மாஸாக வெளிவந்த அப்டேட்.. ‘தளபதி 69’ படத்தின் ஃபர்ஸ்ட் லுக் ரிலீஸ் தேதி அறிவிப்பு!

சினிமாவிலிருந்து விலகி முழுநேர அரசியலில் களமிறங்கியிருக்கும் நடிகர் விஜய், தன்னுடைய சினிமா கரியரின் கடைசி திரைப்படமாக ’தளபதி 69’ படத்தில் நடித்துவருகிறார்.

ஹெச் வினோத் இயக்கம் நடிகர் விஜயின் 69வது படத்தில் அனிமல் பட வில்லனான பாபி தியோல், பீஸ்ட் படத்தில் விஜய்யுடன் சேர்ந்து நடித்த பூஜா ஹெக்டே மற்றும் பிரேமலு புகழ் பட நடிகை மமிதா பைஜு மற்றும் கௌதம் வாசுதேவ் மேனன் உள்ளிட்ட பலர் சேர்ந்து நடிக்கின்றனர். இப்படத்திற்கு அனிருத் இசையமைக்கிறார். படத்தை பிரபல தயாரிப்பு நிறுவனமான கேவிஎன் புரொடக்‌ஷ்ன் தயாரிக்கிறது.

தளபதி 69 ஒரு கமர்சியல் படமாகவும், அதேநேரத்தில் அரசியல் பேசும் திரைப்படமாகவும் இருக்கும் என்று இயக்குநர் ஹெச்.வினோத் கூறியிருந்த நிலையில், படம் கிட்டத்தட்ட 70% முடிந்துவிட்டதாக கேவிஎன் தயாரிப்பு நிறுவனம் தெரிவித்துள்ளது.

தளபதி 69 திரைப்படமானது முழுமையாக அரசியல் பேசும் படமாக இருக்காது என முதலில் தெரிவித்த ஹெச்.வினோத், “சமூக கருத்துகள் மட்டுமே இடம்பெறும்” என்று கூறியிருந்தார். இந்நிலையில் இப்படத்தின் அதிகாரபூர்வ அறிவிப்பிலேயே ஜனநாயத்தின் ஒளியை ஏந்திச்செல்லும் நபர் (The torch bearer of Democracy) என்ற டேக்லைனுடன் படத்தின் அறிவிப்பு அறிவிக்கப்பட்டது.

விஜயின் அரசியல் எண்ட்ரியை தொடர்ந்து கடைசி படத்திற்கான டேக்லைனும் அரசியல் சார்ந்து இருந்ததால், தளபதி 69 படத்தின் மீது எதிர்ப்பார்ப்பு அதிகமாக இருந்துவருகிறது. இந்த சூழலில் படத்தின் பெயர் ’நாளைய தீர்ப்பு அல்லது ஜனநாயகம்’ என இருக்கும் என சமூகவலைதளங்களில் பேசப்பட்டுவருகிறது.

இந்நிலையில் படத்தின் ஃபர்ஸ்ட் லுக் வெளியிடப்படும் தேதியை தயாரிப்பு நிறுவனம் அறிவித்துள்ளது. கேவிஎன் நிறுவனம் அறிவித்திருக்கும் அந்த அறிவிப்பில் தளபதி 69 படத்தின் ஃபர்ஸ்ட் லுக் குடியரசு தினமான ஜனவரி 26 அன்று வெளியாகும் என தெரிவிக்கப்பட்டுள்ளது. விஜய் மாஸ்ஸாக நடந்துவரும் புகைப்படத்தையும் தயாரிப்பு நிறுவனம் பகிர்ந்துள்ளது. விஜய் ரசிகர்கள் ஜனவரி 26-ம் தேதிக்காக காத்திருக்கின்றனர்.