பிரதமர் நரேந்திர மோடி நாளை கன்னியாகுமரி வருக தரவுள்ள நிலையில், அங்குள்ள விவேகானந்தர் மண்டபத்தில் தியானம் செய்கிறார்.
“பிரதமர் மோடி மறைமுக பரப்புரை செய்ய முயற்சிக்கிறார்; தேர்தல் நடத்தை விதி அமலில் உள்ளதால், கன்னியாகுமரியில் தியான நிகழ்வுக்கு அனுமதி தரக்கூடாது” என தமிழக காங்கிரஸ் கமிட்டி தலைவர் செல்வப்பெருந்தகை வலியுறுத்தியுள்ளார்.
ஜூன் ஒன்றாம் தேதி திமுக வேட்பாளர்கள் மற்றும் மாவட்ட செயலாளர்கள் கூட்டம் நடைபெறவுள்ளது. இதில் வாக்கு எண்ணிக்கை முகவர்களும் பங்கேற்க ஏற்பாடு செய்யப்பட்டுள்ளது.
காரைக்கால் அருகே 13 வயது சிறுவன் கழுத்தறுத்துக் கொல்லப்பட்ட சம்பவத்தில், வெறிச்செயலில் ஈடுபட்ட 17 வயது சிறுவன் கைது செய்யப்பட்டுள்ளார்.
தமிழ்நாட்டில் 3 நாட்களுக்கு வெயிலின் தாக்கம் அதிகமாக இருக்கும் என வானிலை ஆய்வு மையம் கணித்துள்ளது.
கேரளாவில் தொடர் மழை எதிரொலியாக கோட்டயம், எர்ணாகுளம் மாவட்டங்களுக்கு ரெட் அலர்ட் விடப்பட்டுள்ளது. மேலும், இடுக்கி உள்ளிட்ட மாவட்டங்களில் மிக கனமழை பெய்யும் என்றும் எச்சரிக்கை.
ரிமல் புயல் காரணமாக அசாம், மணிப்பூர் மாநிலங்களில் வெளுத்து வாங்கிய கனமழை காரணமாக பல்வேறு பகுதிகளில் வெள்ளம் பெருக்கெடுத்து ஒடியது.
மிசோரம் மாநிலத்தில் கனமழை மற்றும் நிலச்சரிவு பாதிப்பால் ஒரேநாளில் 25 பேர் உயிரிழந்துள்ளனர். இந்நிலையில், உயிரிழந்தவர்களின் குடும்பத்திற்கு தலா 4 லட்சம் ரூபாய் நிவாரணம் அறிவிக்கப்பட்டுள்ளது.
இந்தியாவுடனான ஒப்பந்தத்தை மீறி கார்கில் தாக்குதலை நடத்தியது தவறு என பாகிஸ்தான் முன்னாள் பிரதமர் நவாஸ் ஷெரீப் வருத்தம் தெரிவித்துள்ளார்.
பிரெஞ்சு ஓபன் டென்னிஸ் தொடரில் முதல் சுற்றில் பிரான்ஸ் வீரரை நேர் செட் கணக்கில் வீழ்த்தி, இரண்டாம் சுற்றுக்கு முன்னேறினார் நட்சத்திர வீரர் ஜோகோவிச்.
