குடலில் 6-வது உணர்வு இருப்பது கண்டுபிடிப்பு.. பசியைக் கட்டுப்படுத்துவதில் முக்கிய பங்காற்றும்!

மனித குடலில் "ஆறாவது உணர்வு" இருப்பதற்கான ஆதாரங்களை, விஞ்ஞானிகள் கண்டுபிடித்துள்ளனர். இந்த புதிய உணர்வு, பசியை கட்டுப்படுத்துவதில் முக்கியப்பங்காற்றக்கூடும் என நம்பப்படுகிறது. குடலில் உள்ள சில சிறப்பு செல்கள், நாம் உண்ணும் உணவில் உள்ள சர்க்கரை மற்றும் கொழுப்பின் அளவை உணரும்திறன் கொண்டவை என கண்டறிந்துள்ளனர்.

இந்த செல்கள் மூளைக்கு சிக்னல்களை அனுப்பி, பசியின் உணர்வைத் தூண்டவோ அல்லது குறைக்கவோ செய்யலாம். இந்த கண்டுபிடிப்பு, உடல் பருமன் மற்றும் நீரிழிவு போன்ற பிரச்சனைகளுக்கு புதிய சிகிச்சை முறைகளை உருவாக்க உதவும் என எதிர்பார்க்கப்படுகிறது. நீரிழிவு போன்ற பிரச்சனைகளுக்கு புதிய சிகிச்சை முறைகளை உருவாக்க உதவும் என எதிர்பார்க்கப்படுகிறது.

உணவை ஜீரணிப்பதை விட உங்கள் குடல் அதிகமாகச் செய்தால் என்ன செய்வது? எப்போது சாப்பிடுவதை நிறுத்த வேண்டும் என்பது பற்றி சரியான நேரத்தில் உங்கள் மூளையுடன் பேசினால் என்ன செய்வது? டியூக் பல்கலைக்கழகத்தின் விஞ்ஞானிகள் ஒரு புதிய ஆய்வில் கண்டுபிடித்தது இதுதான். ஆம் இது ஒரு “உணர்ச்சி என்று சொன்னால் நம்புவீர்களா? இந்த கண்டுபிடிப்பின் மையத்தில் ஃபிளாஜெல்லா (Flagellin) உள்ளது, Flagella எனப்படும் பாக்டீரியாக்களின் சாட்டை போன்ற வாலில் காணப்படும் ஒரு புரதம். ஃபிளாஜெல்லா (flagella) என்பதற்கு தமிழில் கசையிழை அல்லது நகரிழை என்று பெயர். இவை உயிரணுக்களில் காணப்படும் நீளமான, கயிறு போன்ற அமைப்புகள் ஆகும். இவை உயிரணுக்கள் நகர்வதற்கும், உணவை உறிஞ்சுவதற்கும் உதவுகின்றன.

மேலும் இதில் நியூரோபாட்கள் உள்ளன. அவது உடலின் மிக நீளமான தன்னியக்க நரம்பு, வாகஸ் நரம்பு மூலம் நேரடியாக மூளைக்கு சமிக்ஞைகளை அனுப்புகின்றன. நேச்சர் இதழில் வெளியிடப்பட்ட இந்த முன்னேற்றம், மனித குடல் ஒரு செரிமான உறுப்பு மட்டுமல்ல, இது உணவு நடத்தையை ஒழுங்குபடுத்த உதவும் ஒரு “நியூரோபயாடிக் உணர்வை” கொண்டிருக்கக்கூடும் என்று கூறுகிறது. சில விஞ்ஞானிகள் இதை நமது ஆறாவது அறிவு என்று கூட அழைக்கிறார்கள்..

குடலில் உள்ள நியூரோபாட்களில் TLR5 எனப்படும் ஏற்பி உள்ளது ((short for Toll-Like Receptor 5). ஆராய்ச்சியாளர்கள் எலிகளுக்கு ஒரு ஃபிளாஜெல்லாவின் ஒரு அளவைக் கொடுத்தபோது, அவற்றின் TLR5 ஏற்பிகள் பசியை அடக்கும் திறனை தூண்டின. அதனால் எலிகள் வழக்கத்தை விட குறைவாக சாப்பிட்டன. ஆனால் இந்த ஏற்பி இல்லாமல் எலிகள் அதே “முழு” சமிக்ஞையைப் பெறவில்லை மற்றும் விரைவாக எடை அதிகரித்தது. இதன் பொருள் நமக்குள் வாழும் பாக்டீரியாக்கள் வெறும் பாக்டீரியாக்கள் மட்டுமல்ல. அவை உண்மையில் நாம் எப்படி உணர்கிறோம் மற்றும் நடந்து கொள்கிறோம் என்பதை பொறுத்து செயல்படுகிறது.

இது குறித்து இந்த ஆய்வின் மூத்த ஆசிரியர் டியாகோ போஹோர்க்வெஸ் ஒரு செய்திக்குறிப்பில் கூறுகையில்,” உடல் சரியான நேரத்தில் நுண்ணுயிர் வடிவங்களை உணர முடியுமா என்று ஆய்வு நடத்தினோம். அப்போது இது நோயெதிர்ப்பு மறுமொழியாக மட்டுமல்லாமல், நடத்தைக்கு வழிகாட்டும் நரம்பியலாகவும் இருந்தது. மேலும் இந்த நுண்ணுயிர் புரதங்கள் நமது மூளை செயல்பாட்டை பாதிக்க முடிந்தால், குடல்-மூளை இணைப்பைப் புரிந்து கொள்வது உடல் பருமன், மனச்சோர்வு மற்றும் பதட்டம் போன்ற நிலைமைகளுக்கு சிகிச்சையளிக்க உதவும், இவை அனைத்தும் பசி மற்றும் குடல் ஆரோக்கியத்துடன் இணைக்கப்பட்டுள்ளன” என்றார்.

மேலும் வெவ்வேறு உணவுகள் நுண்ணுயிரியை எவ்வாறு பாதிக்கின்றன, அது நம் மூளையை எவ்வாறு பாதிக்கிறது என்பதை விஞ்ஞானிகள் இப்போது ஆராயத் திட்டமிடுகிறார்கள். மனித நுண்ணுயிரியில் சுமார் 100 டிரில்லியன் நுண்ணுயிர் செல்கள் உள்ளன. இது உங்கள் முழு உடலிலும் உள்ள மனித உயிரணுக்களை விட அதிகமாக இருக்கும் பாக்டீரியா ஆகும். எனவே அடுத்த முறை நீங்கள் ஒரு நல்ல உணர்வை உணரும்போது அதை புரிந்துக் கொள்வீர்கள் என்றனர்.