமணம் செய்துவைப்பதை புனிதமாக கருதுவதாக கூறி வழக்கை தள்ளுபடி செய்தார் நீதிபதி.
கோவை வெள்ளியங்கிரி மலை அடிவாரத்தில் கார் பார்கிங் பகுதியில் ஆக்ரோஷத்துடன் தாக்க பாய்ந்த ஒற்றை யானையால் அலறியடித்துக்கொண்டு ஓடி அங்கிருந்து மக்கள் தப்பி ஓடினர்.
கொடைக்கானல் பழனி சாலையில் காட்டுத் தீயால் ஆயிரக்கணக்கான ஏக்கர் புல்வெளிகள் நாசம் ஆகின. இந்த பசுமை அழிந்து கருமை படர்ந்ததை பதிவு செய்த பருந்துப் பார்வை காட்சிகள்.
நெல்லை மாவட்டத்தில் பேருந்தை உரிய நிறுத்தத்தில் நிறுத்தாமல் சென்ற ஓட்டுநர் மற்றும் நடத்துநருக்கு அபராதம் விதித்து பாதிக்கப்பட்டவருக்கு 78 ஆயிரம் ரூபாய் வழங்க நுகர்வோர் நீதிமன்றம் உத்தரவு பிறப்பித்தது.
புதுச்சேரி அரசு ஊழியர்களின் அகவிலைப்படி மத்திய அரசு ஊழியர்களுக்கு இணையாக 50 விழுக்காடாக உயர்த்தி உத்தரவு பிறப்பிக்கப்பட்டுள்ளது. ஜனவரி ஒன்றாம் தேதி முதல் முன் தேதியிட்டு வழங்கப்படும் என அறிவிப்பு வெளியிடப்பட்டுள்ளது.
சிறுமிக்கு பாலியல் தொல்லை கொடுத்ததாக கர்நாடக முன்னாள் முதலமைச்சர் எடியூரப்பா மீது பாய்ந்தது போக்சோ சட்டம். இந்நிலையில், வழக்கு விசாரணை சிஐடிக்கு மாற்றம் செய்யப்பட்டுள்ளது.
பரபரப்பான எலிமினேட்டர் போட்டியில் நடப்பு சாம்பியன் மும்பையை வீழ்த்தி மகளிர் பிரீமீயர் லீக் கிரிக்கெட் தொடரின் இறுதிப் போட்டியில் நுழைந்தது பெங்களூரு அணி.
