100 ஆண்டுகளில் இல்லாதளவுக்கு Box Office வசூலில் புதிய சாதனை.. மிரட்டிய புதுப்படங்கள்!

சுதந்திர தினத்தையொட்டிய விடுமுறை நாட்களில் சுமார் 400 கோடி ரூபாய் அளவுக்கு திரையங்குகளில் டிக்கெட்டுகள் விற்பனையாகியுள்ளதாக மல்டிபிளெக்ஸ் அசோசியேஷனும், தயாரிப்பாளர்கள் கில்டும் தெரிவித்துள்ளன.

கடந்த வாரம் வெளியான ரஜினியின் 'ஜெயிலர்', சன்னி தியோல் நடித்த 'கடார்-2', அக்‌ஷய் குமாரின் ’ஓ.எம்.ஜி-2’, சிரஞ்சீவியின் ’போலா சங்கர்’ உள்ளிட்ட படங்கள் பாக்ஸ் ஆபீஸ் வசூலில் கலக்கியுள்ளன.

இதன்காரணமாக, ஆகஸ்ட் 11ஆம் தேதி முதல் 13ஆம் தேதி வரை திரையங்குகளில் 2 கோடியே 30 லட்சம் டிக்கெட்டுகள் விற்பனையாகி, 390 கோடி ரூபாய்க்கும் அதிகமாக வசூலாகியுள்ளதாகத் தெரிவிக்கப்பட்டுள்ளது.

இது, 100 ஆண்டுகளில் இல்லாத பாக்ஸ் ஆபீஸ் வசூல் என மல்டிபிளெக்ஸ் அசோசியேஷனும், தயாரிப்பாளர்கள் கில்டும் தெரிவித்துள்ளன.